Radio Romano

E internetoski patrin www.tajsa.eu si jek webbsajt kaj shuven opre 24 seriji anda 12 Europeiski thema pa o Holocausto kaj sas kherdino pe le rom thela dujto lumako maripe. Kadi projekta si kherdini katar e organizacia "Radio La Benevolencia" anda Hollandi ande buchi kusa "Radio Patrin".

Ande Romunia nachilas o 20 februari kado bersh 260-bersh desar le rom naj slugi vaj slavura ando them. Kado djes sar inkherdo sar jek celebracia buthe romenge ande Romunia, thaj si jek djes kaj so znachij but.

O 4 februari o maj baro rashaj anda Almeria pendas ke kerena sunto vaj helgon anda rek romni, e Emilia Fernandes. Kado si jek baro bajo ande katolictko khangeria te avel jek romni sunto vaj helgon.

Sas jek bari kompeticia kadale kurkesko agor ande televisia ando Ungro. Taj ande kompeticia sas perdo pindjarde gilabatora, ale kon njerisardas e sas jek romano shavo savo bushol Papai Joci.

Kam lan sama ke pale avilas kodi vrama thela bersh kana avel tuke pe pochta e pamaranchovo kuverta katar o Pensionsmyndigheten. Ferik ke so si chachimasa kado lil, importatnoj te ginaves les, djal te achares so skirijpe, vaj ferik automaticnie avel sakoneske thaj naj importatno te dikhes so skirij pe ande leste.

Cirka 4,9 miljonura shvedura si po Facebook adjes thaj shela ezera po Instagram. Thaj jek rapporto anda Internetstiftelsen ando Shvedo, sikhavel ke vi so majbut vrama shuvas pe socialni mediji. Ferik ke sode vrama shuvas chachimasa pe socialni mediji, kana si za but thaj che konsekvensura shaj avel kadalestar?

Shunen adjes. Trin violentni tumultura vaj upplopp sas arachi lujine pe rachate ande forosko kotor Rinkeby. But matori sas dine langa, bolti sas chorade thaj sas shudine bar ande policia.

Pala kode boldam ame karing rom kaj so trajin ande forosko kotor Rinkeby te pushas ame lendar sar von dikhen pe kado ke kasave bucha kerdzon, thaj sar gindon pa kadal.

Kronofogden akanak kherde jekh investigacia chi shaj avel kade ke varekon anda lenge vlasni buchara shaj aven hamime ande pindjarde hohajimata kaj o departemento opre dine kaj e policia

Tehara o 21 februari lela pe jekh seria pa Resande Rom ando Shvedo po SVT khaj bushiol Elenors Resa,

Kadi seria djala ande trin kotora thaj kote birina e manush ando Shvedo te dikhen sar e Resande rom trajin adjes thaj so von nakhle ando Shvedo.

Vegetaricno habe kerdzol so maj normalno. Ande le bare habeske bolti line sama thela angluno dpash bersh ando 2016-bersh jek zurales vazdino bikinipe kana avel kaj vegetaricni produktorua, thaj gindon ke kado trendo ferik majdur djala.

Majdur diskusia ando studio amara reporterkasa la Margaretasa sar si lake te kiravel vegetaricno habe kana si la si terne shave khere kaj si vegetarianura.

Arachi las pe o musikalo pe Folkoperan ando Stockholm khaj bushiol Förklädd Gud..

Ande kadi opera si romane eu-citizentura andre thaj o pindjardo romano artisto Lelo Nika tsirdel pe harmonika .

Ando Lingköping akanak savatone kezdin pe le romane kulturake djesa. Muzika, kultura thaj khelipe avla aktualno po than kana thela kado djes e romani kultura si ando centro.

O Mersion Pejda romano mediatori thaj sherutno pe kadi projekta, phenlas kade amende pa kadi buchi kana ame kherdam leske telefono.