Die Blitsbokke sal in April aan die Singapore Sewes deelneem. Die span doen vanjaar baie goed, en is tans bo-aan die Wêreld Sewes-punteleer. Agter die span se sukses, is die Sewes Akademie. Jody Hendricks het met die afrigter, Marius Schoeman, gepraat.

Vandag, 16 jaar gelede het die nou bekende 438-wedstryd tussen die Proteas en Australië op die Wanderers in Johannesburg plaasgevind. Dit was die eerste wedstryd ter wêreld waar beide spanne meer as 400 lopies kon aanteken. Jody Hendricks het met Boeta Dippenaar, wat in die wedstryd gespeel het, gepraat.

Die Suid-Afrikaanse naelloper, Thando Dlodlo, is vir twee en ‘n half jaar uit atletiek geskors nadat hy positief vir oormatige testosteroon getoets het. Dlodlo se aflosspan is nou die goue medalje kwyt wat die span in Mei 2021 by die Wêreldatletiek Afloskampioenskap in Pole gewen het. Die monster wat die gebruik van verbode middels toon, is geneem by die Suid-Afrikaanse Nasionale Kampioenskap in April verlede jaar, kort voor die Olimpiese Spele in Tokio. Jody Hendricks praat hieroor met die bestuurder van die span, Danie Cornelius.

Die Australiese Ope het vanjaar vir baie drama gesorg, maar Ashley Barty het geskiedenis gemaak deur die eerste Australieser vrou in meer as 40 jaar te word om die toernooi te wen. Jody Hendricks het met John-Lafnie de Jager oor die toernooi gepraat.

Fritz Klaaste doen 'n voorskou van 2022 se MotoGP-aksie.

Fritz Klaaste kyk terug na die afgelope jaar se Deutsche Tourenwagen-aksie.

Wanneer mens terug kyk na die 1981 Springboktoer na Nieu-Seeland en Amerika, word daar meestal op die spelers gefokus. Die media wat ook daardie toer moes meemaak, kry selde aandag. Willem Pelser praat hieroor met 'n voormalige kommentator by die destydse Radio Suid-Afrika, Christo Olivier.

Fritz Klaaste doen 'n voorskou van 2022 se Formule 1-aksie.

Fritz Klaaste verduidelik hoe die sport van MotoGP werk.

Jody Hendricks kyk terug na die afgelope jaar se tennis-aksie.