Romane Paramichi

Romane Paramichi

By Sveriges RadioKids & Family
Download on the App Store

Romane Paramichi episodes

  • Skolako starto

    Arachi line pe, but skoli ando Shvedo thaj shela ezera chavora line te phiren te sitcion ande skoli.

    Lyssna på alla avsnitt i Sveriges Radios app.

    Radio Romano sas arachi ande jekh skola ando Stockholm thaj maladjilam romane chavorenca thaj pushlam lendar sar von acharen pe ke e shkoli line pe.

    5 min
  • Paramicha pa Brilantka

    Sas durmut duj manush so sas zurales barvale thaj zutinas sa e chorre manushen.

    Lyssna på alla avsnitt i Sveriges Radios app.

    Pe kaste sas te mukhen pesko baro barvalipe thaj kon zutija pala lende e chorre manushen?

    Jekh djes dikle von jeka phura romnia thaj zutisarde la...
    Voj najisisardas lenge anda lengo lashipe thaj phendas ke avla len jekh shejori numa musaj te len sama pala late ke kana voj avla 15 bershengi avla jekh nasul sharkani. Von rovenas sako djes ke chi birinas te avel len shavora.

    Ande kado programo shaj te shunen e Lazarito Delgado

    15 min
  • Paramichia pa sumnakuno pundro

    Durmut kana nas komputerura thaj telefonura trajijas jekh barvalo bahtalo Grofo ande Russia...

    Lyssna på alla avsnitt i Sveriges Radios app.


    Kadale grofos sas jekh shukar romni, khatik nas lako pharo, kasavi shukar sas ke e manush ladjanas pe vi te dikhen pe late ande laki shukh.

    Voj sas zurales shukar numa sas vi klumpig, jekh djes kana voj sas te uljel tele pa e trapti ande djis pelas e chorri thaj paglas pesko pundro pe efta thana.

    E doktora chi birisarde te keren kanchi, zumavnas te sastiaren o pundro numa kanchi chi zhutijas thaj musajsas te keren amputatcia thaj te shinen lako pundro.

    E Romni thaj o grofo rote avri penge jakha numa e grofos avilas jekh idea, vov sas te keravel peska romniake jekh sumnakuno pundro, ke vov kamelas la kade zurales but ke kamlas te shiol lake jekh sumnakuno pundro thaj sas les love te kerel kodo.

    Kana shute e doktora o sumnakuno pundro po than trjinas von pale bahtales thaj o grofo loshalas zurales peska romniake.

    Jekh djes uravlas pe e romni ande e maj kuch ghada so sas ande intrego ljuma, sa sas ande sumnkhaj thaj kuch bara.

    Kana e romni sas te uljel tele pa e trapti te sikavel pe ande peske shukar ghada e barvale grofoske hacisajlas voj peske uce papucensa ande kodol kuch ghada thaj pelas voj pale tele pe kodol bi bahtale trapti.

    Akanak paglas voj vi peski kor thaj mulas po than.

    O grofo rotas peske jakha avri thaj prahosardas peska kamada romnia pe mormunci.

    Ande e grofoski djis kernas but manush buci, mashkar sa kadal sas jekh sonome, bibahtalo parne balengo gadjo.

    Vov chi birijas te mukhel kodo ke e romni sas prahosardi kusa pesko sumnakuno pundro.

    - Kodo sumnakhaj musaj te kostulij perdo love" ghindojas o bibahtalo gadjo.....

    Vov chi birijas te mukhel o ghindo ke sas jekh romni prahosardi kusa jekh sumnakuno pundro.

    Jekh raci kana savori sovnas gelas vov chordanes pe mormunci thaj hunadas opre a romnia thaj chordas lako sumnakuno pundro thaj kana sas gata prahosardas vov la po dujto, konik te na lel sama so vov kerdas.

    Pala kodi raci nas aba soha paca pe kodol murmunci ke sako raci ashundjiolas jekh djuvliano glaso khaj rovelas thaj phenelas "sumnakhaj, sumnakhaj! De man palpale muro sumnakuno pundro!"

    E manush so trajinas pasha e murmunci chi birisarde pala jekh dopash bersh thaj o sherutno pa murmunci gelas khaj o barvalo grofo thaj phendas leske ke leska mula romnia naj paca ando grobo thaj ke varikhon trobuj te djal te vorbij a mula romniasa.....

    Kodi raci gelas o Grofo korkori, ke vov chi daralas te djal kote ke vov djanelas ke vi vov jutija pasha late kana vov merla....

    Vov gelas kote thaj vorbijas lasa te na rovel racianca e romni.

    E romni rovelas thaj phenlas Sumnakhaj Sumnakhaj, de palpale muro sumnakuno pundro...

    O grofo rovelas thaj chi acharlas kanchi. Sostar rover muri kamadi romni? Phenlas vov roindos. Chak si tut jekh sumnakuno pundro phenlas vov lake palpale.

    Pe dujto raci bishadas o Grofo peske rashajes te djal te rudzji pasha peska romniako grobo, chi kodo chi zhutisardas.

    Intrego foro shunelas pala jekh vrama a romnia kana voj rovelas thaj mangelas pesko pundro palpale.

    O barvalo grofo manglas pala kodo peske buciaren te djan te shunen vaj von birin te vorbin a mula romniasa, numa chi kodo chi zhutisardas.

    Pala trin bersh thaj opral 1000 racia pa a romniako meripe shundas jekh sluga ande e grofoski djis sar o sonome, bibahtalo parne balengo gadjo vorbijas ande pesko suno, voj shunelas sar vov vorbijas ke vov keladas savoren thaj vi a mula romnia thaj vi e grofos.

    Voj purisardas kodo khaj o grofo thaj o grofo akhardas e sonome, bibahtalo parne balengo gadjes peste.

    O gadjo phendas ke vov sas aba pe murmunci thaj phendas ke chi kamel te djal po dujto.

    O grofo las avri jekh pistolo thaj phendes e bibahtale gadjeske ke te na djala vov pe murmunci tela o grofo les pushke ando shero.

    O bibahtalo gadjo darajlas te djal pe murmunci numa cirdas troma ande peste thaj gelas pe murmunci.

    O glaso rovelas maj dur, sa kade daravnes thaj roindas mangelas vov Sumnakhaj, Sumnakhaj, de palpale muro sumnakuno pundro.

    O bibahtalo gadjo pasholas lokhes thaj phenlas roindos ke vov chi acharlas so voj mangel thaj ke vov chi djanel so voj mangel.

    Hirtelen chi shundjilas a mula romniako glaso. Kanchi chi shundjilas pe murmunci.....

    O parno bibahtalo gadjo loshajlas thaj pashilas khaj o grobo thaj delas pe ghindo ke vov sas maj godjaver ande intrego foro thaj birijas vi te kelavel a mula romnia.

    Vov pashilas khaj o grobo thaj vorbijas tela pesko nakh, chi achiarav chachimasa so tu mangesas kade but bersh kana hirtelen ashiadan te roves.

    - Tut kamav te hav tu bibahtala gadja! Cipisardas e muli romni thaj ushtilas avri anda pesko grobo thaj cirdas e bibahtale parne gadjes pesa palpale ando grobo.

    Pala kodi raci chi shundjilas kanchi ande kodo foro thaj o barvalo grofo trajisardas pala kodo bahtales sar maj anglal peske manushenca ande kodo foro khaj si ande Russia.

    9 min
  • Tu san maj lashio Pytte

    Pytte si te tradel po treningo thaj phendas ke avla maj lashio, feri dosta phares si te avel jekh o maj lashio.

    Lyssna på alla avsnitt i Sveriges Radios app.

    Adjes si jekh brigako djes ando istalovo Granbacken.

    Pytte si te tradel po jekh campo khaj si te trenulij. Pasha Barr tordjion leske kaver amala.

    - Darav ektsera ke si te tradav, phenel o Pytte.
    - na dara, sitshiosa perdo kote, phenel o Jumper.
    - Pa trin shtar djes san palpale, na dara, Phenel o Atilla..
    - Na dara, tu avesa o maj lashio grast anda sa e grast, phenel e Sonja, na dara.

    Sa e grastane bajura si packulime ando grastano transparto.
    Les si te avel kote leski zen, leski chisla, lesko khas thaj lesko colo.

    - feri tu ashilan akanak, trobuj te djas andre ando vurdon, phenel e shejori khaj si pasha leste.

    -jaj ke mishto, e Ling, i, voj avla mantsa pe kado campo, ghindoj peske o Pytte thaj loshal kodoleske.

    - Mishto avla amenge kote! Phenel leske e Ling thaj kikidel les zurales..
    O Pytte dikhel pe late thaj loshal lake.

    Thaj traden khetanes po campo.

    Pala jekh vrama ashiavel o vurdon thaj o vudar khatar o transporto puterdjiol.

    But gras si kote. Sako falo mezij maj kaver.

    O Pytte chi kamel chachimasa te djal avri anda vurdon vov tortjiol mishto pe peske petala kote ando vurdon.

    - te avesa avri dov tut perdo guglimata, phenel e Ling lashe glasosa.
    Jaj ke lashej kodol! Vov bistrel peski dar thaj avel avri anda vurdon.

    - Shukar grastoro san!

    Von djan andre ando Istalovo pa o baro vudar.

    Ling keravel lesko than.

    Voj anel leske paji thaj shiol o khas po than.

    - Kade de! Akanak shaj te has, phenel voj. Me djav ande muri soba thaj keravav mure bajura.

    Feri o Pytte naj bokalo..So avla akanak?

    - Hej! Phenel jekh suro grastoro khaj tordjiol pasha leste, me sim e Lady.
    Sar bushios tu?

    Vorta sar o Pytte si te phenel pesko anav marel jekh chaso avral.

    - Soj kodo? Pushel o Pytte..

    Kodo znacilj ke ame si te djas po treningo akanak. Mange dragoj te avov po treningo.
    Dikhasam amen kote prala!

    Po treningosko than shiol pe o Pytte thaj e Ling mashkar e kaver grast.

    Lashio djes! Las amen e treningosa akanak! Na bistren ke kado si te mezij lokho thaj shukares. Phiraven tume pe stungo righ.

    Naj but than ande kado treningosko Istalovo thaj sa shudjiol zurales kote.

    - Na aven za pashe jekh kavereste! Bolden tume ande kaver righ akanak, phenel e sikavni!

    Phares si te inkrel pe mashkaral kadal bare grast.

    Varikhon palal dindalel e Pytteski pori.

    Pytte chi djanel so te kerel.

    Pytte chi acharel sa so e Sikavni phenel.

    Maj palal kodo djes si e Ling brigaki thaj voj ulavel e Pyttes.

    - Chi nakhlas amenge mishto adjes, brigij voj.

    Pala jekh skurto vrama loshajvel voj ektsera thaj kikidel e Pyttes.

    - Kam nas kodi lektsia amari djela! Tehara avla maj feder. Atunchi si te huchias.

    Po duujto djes si te huchien von opral pa ruzne bar.

    - Keren te nashel o grast karing o bar, phenel o sikavno.
    Ling thaj Pytte. Tume shaj te startulin.

    Linge kerel anda muj thaj o Pytte acharel ke si te nashel.

    Vov acharel pe zuralo. Akanak pashiol vov pasha angluno bar thaj lel zor thaj del tela o bar.

    Savori khaj si po treningo len te asan.

    Soha chi dikhle jekhe grastes te del tela e bar!

    Melale thaj brigake djan von pe righ..

    - Kaver lektsia si te avel ando vesh... Vi kote huciasam opral uni bajura....
    Opral, zumavel e Ling te phenel...

    Ling tradel po Pytte ando vesh thaj o sikavno phenel ke von shaj te den andre.

    Opral!

    Opral pa kasht nakhlas mishto.

    Akanak pashol jekh barr chi mezij phares.

    Kado naj pharo, ghindoj o Pytte thaj huchiel.

    - Soj kodo?! Katej perdo paji.

    Pytte zumavel te boldavel ando lufto.
    Feri kodo chi djal thaj vov thaj e Ling den mujal ando paji.

    Palpale ando Istalovo, beshel e Ling thaj o Pytte.

    Von beshen brigake thaj chi phenen kanchi.

    Pale malavel o chaso avral thaj kodo znacij ke e Ling si te hal pesko habe.

    Sar djal bistrel voj pesko telefono ando istalovo.

    Pytte brigij, vov kamel khere, khaj peske amala.

    Feri so phenla? Chi nkahlas mishto o treningo.

    Vov phasol khaj o telefono thaj hirtelen avel jekh filmo.

    Filmo sikavel jekhe grastores khaj khelel shukares khaj shukar muzika.

    - Wow!! Ghindoj o Pytte. Vi me kamav kade te khelav.

    But, but but dati dikhel o Pytte po filmo.

    O grast po filmo khelel thaj vazdel shukares peske changa.

    Boldel pe thaj phirel vi palpale.

    E pasura si phare feri o Pytte trenulij intrego rachij kadale pasonca.


    O maj paluno djes pe treningosko campo tordjion sa e grast khetanes
    von si te sikaven kodo so sitchile thaj pala kodo si te len diplomo.

    Ling si te sikavel po Pytte so von sitcile kate, phenel e sikavni
    Ling dikhel tele pe phuv ando ladjav ke acharel ke chi sitjile kanchi pe kado campo.

    Hirtelen lel pe e muzika. Jekh shukar wiener valz.

    Jekh, duj trin hopp piruett thaj jekh boldipe jekh super shukar khelipe khatar o Pytte.

    Khere ande lesko Istalovo Granbacken tordjiol o Pytte thaj leske amala.

    Savori dikhen pe leski shukar rosetka.

    - Rosetka anda maj shukar khelipe... Phenel o Atilla loshako....
    - Mishto ke shundan pe mande thaj sanas maj lashio! Phenel e Sonja..
    - Zurales mishto kerdas, phenel o Jumper....

    - Jo....phenel o Pytte... Kerdem kade te avel sar maj feder..

    9 min
  • Nash sigo Pytte

    Hirtelen lel e Jupmperos jekh bari dukh ando per thaj e grastora musaj te anaven e veterineros. Pytte zumavel te anavel e veterinaros.

    Lyssna på alla avsnitt i Sveriges Radios app.

    Adjes si Jekh normalno djes ande Istalovo Granbacken.

    Avral phirel peske o shetlandspony Pytte peske grastane amalenca.

    Pe sadura krujal e Istalovura si o khas shutino ande bare parne balonura. Kado avla e grastengo habe jivende.
    O traktoro anavel e balonura thaj shiol len ande jekh tsino kher.

    O traktoro shiol vi e grastenge habe ando rito khaj von tordjion.
    Hirtelen tradel jekh parno vurdon sigo pasha lende...

    - Dejvla, kodoj o veterinazho, phenel o Attila darasa. Varikhon si nasalo! Kam khaj amare amal pala o vesh.
    - Fuj! Naj mange drago te nashav ando vesh, phenel e Sonja, vi te sim bari thaj zurali.

    - Shoon so phenen Pytte, te na phirkeres ando vesh ke chire pundrej skurtej thaj shaj te kecis tut khaj e kornura.
    Atunchi shaj te pejres thaj te dukhaves tut!

    - soha chi simas ando vesh, phenel Pytte. Me thaj e shavora khaj traden pe mure dume khelas amen mindik kate.

    - Kado than si maj lasho, phenel e Sonja.
    Kovli char thaj lokhoj te nashel pe kate.
    Birij te nashav krujal kado than pe 5 sekundi, vaj kam sas pe trin.

    Attila thaj o Pytte asan khatar e Sonja thaj lako asharipe.
    Jumper chi shunel pe late ke vov hal peske khas.

    Hirtelen lel o Jumper te tsipij.

    - Aj, aj aj.

    Jumper pashliol thaj boldel pe ande bare dukha.

    - Zhutin man! Aj.

    - Las les Kolik, tsipij o Attila thaj dikhel po khas khaj halas o Jumper. Rumume sas o habe.

    - Aven, musaj te vazdas les opre te mishkij pe ke kade avla maj chores. Sonja dja an e manushen!

    Sonja nashel khaj o bar thaj hermetij te shunen la e manush, feri kote naj konik.

    Bare dukha si e Jumperos! Savori zhutin les te tordjiol. Feri kodoj pharo kana varikhon kamel te pashliol intrego vrama.

    - Chi djal kado, phenel Attila darasa, chi birinas, musaj te anas e veterineros so si pala vesh.

    - Musaj te keras kodo feri o drom nakhel pa o daravno vesh. Thaj konik chi birij te nakhel pa bar ke si elektrisiteta.

    - Me birij, phenel o Pytte

    Thaj vov masij tela o bar.

    Thaj lel te nashel.

    O vesh si kalo thaj pe phuv si perdo kasht ke phares si te nashel pe sigo.
    Khandel maj kaver ando vesh thaj sa bashol krujal o Pytte.

    - Devla! Tsipij o Pytte.

    Ande sako than si variso khaj mishkij pe thaj e kopacha kucimej thaj perdo puzhijanura si kote.

    Sigo, sigo nashel vov.

    Pytte ghindoj po Jumper thaj savi dukh les sas.

    Musaj te nakhel pa vesh thaj te anavel e veterineros.

    Pala jekh vrama naj les zor te nashel thaj lel te phirel maj lokhes.

    E phuv si dosta kovli thaj naj kade daravno kate, ghindoj o Pytte.

    Thaj e tsiriklora chi daraven feri djilaben shukares.

    - Nash kate, djilaben e tsiriklora thaj sikaven save dromesa o Pytte si te nashel.

    Hirtelen dikhel vov e veterineros pasha duj guruvnia.

    Pytte nashel khaj o veterinero thaj hermetij.

    - Sar areslan kate? Pushel e veterinerka. Chi trajis pe kaver righ vesh? Kerdas pe variso?

    - Ihhihhhi, phenel o Pytte.

    E veterinerka chi acharel e Grastengi chib feri acharel vi kade ke variso kerdas pe.

    - Av kate! Tsipij voj thaj shiol les andre ande jekh grastano transporto thaj kodolesa traden von sigo ando Granbacken.

    Veterinerka pashiol khaj o Jumper thaj shiol jekh salavari pe leste.

    Anglunes shunel pe lesko per, pala kodo dikhel vaj si e Jumperos uchi temperatura thaj shunel vaj e pora si saste.

    Hmm...Aha, phenel e veterinerka thaj lel avri jekh glaza medicina thaj del e Jumperos e medicina te pel.

    E veterinerka hucilel e Jumperosko muj thaj del les parafin ulej.

    Kado naj drago e Jumperoske ke naj lashio smako.

    - Kadej Jumper, phenel o Attila, na dara mindjar mishto avela.

    - Nakhav sigo e medicina, atunchi chi acharesa o smako, phenel e Sonja.

    Jumper musaj te phirel te si te zhutij e medicina thaj e veterinerka hucilel o salavari thaj phirel lesa ando rito.

    Pala uni minutsi acharel pe o Jumper maj feder.

    Akanak avel o Istalovosko gazda. Vov huciel avri anda traktoro thaj avel nashindos.

    - Oj Oj so kerdas pe, pushel vov.

    - O suro connemara ponny las koli, phenel e veterinerka. Feri kodo tsino shetlandspony andas man pa kaver rig, ale akanak si sa mishto.

    Feri musaj te paruves lengo habe ke shaja vi e kaver te nasvajven.

    - Akanak kerav kodoo! Phenel o gazda.


    - Najis tuke Pytte ke anadan mange zhutipe, phenel o Jumper thaj del e Pyttes luludja..

    Tu san zuralo thaj vi chi daras.

    - Ja chaches, chi darav! Phenel o Pytte

    8 min
  • Jekh nevo amal Pytte

    Jekh djes tradel andre jekh nevo grastano transporto pasha istalovo Granbacken, sikadjiol pe ke avel jekh nevo grastoro.

    Lyssna på alla avsnitt i Sveriges Radios app.

    Kado si jekh shukar jivendesko djes ando Istalovo Granbacken. Ando Rito phirel o Pytte, Jumper, Attila thaj e Sonja.

    Jekh vurdon kusa grastano vurdon areslen lende.

    - Kado sas chuda, phenel o Pytte. Grastano transporto... Trades varikhas akanak Sonja?

    - Na, chi tradav khatik, phenel e Sonja. Thaj kodo naj muro transporto.

    Sa e grast tordjion thaj dikhen pe kodo transporto.

    O vudar puterdjiol khatar o transporto.

    - Dikhen ke shukar grast! Phenel o Attila Igen shukari. Jekh shetlandsponny vorta sar tu Pytte..

    - Chaches, phenel o Pytte chuddasa.

    - Me djav angluni thaj dav les lashio djes, phenel e Sonja thaj phirel shukares karing o nevo grast.
    E kaver phiren pala Sonja.

    - Hej, sar bushios?
    - Me bushiovav Jasmin, phenel o nevo ponny

    Istalovosko gazda thaj e rakliori so avilas kusa Jasmin ingren la andre ando Istalovo.

    - Aba chi sn maj tsino Putte, phenel Jumper, akanak san tu thaj e Jasmin sa bare.

    Jasmin beshel korkori ando Istalovo jekh skurto vrama te sitchiol kusa o nevo istalovo. Maj pe rachiate avel o Pytte thaj e kaver grast andre.

    - Trajisa pasha mande akanak? Pushel o Pytte
    - Jo, trajija pasha tute tela o jivend ke muro istalovo si te keraven, phenel e Jasmin.
    - Dragoj tuke te tsirdes vurdon palal, mange zurales dragoj kodo, te kames shaj les muro unzhule, phenel e Jasmin.
    - Chi djanav. Inke soha chi tsirdem vurdonora. Mange maj dragoj te khelav man e chavorenca. Von aven tehara, dikhesa len atunchi!

    Po kaver djes avel o istalovosko rakloro thaj anavel e Pyttes thaj a Jasmina te traden e chavora pe lende.

    - Dikhen, jekh nevo grast! Tsipin sa e chavora thaj nashen sigo khaj e Jasmin.
    - Jaj ke shukar! Kaloj.
    - Jaj ke gugloj.
    - Aven das les te hal e ropaja.
    - Stopp! Phenel o rakloro khaj inkrel kado, chi soske ropaja akanak.

    - E chavora bisterde man akanak, phenel o Pytte peske korkori.

    Kana e lektsia lel pe tordjion savori pasha Jasmin, pala late si jekh vurdonora thaj savor kamen te beshen palal.

    - But chavora shaj beshen ando vurdonoro, kadal shetlandspynnis si zurales zurale.

    - Brrr, av pytte! Aven phiravas amen duj, phenel o rakloro khaj inkrel kado. Naj tuke shill na?

    - Chaches mishto sas kado Pytte, phenel e Jasmin kana djan palpale ando Istalovo.

    - Mmmm, phenel o Pytte thaj boldel latar pesko shero.

    - Tehara avena maj but chavora thaj atunchi avla inke maj feder, djanes?

    Jasmin diljarel maj dur...

    - Kames te keras variso khetanes tehara, Shaj te khelas angla savorende?

    - Shaj des man pacha? Kamav te pehenij akanak, phenel o Pytte

    Po kaver djes del zurales but jiv.

    - Jaj devla ke but jiv del, phenel o rakloro khaj inkrel chavorikani vrama, te dela kade but jiv chi avla konik.

    - So? Chi avna e chavora adjes? Pushel e Jasmin.

    Pytte djal latar thaj chi kamel te del la atveto.

    Vov holjajvel pe late ke e Jasmin rumusardas leske loshake djes, ke sa chavora mangen te aven lasa.

    Telefono dzvonij.. E chavora thaj lenge dada thaj deja tordjion tela Istalovo, chi birin te aresen opre lende ke za bari chuskaj khatar o jiv.

    - Soj de chi avla kanchi adjes va so? Pushel o rakloro so inkrel kado khatar o gazda.

    Sa e grast si brigake.

    - Me djukaros pe kado!, phenel e Sonja
    - Sas te den amen perdo ropaja, phenel o Jumper
    - Thaj so kerasam akanik? Pushel p Attila.

    O gazda anavel avri anda jekh kaver istalovo jekh bari mikoloajoski sanka.

    - Kadi sas mura mamaki, e grast tsirdenas la thaj laka familja ande kado. Phandas la po Pytte thaj Jasmin thaj birisarasam te anavas savoren kate.

    O rakloro phandel e sanka pe grastora thaj o Pytte acharel pe zurales nervozno.

    Kana sakofalo gataj kerel o gazda anda muj te tsirden e grast e sanka.

    - Na dara! Phenel e Jasmin khaj o Pytte. Ker sar me thaj sa avla mishto.

    Pytte kerel sar e Jasmin thaj inkrel pe ande lake pasura. Mishto djal! Von anaven sa e chavoren thaj savori loshan ke e grastora tsirden len ande e bari sanka.

    Akanak si bari pachiv! E chavora den e grasten perdo phabaja thaj ropaja thaj e chavora phen phabardo chekolado.

    Savori loshan thaj najisaren e Pyttes thaj a Jasmina ke von sas kade zurale thaj birisarde te anaven savoren ando istalovo.

    - Kam birisaras te keras maj but bajuraa khetanes, phenel o Pytte. Birij te sitjarav tut sar masij pe tela e bar te das avri pe kavr rig.

    - Kodo shaj te zumavas, phenel e Jasmin thaj asal.

    9 min
  • Tu san za tsino Pytte

    Pytte si za tsino pe jekh kompetitcia feri vov lel sama ke vi te si za tsino shaj te avel univar mishto.

    Lyssna på alla avsnitt i Sveriges Radios app.

    Adjes si jekh specialno djes ando Istalovo Granbacken.

    Sa e buchiara nashen krujal e Istalovura thaj khiden. Khiden opre o koshno thaj shion o khas po than.
    E nashimaski bana si shukares uradi ande luludja.

    Vorta adjes smakulij e char extra mishto, ghindoj peske o shetlands ponny Pytte.

    Ando rito tordjion leske grastane amala. Attila, Sonja thaj o Jumper.

    - Adjes si jekh familijno djes kate po Granbacken thaj sa voja avla kate intrego djejs, phenel o Attila.

    - Jaj ke mishto! Phenel o Pytte. Kado si angluni data khaj vov avla pe jekh familijno djes.

    - So keren? Aven dikhas kon nashel maj sigo amendar ando rito!, tsipij e Sonja Kon birij te njerij man? Ta so keren?
    Voj diljarel savoren kade ke vi lenge khan loljon.

    Von nashen krujal o rito.

    - Me njerisardem, phenel e Sonja..

    Po dujto than avilas o Jumper thaj o Attila avilas po trito than.
    Maj paluno avilas o Pytte. Mindig avel o Pytte maj paluno.
    Pytte dikhel aba ando suno te njerij variso, vov kamel te acharel sar kodo si.

    Kam si vov lashio te huchel?
    Soha chi zumadas, Lesko tsino stato kam feri hurala opral sako falo?

    Vov nashel khaj e kaver grastora.
    -hallo, djanen so, me si te njerij o huchimasko khelipe.

    - So? Phenel e Sonja. Za tsino san more, chi achares kodo? Chi birisa te huches opral.

    - Chire pundre si za tsino. Kado khelipe si amenge khaj si amen maj lunge pundre.

    - Chachimoj kodo so von phenen, shaj te dukhaves tut, phenel o Attila...

    E Istalovoskebuchara aven lende ando rito. Thaj shion e salavara pe sa e grast.

    -Av Pytte, phenel e rakliori, tu si te djas andre ando Istalovo akanak...

    -Jaj ke ruto, phenel o Pytte khaj peske amala.

    Feri von chi shunen kodo so vov phenel. Von tordjion pasha kaver istalovo thaj si grizime.

    - Kodo kitchilij, asal e Sonja kana e rakliori grizij la e chislasa.

    Jumper kikidel avri pesko per ke naj leske drago kana phanden o zen pe leske dume, ke mindik za zurales kikiden les.
    Kana o Zen si po than tsirdel vov palpale pesko pher thaj atunchi beshel o zen mishto.

    Andre ando Istalovo si tunjariko thaj muto. Von dine ePyttes maj but khas. Feri vov CHI acharel chi soski bokh.

    Vov birij te shunel ke o khelipe djal avral. Shundjiol kana e bar peren kana e grast malaven le tele.
    Shundjiol kana e manush loshan thaj kana maren bravo...

    - Tu fajma beshesa kate intrego djes na? Pushel e Kuha khaj si e Istalovoski mutsa.
    - Na diljar man akanak, phele o Pytte thaj phandavel peske jakha te na dikhel e Kuha ke vov rovel...

    Pala jekh lungo vrama puterdjiol o Istalovo.... E rakliori shiol salavari pe leste thaj ingrel les avri.

    - Akanak shaj te aves avri, phenel e rakliori.

    O kham phabarel zurales thaj o Pytte chi birij te dikhel mishto.
    Vov shunel sar leske amala vorbin pa huchimasko khelipe....

    - Thaj kade huklem opral o maj paluno bar, tsipij e Sonja kana voj huchel opral jekh burr...
    - Dikhen de!

    - Hej Pytte, djanes so? Phenel o Jumper. Pa jekh skurto vrama aven tsine chavora ke lengi vrama avilas te traden pe amende...
    - Merjrav anda le chavoora, phenel o Attila.
    -thaj fajma kamen savori te traden pe mande, phenel e Sonja palal,

    Pytte si brigako, daral ke pale avla phandado ando Istalovo.

    Akanak shunen von e tsine chavoren thaj ande bari losh nashen e grast khaj o barr.
    -alon man, phenel e Sonja thaj vazdel pe opre pe duj palune pundre te sikavel peski shukh.

    Atunchi Avel e Istalovosko sherutno thaj tsipij pe Sonja.

    - Musaj te aves pachaki, nashtik te daraves e tsine chavoren.
    Akanak, si tume baregrast, te djan ando Istalovo..

    Sonja, Jumper thaj Attila djan andre ando Istalovo.

    Feri o Pytte ashilas avral thaj hirtelen si o rito baro angla leste.

    -aven kate chavorale, phenel o rakloro so inkrel kado. Vov del savoren helmura thaj vorbij lentsa pachasa.

    - Na azban kado sastri ke shaj elektrisiteta te malavel tumen, phenel o rakloro.

    E chavora grizin e Pyttes. Ulaven les thaj o Pytte loshal lenge.

    Von uzharen leske patala thaj o rakloro sikavel sar te grizij pe grastes maj feder.

    O zeno si pharo e chavorenge, feri vi kade birin von te shion les pe Pytteske dume.
    Akanak shaj von te traden pe leste.
    Pytte phirel shukares e chavorenca thaj von loshan leske, vov chi kamel te izdravel len za but.

    - Kikiden e pundrenca thaj keren e mujesa te kamen te traden maj sigo, phenel o rakloro.

    Kana sa e chavora trade pe leste den von les e maj kuch ropaja...

    Pa istalovoski feljastra dikhen kado e Pytteske amala thaj avharen ke vi von kamen kado.

    Pytte si akanak shukar thaj uzho, vi nevi frizura si les.

    Kana o djes agorij pe thaj e chavora si te djan khere lel jekh chavoro te rovel.

    - Vi me kamav jekhe grastes, kamave jekhes sar o Pytte...

    - Tume shaj te aven mande kana tume kamen, phenel o Pytte lenge palpale

    9 min
  • Vusariajka ande Rinkeby 10

    Felicia si jekh romani tjej thaj lake naj slobodo te avel raklorenca feri voj kamlas pe ando Jannis.

    Lyssna på alla avsnitt i Sveriges Radios app.

    Felicia acharel ke voj chi birij te garavel pesko baro kamipe karing o Jannis, voj acharel ke voj les kade but kamel ke chi birij te avel bi lesko.
    Jekh djes djal voj khaj peski mami thaj beshel ande laki kuhnia zhi pun laki mami lel sama ke variso naj sar khaj trobuj.

    - Felicia, dikhav ke variso naj sar khaj trobuj, muri shejori, phenel e mami..

    Kado si skirisardo khatar e Gunilla Lundgren thaj o Romano pen club.

    10 min
  • Vusariajka ande Rinkeby 9

    Felicia hohadas pe avri po disko thaj kote hasardas voj pesko telefono.Jannis arakhlas lako telefono.

    Lyssna på alla avsnitt i Sveriges Radios app.

    A Felicia lel ando hjilo, kana voj lel sama ke voj hasardas pesko telefono, lako hjilo marel zurales thaj chi birij te sovel intrego rachi.
    Po dujto djes chi phenel voj kanchi kanikaste ande bari dar.

    Kado si skirisardo khatar e Gunilla Lundgren thaj o Romano pen club.

    10 min

About Romane Paramichi

From the publisher's feed

Sagor och berättelser för barn på romani.