Radio Sunnmøre

Ein av to ungdomar mellom 13-18 år har sett på porno, og 57 % av desse har sett porno før fylte 13 år. Ei ny undersøking frå Medietilsynet og Redd Barna syner desse tala, og i ein prat med Barnevakten ved fagleg leiar, Kjellaug Tonheim Tønnesen, tek vi ein prat om kva resultata i undersøkinga er og kva grep som blir tatt for å hindre at så mange barn og unge ser porno.

Søndag 14. juni vert det arrangert ein stor familiefest digitalt for heile Møre & Romsdal. Det er Indremisjonsforbundet, Acta Normisjon, SoulChildren, Norkirken Molde og Søndagsskulen som står bak arrangementet, som i normale koronafri tider har nær 1000 menneske samla i Reknesparken i Molde. I år vert arrangementet digitalt, og vi har tatt ein prat med pastor i Norkirken Molde, Odd Magnus Venås.

I Bibelpraten denne veka har vi kome til Paulus brev til galatarane der Paulus forkynner evangeliet. I bibelpraten tek vi ein prat med Johan Halsne og Arild Ove Halås om kva som står i Bibelen og kva det kan bety for oss i dag.

Nå nærmer vi oss er tittelen på Robert Tjomlid sin andre diktbok. Han fortel i eit intervju med Radio Sunnmøre at han i i dikta sine gjev uttrykk for mange av sine opplevingar og erfaringar i livet som fleire kan kjenne seg att i. Høyr smakebit frå boka og intervju med Robert Tjomlid på Radio Sunnmøre.

I kvardagspraten denne veka tek vi praten med Marit Stokken Berland. Vi er denne veka i tida mellom Kristi Himmelfartsdag og pinsehelga, og i praten med Marit snakkar vi litt om kva som hende desse dagane i Bibelen og kva det betyr for oss i dag.