1.Ambassaderi J. Busingye aravuga ko inama y’ibihugu bivuga ururimi rw’icyongereza izabera  Rwanda  kuri 20 Kamena 2022, ngo ari Umwanya mwiza wo kumenyekanisha u Rwanda.  Nyakubahwa Busingye arirengagiza ko iyi nama ya CHOGM ategerejeho byinshi ari inama igiye kubera mu rusaku igihe u Rwanda  rurimo kuvugwa cyane muri Media kubera impamvu zitari nziza. 

2.Umuvunyi mukuru Nirere Madeleine yavuze ko ngo  u Rwanda  rwatorewe kuyobora ihuriro ry’inzego zirwanya  ruswa muri Commonwealth, ruzasangiza ibindi bihugu, ukutihanganira ruswa kuko ngo rufite abayobozi batihanganira ruswa. Icya mbere umuntu yakeka ni uko iyi scandal ya ruswa y’igitsina muri Miss Rwanda, ifungwa ry’abayobozi  11 b’ibigo by’amashuro banereje miliyoni 28, ifungwa rya ba Mporiki ufungiye mu rugo, bishobora kuba bifitanye isano na CHOGM aho u Rwanda rushaka kubeshya amahanga ko rutihanganira ruswa.

3.Mugihe u Rwanda ruhugiye muri skandali zo kuzana abimukira, kwitaba inkiko muri Amerika kubera gushimuta Rusesabagina,  umuyobozi ubifitiye amakuru aratangaza ko kugwingira kw’abana byiongereyeho 8%.  Leta iteganya ite  ko kugwingira  kuzagabanuka  kandi ntacyo ikora ngo ibiciro by’ibiribwa by’ibanze bigabanuke,  ikintu kigaragarira buri wese ko kizagira ingaruka ku mirire y’abakennye ari nabo bafite abana bagwingiye ? Iri zamuka ryo kugiwingira twararihanuye none rirabaye. Leta yo ihugiye mu itegekinika.

1.Ambassaderi J. Busingye aravuga ko inama y’ibihugu bivuga ururimi rw’icyongereza izabera  Rwanda  kuri 20 Kamena 2022, ngo ari Umwanya mwiza wo kumenyekanisha u Rwanda.  Nyakubahwa Busingye arirengagiza ko iyi nama ya CHOGM ategerejeho byinshi ari inama igiye kubera mu rusaku igihe u Rwanda  rurimo kuvugwa cyane muri Media kubera impamvu zitari nziza. 

2.Umuvunyi mukuru Nirere Madeleine yavuze ko ngo  u Rwanda  rwatorewe kuyobora ihuriro ry’inzego zirwanya  ruswa muri Commonwealth, ruzasangiza ibindi bihugu, ukutihanganira ruswa kuko ngo rufite abayobozi batihanganira ruswa. Icya mbere umuntu yakeka ni uko iyi scandal ya ruswa y’igitsina muri Miss Rwanda, ifungwa ry’abayobozi  11 b’ibigo by’amashuro banereje miliyoni 28, ifungwa rya ba Mporiki ufungiye mu rugo, bishobora kuba bifitanye isano na CHOGM aho u Rwanda rushaka kubeshya amahanga ko rutihanganira ruswa.

3.Mugihe u Rwanda ruhugiye muri skandali zo kuzana abimukira, kwitaba inkiko muri Amerika kubera gushimuta Rusesabagina,  umuyobozi ubifitiye amakuru aratangaza ko kugwingira kw’abana byiongereyeho 8%.  Leta iteganya ite  ko kugwingira  kuzagabanuka  kandi ntacyo ikora ngo ibiciro by’ibiribwa by’ibanze bigabanuke,  ikintu kigaragarira buri wese ko kizagira ingaruka ku mirire y’abakennye ari nabo bafite abana bagwingiye ? Iri zamuka ryo kugiwingira twararihanuye none rirabaye. Leta yo ihugiye mu itegekinika.

Radio Itahuka

Turabasuhuje bakunzi ba Radio Itahuka, kandi twizera ko aho muri hose hirya no hino ku isi, Nyagasani akomeje kuba mu ruhande rwanyu.

kuri uyu mugoroba mu kiganiro Igihe ni iki turaganira ku ngingo zikurikira:

1) Ikibazo cya Ruswa mu bayobozi, basanzwe banahembwa akayabo gituruka kuki? ese bamwe ntibaba bategekwa kubaho mu buzima burenze ubushobozi bwabo? cyangwa se ni inda nini? ugezweho ubu ni bwana Bamporiki Edouard, wihutiye gusaba imbabazi ku mucamanza mukuru ariwe Paul Kagame, nawe agahita umusubiza mu magambo arimo igisa n'umwanzuro yamufatiye, kandi nyamara nta minsi myinshi irashira , mu kuvuga ku kibazo cya Bwana Rusesabagina, yaravugaga ko ativanga mu butabera? akomeza avuga ko hari n'abandi bameze nka Bamporiki? ese niba bahari kuki bo batabatwereka? ese azababarira bamporiki, hanyuma abandi bayobozi bafunzwe bazira indonke bo bagume mu gihome? ese ibi byose ntibyaba bifite aho bihuriye na CHOGM?

2) Tukiri ku kibazo cy'ubutabera turaza kugaruka ku ngaruka zizaturuka mu rubanza umuryango wa Rusesabagina warezemo Leta y'u Rwanda. tugaragaza uburyo ku ruhande rumwe Leta y'u Rwanda ihabwa inkunga z'iterambere, hanyuma ikazitagaguza mu manza zitakagombye kubaho, no mu bikorwa byo gushimuta abenegihugu. hanyuma ikanarenzaho no gushakisha andi mafaranga mu bikorwa byo gucuruza ingabo z'igihugu, no guteza imbere ubucakara bw'abanyafurika nkuko byagaragariye mu masezerano afifitse hagati y'u Rwanda n'ubwongereza.

3) Ikibazo cy'ubusambanyi mu bana b'abanyarwanda cyamaze gufata indi ntera, kandi bikorwa n'abari mu buyobozi, bakingirwa ikibaba, hagashinjwa ba nsina ngufi. turi burebere hamwe ingero z'abayobozi bagiye bavugwaho ibyo byaha byo guhohotera abangavu, kandi ntibakurikiranwe.

Muhawe ikaze kuri Radio yanyu.

LETA IBASONEYE IMYENDA YA VUP & YAKUYEHO N'UMUSORO W’UBUTAKA ?

1.Akarere ka Rutsiro kasoneye abaturage inguzanyo ya miliyoni 171 bafashe bakananirwa kuyishyura  kubera impamvu nyinshi ( kigali today,14.04.2022) zirimo izatewe na Covid d19, guhomba, kwimukira ahatazwi, gupfa. Abasonewe ngo ni abari mu bukene bukabije badashobora kubona ubwishyu cg abimukiye ahatazwi, abapfuye batishyuye, etc… nyuma y’akarere ka Rutsiro,  aka Rubavu nako kafashe umwanzuro wo gusonera abaturage umwenda bahawe na VUP ungana na miliyoni hafi 99 frrws ( kigalitoday,03.05.2022). 

2.Itangazamakuru ryo mu Rwanda ryaba ryarasimbuye abadepite  mu gukorera abaturage?  Ese kuvuganira abaturage byaba byarabaye icyaha mu Rwanda ku buryo ubigerageje wese atotezwa?  Ibi bigaragarazwa n’uko ibinyamakuru cg abanyamakuru bose bavuga ibibazo by’abaturage bafungwa, bagatotezwa, bagahunga cg bagaceceka. Iri totezwa turaribona  ridahosha/ rihoraho rikorerwa abanyamakuru bagerageza kuvuga akarengane gakorerwa abanyarwanda ribonerekera buri wese, kandi umuntu yanarisoma muri za raporo zisohoka buri mwaka za HRW, Amnesty cg raporo ya Amerika ku Rwanda.  

3.Amarushanwa mu mashuri y’ibanze ku muryango wa Chogm. Uburezi butagira ireme ese ni ayahe marushanwa buzitabira? Azakorwa ku ruhe rugero? mu yahe mashuri?

Radio Itahuka

Radio Itahuka

Radio Itahuka

1.Hasohotse inkuru nyinshi zivuga ko umuryango wa Rusesabagina wareze u Rwanda  kubera ko rwashimuse Rusesabagina. Ikiregeo ngo cyashyikirijwe inkiko i washigton DC muri Amerika tariki ya 22.02.2022. Abaregwa ni Leta y‘u Rwanda, Président Paul Kagame, Johnson Busingye wari ministre w’Ubucamanza icyo gihe Rusesabagine ashimutwa, n‘umukuru wa RIB colone Ruhunga Jeannot, n’umukuru wategeka service z’iperereza.  Ngo mu kirego hagaragaramo ko Rusesabagina yagiye anekwa, Leta imwoga runono, imutera ubwoba, haba  mu Bubiligi aho yari atuye, haba muri Amerika (RFI, 01.05.2022). Inkuru ya RFI ikomeza ivuga ko iciyirego cyerekana ukuntu Rusesabagina yashutswe n’umuntu yari yizeye akamugusha mutego, indege yuriye yibwira ko imujyanye mu masengesho i Burundi igakata ikamujyana mu Rwanda aho ngo yakorewe iyicarubozo. Binavugwa ko ngo mbere y’uko yinjira mu ndege yari yahawe drogue, kugirango ate umutwe atavumbura ibirimo kumubaho.

2.Ku munsi mukuru w’umurimo uba buri mwaka tariki ya 01.05, mu Rwanda bahangayikishyijwe n’ikibazo cy’umushahara fatizo Leta ya FPR yanze gutanga kuva yagera ku butegetsi muri 1994. Umushahara fatizo uriho ubu wemewe n’amategeko akaba ari amafaranga 100/ ku munsi yashyizweho muri 1978. 

3.Kagame yatunguye abantu avuga ko abamuhunga bakajya mu mahanga baba bagiye gukora ubusa,  ko bajya kwaka ubuhungiro babeshya ngo FPR irica, ntabuhumekero, nta winyagambura, etc..