Ons landskap is deel van ons erfenis. Die bekroonde fotograaf, Mouton van Zyl, is gaande oor motorfietsritte, ossewaens en windpompe. Johan Rademan gesels met hom oor die onontdekte agterpaaie.

Martelize Brink gesels met Ian du Toit oor 'n varklies wat hy in 'n ketelbraai omtower in 'n vingerleklekker dis.

Na 16 jaar se optredes in meer as 2 500 produksies van The Phantom of the Opera, wonder ‘n mens wat het Rouel Beukes se asem weggeslaan, en wat is op sy reiswenslys? Die Groot Muur van China en die natuurskoon van Nieu-Seeland!

Ian du Toit, die man van Huiskok Errieda du toit, vertel van sy kruiebord waarop jy steakrepies deur die kruisesous kan trek.

Johan Rademan gesels met Christo Snyman, sanger van Christo en Cobus en Broers, oor die langafstande wat hulle as kunstenaars moet ry, en bring ook hulde aan die kunstenaars wat hulle lewe opgeoffer het op reis na of van vertonings. 'n Toerismebestemming Christo aangegryp het terwyl hy tussen dorpies en stede gereis het, is Magersfontein. Hy deel daardie ervaring met ons.

Johan Rademan praat met dr. Mike Fabricius, 'n onafhanklike toerismekonsultant wat saam met die Wêreld Toerisme-organisasie werk om infasering van toerisme in die na-Covid-fase in Suid-Afrika en die res van Afrika te beplan. Teen die agtergrond van die ontstellende swak syfers wat in grendeltyd uitgegee is deur Statistieke SA, verduidelik hy hoe daar met omsigtigheid te werk gegaan moet word o die grense vir toerisme oopgestel te kry in drie fases.

Martelize brink praat met Ben Momberg oor sy oom, Jan “Bek” Momberg, wat elke Oujaarsaand beesstert gemaak het op Struisbaai.

Johan Rademan praat met twee kunstenaars wat in Januarie 2021 saam vaar op die Oppiwater-boot - violis Lizelle le Roux en aktrise Ira Blanckenberg.

Johan Rademan het RSG se webmeester, Herman steyn, wat al drie dekades lank reis, gevra om sy Instagram-reisoomblik met ons te deel, en ook te vertel van 'n wenslysbestemming of twee. Die “Heiligdom van Waarheid” in Thailand word aan ons bekendgestel.

Amanda de Klerk, voorsitter van die Stellenbosch Fynproewersgilde, maak 'n pastoriehoenderpot.