Die Sydney Operahuis is die ikoniese stukkie argitektuur wat haar verbeelding die meeste aangegryp het, vertel Margite Meyer-Rodenbeck.

Wanner toerisme begin normaliseer, moet Suid-Afrikaners gerus die rykdom van weelde in hulle eie land herontdek. Priscilla Swartz vertel aan Johan Rademan wat die Pretoriase Botaniese Tuin oplewer. Sy het die Madagaskartuin help installeer, asook die Etno-botaniese tuin met die hulp van inheemse tradisonele genesers, terwyl sy daar werksaam was.

Sjef en outeur, Tayfun Aras, deel 'n lamkebap-resep uit sy geboorteland, Turkye.

PJ Basson van Montague vertel aan Johan Rademan hoe daar strategies gedink behoort te word deur private hoteleienaars en toerismemoondhede in die Covid-19-tyd. Hy praat ook oor die nuwe normaal t.o.v. toerismekongresse wat nou met virtuele metodes vervang kan word.

Haidee Muller gesels met Mariska Botha wat deur 'n organisasie op oorsese plase gaan werk het. Die reise het eers ná haar studies gebeur. Sy is 'n jong prokureur van Durbanville, en deel die geleenthede met ons.

Johan Rademan het Heidi Rosseau van Durbanville gevra om haar Instagramreisoomblik met ons te deel. Sy vertel van die duiwelvisse, seilvisse en pienk rivierdolfyne van die Amasone.

Tayfun het in Ankara in Turkye grootgeword. Daar maak hulle tradisioneel van 'n vuurherd gebruik om kos te kook. By sy huis gebruik Tayfun dieselfde medium. 'n Pizza-oond kan ook vir hierdie doel gebruik word.

'n Reismoment wat die Blues-kitaarspeler en teatereienaar van die Boer, Jurg Human, altyd sal bybly, is toe hy die legendariese Chigago-bluesmeester, Buddy Guy, in aksie gesien het in New York, en die ikoon vir hom 'n twee minute solovertoning van die verhoog af kom lewer het. Eric Clapton beskou die 83-jarige Buddy Guy as die beste kitaarspeler op die planeet. Johan Rademan het met Jurg Human oor sy Instagram-oomblik van reis gesels.

Sjef en outeur, Tayfun Aras, deel 'n swaardviskebab-resep uit sy geboorteland, Turkye.

Die heuwel van die martelare en die heilige hart van Maria is omtrent waaruit Montmartre in Parys bestaan. Talle besoekers gaan kyk na die kerk en verlustig hulle in aankope van kuns en snuisterye op die gesogte heuwel. Mandie Uys vertel vir Johan Rademan dat as jy mooi oplet, daar 'n man deur 'n muur probeer stap het.