Athina Jansen praat met entrepreneurs wat wenke gee oor hoe om jou geld te bestuur tydens ‘n pandemie. Sy hoor ook by bestuurders van besighede hoe tegnologie voordelig kan wees, en hoe belangrik dit is dat Suid-Afrikaners plaaslike besighede moet ondersteun.

Graig-Lee Smith hoor hoe jy jou klein onderneming se deure kan oophou, en hoe om jou besigheid te bemark.

Graig-Lee Smith hoor by Ronvin Fransman hoe om 'n klein onderneming te begin. Hy maak ook ‘n Kaapse draai by skoonheidstegnikus Lena de Lange.

Finansiële beplanner Jurie De Kock vertel wat jy moet doen wanneer jy jou eerste motor koop. Graig-Lee Smith loer in by die bekende kunstenaar, Reggie Peace, en hoor hoe hy sy finansies bestuur.

Graig-Lee Smith praat met finansiële kenner Ruth Carr oor hoe jy jou geld beter kan bestuur, en hoe Millenniërs met hulle geld werk. Wesley van der Westhuizen, ‘n vryskutwerker en musiekkunstenaar, verduidelik hoe hy moes leer om sy geld te spaar en reg te gebruik tydens die pandemie.

Edward Phillips van Edusence vertel hoe subtiel bemarking gebruik word om verbruikers te oortuig om duur items te koop wat hulle nie nodig het nie. Hy verduidelik hoe belangrik dit is dat jy ‘n plan moet het vir jou finansies, en binne jou perke moet lewe. Leonie O’Connel van Momentum Wellness Practice gesels oor geldbestuur en beleggings, en hoe jy dit moet aanpak. Sy moedig vroue aan om meer verantwoordelikheid te neem van hulle finansies.

Maureen Plaatjies van Hangberg in Houtbaai vertel van hulle projek waar plastieksakke en ou T-hemde gebruik word om kleurvolle handsakke te hekel. Danie Bezuidenhout van Bizstarters kyk na die grootste foute wat entrepreneurs maak, en gee raad oor hoe om dit reg te stel. Madelein Hendricks gesels oor The Vent, ‘n aanlynplatform wat sy en drie vriendinne geskep het, waar vroue hulle harte kan uitstort, ervarings kan deel en raad kan gee.

Danie Bezuidenhout van Bizstarters vertel wat jy nodig het om jou eie besigheid te begin, en moedig entrepreneurs aan om die regte advies in te win. Pieter Senekal van Senfin Business Services praat oor die gevaarligte waarop jy moet let wanneer jy op soek is na ‘n boekhouer. Hy gee ook wenke vir wanneer jy jou eie boekhoubesigheid wil begin.

Ebeth van Heerden, die hoof van kleinhandelbesigheid by Schroders, praat oor die navorsing wat haar maatskappy gedoen om uit te vind hoe Covid-19 en ander faktore die besluite van beleggers beïnvloed het. Leonie O'Connel van Momentum Financial Wellness Practice vertel van ‘n opname wat gedoen is met Suid Afrikaanse vroue om uit te vind hoe die pandemie hulle geraak het.

Edward Phillips van Edusence vertel hoe wiskunde jou kan help om finansiële konsepte te verstaan, en hoekom dit so belangrik is om basiese wiskundige begrippe baas te raak as jy beter finansiële besluite wil neem. Willem Gous van The Human Entrepeneur praat oor hoe ons entrepreneurs kan ondersteun sodat hulle volhoubare en winsgewende besighede kan bou, en sodoende werksgeleenthede kan skep.