Radio Sunnmøre

Det nærmar seg påske og det kan vere godt med forslag til nye spel og apper for borna, eller ein aktivitet for heile familien. Kris Munthe, spelrådgivar i Barnevakten, gir deg nokre konkrete tips i vekas intervju.

I slutten av juni blir det sommartur til Finnmark med Plussreiser, og reiseteamet er Marit Stokken Berland, Irene Krokeide Alnes og Steinar Harila.

På turen over ni dagar får ein oppleve alt frå Alta, til Nordkapp til Kirkenes og Karasjok. I intervjuet med Irene og Steinar får du høyre meir om kva Finnmark har å by på.

I Bibelpraten denne veka startar vi på Jobs bok i Bibelen, i ein prat med Johan Halsne og Arild Ove Halås.

Job opplevde det verst tenkelege i livet, å miste born, jobb og å bli alvorleg sjuk. I starten av boka står det ein samtale mellom Gud og Satan som er starten på Jobs tragiske hendingar, og denne samtalen tek vi ein prat om i dagens episode.

- Vi er på heilag grunn når vi opnar Bibelen og les påskeevangeliet, seier Marit Stokken Berland i vekas kvardagsprat. Møter og påskeplanar er avlyst, og tida framføre er usikker, men påska kjem og digitale møter er planlagt. Høyr kvardagspraten med Marit Stokken Berland.

Reint vatn kan redde liv og forandre liv. Og årets fasteaksjon i Kirkens Nødhjelp går til inntekt for akkurat dette. Vi har tatt ein prat med Berit Nerheim Andersen, Kirkens Nødhjelp sin kontakt i Spjelkavik menighet, om korleis ein kan støtte årets aksjon, og kva rolle konfirmantane har fått i årets innsamlingsaksjon.

Vi lever i eit samfunn som er meir pluralistisk og har blitt multireligiøst. Det er noko av det Svein Granerud nemner som forklaring på at fleire skular drive på kristent verdigrunnlag har måtte stå i mediestormen det siste året. Svein Granerud har blitt intervjua Johan Behrentz om dette temaet.

I vekas program frå NSP Aid Bistandsarbeid i Kenya og Etiopia, fortel dagleg leiar Gunnar Hamnøy om ei jente som har fått hjelp av fadderarbeidet  til Heart to Heart.

I vekas mediekommentar utfordrar dagleg leiar Jarle Haugland lyttarane til å bli med på ei skjermfri veke frå 19.-26. mars. Det er eitt år sidan Noreg stengde ned og ein tok skjermar meir i bruk. No i 2021 utfordrar Haugland til å endre den auka mediebruken vår, stoppe opp, vurdere og reflektere over korleis ein brukar dei ulike skjermane. 

Høyr vekas mediekommentar på Radio Sunnmøre.