Ons maak gestopte varkboud saam met Marieta Human, bemarkingsbestuurder van die Varkvkeis Produsente Organisasie.

Martelize Brink hoor by Marieta Human van die Varkvleis Produsente-organisasie van Suid-Afrika van die verskillende varkvleissnitte vir die braai of potjie.

Athol Starcke van Hoëveldtoerisme vertel vir Johan Rademan van die weggesteekte juweeltjies in hierdie toerismestreek, waaroor die digter Toon van den Heever so mooi gedig het.

Paul Colditz is bekend vir sy werk in die onderwyssektor. Hy is ‘n ywerige ereveldwagter, en moedig mense aan om betrokke te raak by dié liggaam wat in ‘n ondersteunende hoedanigheid SA Parke bystaan.

Elke braai kort ‘n heerlike bygereg. Vandag is dit die ikoniese aartappelslaai. Martelize Brink gesels met sjef Chris Erasmus van Foliage oor sy gunsteling aartappelslaai-resep. Hy gee raad vir die aartappel gaarmaakproses en maak sy geheime bestanddeel bekend.

Die oudste wynskou in Suid-Afrika vir markklaarwyne, Veritas, moes vanjaar met nuwe inisiatiewe na vore kom weens Covid-19-beperkings. Johan Rademan praat hieroor met Kaapse Wynmeester en visevoorsitter van Veritas, Bennie Howard, en hoor van ‘n nuwe toep, Vinoveritas, wat toeriste met beplanning kan help wanneer hulle die wynlande besoek.

Sjef Chris Erasmus van Foliage verduidelik hoe jy ‘n ribbetjie by die huis kan rook en braai met die perfekte liplekker sous.

Sjef Chris Erasmus van Foliage gee ‘n meesterklas oor die kole. In die eerste insetsel bied hy ‘n bykosresep en tegniek met broccoli. Volgende week rook ons ‘n ribbetjie.

Kosgeskiedkundige en - konsultant Hetta van Deventer-Terblanche gee haar resep vir 'n skaapribpotjie.

Die afsettings en oorblyfsels in die Karoo strek na skatting 270-miljoen jaar terug. Voor dit was daar ysriviere en gletsers wat die kenmerkende landskap gelaat het wat ons vandag sien. In Khoi beteken Karoo harde of dorre wêreld. Die koloniste het dit Droogeland, ontleen van Khoi, genoem. Vandag is die landskaperfenis deel van die toerismewaardeketting. Die eienaar, bestuurder, kosman, kroegman, nutsman… almal skep uit die erfenis. Johan Rademan het met vier Karoo-werkers van Karoo1, net buite De Doorns op pad na Touwsrivier, gesels.