Radio Romano

Ando Shvedo paruven but manush khaj naj Shvedanura penge anava te birin te arakhen jekh chansa te len buchi vaj te na arasen ande diferentne diskriminatci.

Adjes avla jekh specialno programo khaj shunena diferentne romen khaj parude penge anava.

Shunena sostar von kodo kerde thaj shunena vaj variso parudjilas ande lenge trajura...

Ande Rumunia khide pe shela ezera manush te keren demostratcia karing e koruptcia so kerlas pe ando them. Feri ande Bucaresti sas karing 200 000 manush khaj kerde demostratcia arachi.

E kommunstyrelsen acceptulisarde o proposalo te te shuven jek romano råd vaj concilo ando foro Göteborg. E kommunalrådet Mariya Voyvodova (S) si la nadzea te nakhle pherdal kadi buchi.

Shunen adjes. O Istvan Kvik si jek pindzardo artista anda lituania, e Istvanos vi si e pinzardi romani grupa Sare e Roma aj kadi grupa tradel pa intrego luma aj djilaben aj khelen.

E exibicia "Vi Är Romer" vaj Ame Sam Rom shaj dikhel o manush akanak ando Malmö Museet, savo sikavel le romengi histora thaj adjesutno trajo. O Mirsad Sahiti phenel sar le rom trajinas andi Rumania sar slabi.

But romane djuvlja si duvar diskriminovani katar e gadje thaj katar e rom, phenen kade e romane djuvljenge organizacie. E asociacia E Romnja Edukinen e romnjen sar te roden peske chachimata.

Shunen adjes o rom o Asim Demiri anda Göteborg akanak pomozinel romen katar o foro Sutka ande Makedonia anda kode ke sas but shill kothe kado jivend. Vov akanak khidel andre love te shaj zutij le romen habesa thaj kashtesa kaj shaj phabaren te tacharen peske khera, thaj sigo vrama tradel ande Makedonia.

O Södertörns Högskola so si ando stockholmo andas andre jek nevi institucia profesorenge ande romane sitcarimata, Kadi si angloni kasavi institucia profesoronge ande romane studji ande Skandinavia.

E romani EU-parlamentariker Soraya Post las jek nevi buchi sar socialdemokraticno koordinatorka ande gruppa pe manushikane chachimata, skirij voj pe socialni mediji. So znachij kadi nevi buchi? Shunen la ando Radio Romano adjes.

Vrama kaj o doktori po internet te zas kaj o doktori po chiro komputeri si ofertovano katar privatne medicinicni firmi aj kadal firmi doktora po internet baron adjes zurales but, e landsting krojal ando Shvedo si kadal kon potcinel majbut anda kado koshto kaj kadal firmi.

Dragan Gracanin si romano kordinatori so kerel buchi e romane mediatorienca andi ando foro Smederevo ande Serbia. Vov phenel ke si mishto si kaj si amen e romane mediatoria pe diferentni pushimata numa kaj len naj zor te anen decizia thaj naj len financie te keren projektia save shaj te den dumo e romenge.