1. Mu  gihe hari abifuza guhishira ko mu Rwanda ikibazo cyo gusabiriza kigaragara, ndetse bakanafungwa mu rwego rwo guhisha ubukene no gusukura umujyi wa Kigali, gusabiriza birarushaho gufata indi ntera kandi impamvu zo gusabiriza zirahari n’ubwo hari ababifata nk’ikinegu no kutiyubaha. Uwasabye Ministre Busingye agafuka k’umuceri mu bihe bya Gumamu Rugo  kuri Twitter kandi akagahabwa, ngo yaba yaratumye abandi batinyuka bagira kwanjama abategetsi babasabiriza n’amafranga. Ibyo inkuru ya Kigalitoday yo kuwa  2.01.2021 yise“ ingeso yo gusabiriza abayobozi ikwiye gucika muri 2022“. Gusa umuntu yibaza ukuntu ingeso yo gusabiriza izacika impamvu zibitera zigihari.  Niba bamwe basesagura abandi bicira isazi mu jisho, abashonje bazabuzwa n’iki gusaba abíjuse ?  

2. Bahawe ingurube ngo aho kubungukira zirabakenesha. Ngo urubyiruko rwari mu bushimeri i Rubengera rwahawe ingurube ngo rukore umushinga w’ubworozi twivane mu bukene. Abantu 10 bahabwa ingurube 11  bubakirwa n’ikiraro ariko zabananiye kuzitunga kuko ibiryo byazo birahenze (750 frw/ ku munsi) kandi bose bari abashomeri. Ingurube ngo zagiye zipfa urusorongo umushinga urazima. Ibi bikaba byatumwa twibaza niba abakene bahabwa inka za kijyambere zo zitabakenesha aho kubateza imbere. 

3. Nyiragongo ngo irimo kurekura ibyuka bidasanzwe, SO2, ngo ukunyeganyega ku Isi kuriyongera muri  uwo musozi wa Nyiragongo ( BBC Gahuza).

4. Leta y’agatsiko irimo guhamagarira urubyiruko ku bwinshi kwinjira mu gisirikare.  Abakunzi ba Radio Itahuka baduhaye amakuru.

Radio Itahuka

Radio Itahuka

Radio Itahuka

Radio Itahuka

Radio Itahuka

IKIGANIRO KIRAMBUYE NA GEN KAYUMBA NYAMWASA KU BIBAZO BITANDUKANYE BYO MU RWANDA

1.Mu ijambo risoza umwaka wa 2021 Kagame yagejeje ku banyarwanda, yabapfunyikiye amazi ababwira ko igihugu gihagaze neza. Byinshi Mu byo bari biteze ko ari bukomoze ho byaranze u Rwanda haba muri bukungu, mu mibereho myiza y’abaturage, muri diplomasi cg umutekano Kagame ntacyo yapapimiye. Mu nkingo yahawe n’ibihugu byinshi nk’imfashanyo, ngo yabashije gukingira 80% by’abarengeje imyaka 12 ngo babonye nibura urukingo rumwe.

2.Muri Gambiya komisiyo y’ubumwe n’ubwiyunge irasaba ko Jammeh Yahya wigeze gutegeka igihugu imyaka 22 guhera  tariki ya 22.07.1994 n’abo bafatanije gukora ibyaha, kujyanwa um nkiko bakabazwa ibyaha bakoze.  Urukiko ngo rwashyirwaho na  Cedeao ngo nka Senegal, Ghana cg Sierra Leone bashobora kuburanisha Jammeh yahya na bagenzi be cg umuryango w’ubumwe bw’Afrika AU.  Muri rapport yakozwe na Komisiyo, ngo bakoze ibyaha bikomeye cyane muri Gambia.  Umunyamategeko uburanira abavictimes, yavuzeko nyuma y’ubuhamya bwerekana ibyaha byakozwe, ngo Gambiya izotswa igitutu n’abaturage ndetse n’amahanga kugirango abavictimes bahabwe ubutabera.

Radio Itahuka

1.Duherutse kumva inkuru yo muri Ghana yabaye kimomo mu binyamakuru no ku matelevisiyo yo ku isi. Inkuru yavugaga ko abadepite bo muli Ghana bafatanye mu mashati bararwana mu nteko. Ibintu bamwe byatangaje benshi abandi bikabababaza kubera iyo myitwarire y’intumwa za rubanda mu nteko. Ariko iyo winjiye mu nkuru ugasesengura neza icyo ababadepite babogamiye kuli Leta n’abatavugarumwe nayo bapfuye, ubona ko batapfaga ubusa kuko usangamo ikibazo cy’imyemerere ya politiki itandukanye.

2.Ntibishimiye gukingirwa ku ngufu. Mu nkuru ya Therwandan yo ku wa 21.12.21, hagaragaramo ingamba zikomeye zafatiwe abatarikingije inkingo zombi/ byuzuye, aho  kujya mu kabari, muri bisi no mu nsengero hemerwa gusa abikingije kabiri.  Hari abagaragaza ko bakingirwa ku gahato, bikaba bitabashimishije na buhoro. Turabasomera inkuru.

3.Ababyarira mu bitaro bya Polisi ku Kacyiru ngo  barinubira ibihumbi 25.000 frws bakwa ya Caution (umuseke, 23.12.2021).  Mu nkuru biboneka ko abivuriza kuri mutuelle bakwa 25.000 frws , abandi bakakwa 50.000  frws ya Caution. Mutuelle imaze iki ? Iyi caution ni Leta yayitegetse ? Hagize upfa kubera ko yayibuze akarangaranwa yabazwa nde?