Richard van der Westhuizen het ‘n groot liefde vir die see. Johan Rademan het met hom oor die waarde van die see gesels, en hoor toe dat Richard jare gelede ‘n lied oor die see geskryf het.

Grapjasse en poetsbakkers moet ligloop in die 4x4-omgewing. Francois Rossouw vertel vir Johan Rademan dat ‘n goedkoop grappie ‘n duur uitstappie kan word.

Johan Rademan verken die Klein Karoo by Boplaas, waar Carel Nel die ou opvatting dat dit soetes- en brandewynwêreld is, die nek omdraai.

Francois Rossouw vertel vir Johan Rademan dat sleutels bitter belangrik is om op te pas wanneer jy verskeie voertuie s’n in jou besit het.

‘n Boek het Jurgens Schoeman van Live the Journey só gemotiveer dat hulle met amper 20 stappers ‘n pioniersroete in die Kuisebrivier-aardtrog, of canyon, gaan oopbreek het. Johan Rademan het met hom gesels oor dié stukkie aarde in Namibië, waar die kranse oor die 800 meter hoog is, en waar twee mense vir langer as twee jaar weggekruip het omdat hulle nie aan die oorlog wou deelneem nie.

Johan Rademan pols Francois Rossouw oor woonwaens wat gehaak en die veld ingesleep word, en hy waarsku jy moet nooit alleen gaan ry nie!

Johan Rademan gesels met ‘n Palestyn wat in Katar se hoofstad, Doha, as toergids werk. Saleh Abujundy vertel van die nywerheidsrewolusie in die 1920’s toe die pêrelduikers se werk tot stilstand gekom het, en hoe die Japanese met die kunsmatige kweek van pêrels die wêreldmarkte gekaap het. Vandag is Katar, naas Rusland en Irak, die derde grootste eienaars van gas- en olievelde ter wêreld.

Francois Rossouw vertel vir Johan Rademan van sy slegte toergidservaring en vliegtuiglanding op die verkeerde plek.

Francois Rossouw vertel vir Johan Rademan van Noord-KwaZulu-Natal en Mosambiek, en gee belangrike raad vir ritte op sandduine.

Eenzaamheid het een van die oudste pionierswonings (1693) in Suid-Afrika. Adam Tas was ‘n eienaar van die plaas, en die bekende Myburghs van Meerlust het ook ‘n verbintenis met die grond in die Agter-Paarl. Christo Briers-Louw en sy skoondogter Yolanda vertel vir Johan Rademan hoe hulle deur toerisme hierdie erfenis oopstel vir besoekers.