Radio Sunnmøre

I Bibelpraten er vi komen til Paulus brev til galatarane, og i vekas episode tek vi ein prat om kva det vil seie å vere frelst av nåde. Johan Halsne og Arild Ove Halås er med i praten om kva som står i Bibelen og kva det kan bety for oss i dag.

- Det tok tid for meg å forstå at Jesus var personleg og at han brydde seg om meg, det var meir at mine foreldre var misjonærer og at eg var med på lasset, fortel Randi Alnes, senterleiar for Ungdom i Oppdrag Ålesund. Ho bur i dag på Sunnmøre saman med mannen Jan-Oskar, og i eit intervju med Radio Sunnmøre fortel Randi om vegen ho har hatt frå ho vaks opp som misjonærbarn i Kenya, til å forstå at Jesus har ei betydning for henne personleg. Høyr heile intervjuet med Randi Alnes.

I Kvardagspraten denne veka tek vi ein prat med Irene Krokeide Alnes. Vi snakkar om nåde og i tillegg får du høyre at fyrste møteaktivitet etter korona er sett på kalendaren, og Lyngdal Bibelcamp er fyrst ut til å få besøk av duoen Marit & Irene. Høyr meir i vekas prat.

Korleis kan ein få sletta bilete på nett etter at det er lagt ut på sosiale medier? I vekas prat med Barnevakten tek vi opp dette temaet med dagleg leiar Leif Gunnar Vestbøstad Vik.

I vekas mediekommentar frå Tro & Medier stiller ein spørsmål om korleis NRK skal forhalde seg til tru og livvsyn. Vekas mediekommentar er ved dagleg leiar Jarle Haugland.