رشقة مع يوسف | Rech9a

جواد حكالي على:

مين راهم يجيبو دراهم هاد لي يسافرو

الفرق بين تسافر وحدك ومع زوجتك

علاه جواد خير من ميسي 

وحكالي تجارب مميزين عاشهم في اندونيسيا وتانزانيا وكوستاريكا

وكيفاش يدير برنامج تع تحواس بأقل مصروف ممكن

وكيفاش يكتشف البلاد مشي على طريقة السياح وانما بعيون أهل ديك البلد

شاهي الحاجة لي استنتج ان الجزايريين يحبوها من خلال تحليله لمشاهدات فيديوهاته

الفرق بين تحوس على الحاجة وتعيشها

https://www.instagram.com/djawed_vlog/?hl=en

في هذه الجلسة أخبرني د.أمجد جمباز عن الوسائل الأربعة التي يعتمدها خلال بحثه لتصحيح المفاهيم حوله والبحث عن الحقيقة..

وكان حوارا مليئا بالأمثلة منها لماذا الشغف خطير؟ ولماذا الرياضيون لا يملكون جسما صحيا؟ ولماذا تكبير المشاريع يضر أكثر مما ينفع؟ ولماذا كتب السير الذاتية سيئة؟ ولماذا لا يجب أن تكتب ملاحظات أثناء مطالعته للكتب؟

https://www.instagram.com/dramjadj/

الضيفة تقرا صوالح تع علم الإجرام باش تخدم مع الدرك أو الشرطة العلمية، وراها في عامها الأخير وحكاتلي كيفاش خيرت هاد التخصص وشايقرو فيه 

وحكاتلي على أمور عندهم علاقة بالإجرام فالجزاير وكيفاش ينحكمو المجرمين والمزورين وبزاف صوالح نشوفوهم حنا فالفيلمات وتشوفهم هي فالواقع..

المهم كانت رشقة خفيفه وزوينة

ليوم خليفة حكالي على صوالح من وجهة نظره ككوميدي وأظهر لي وحد الجوانب لي مشي بزاف ناس يشوفوها ومعاكسة لتوجه الأسئلة لي سقسيتهمله، هدرنا على العقليات المختلفة وعلى أنواع الناس وشا يضحكهم، حكينا على جدال السطحية والتفاهة لي مربوطة بموضوع الكوميديا، وقالي تجاربه المختلفة وشاتعلم منها وبزاف تفاصيل

https://www.instagram.com/khalifa.bmk/

للإعلان في هذا البودكاست يرجى ملأ الاستمارة التالية

https://docs.google.com/forms/d/1V0ChY8dbKm0NetU3Qmofe2VbFJB2Y6aLfnrBnjdzZK0/edit

إسمهان حكاتلي على تجربتها كمرشدة سياحية، وأنواع السياحة لي عندنا فالجزاير،  هدرتلي على المهارات لي يحتاجها المرشد وشعال تقدر تدخل دراهم بيها وقاتلي على تجاربها بإيجابياتها وسلبياتها مع زبائنها

كتر النجوما في التقييم تع البودكاست إذا كنت في سبوتيفاي باش يوصل لناس أكثر ورسلها لكاش واحد تحس غادي تعجبه وفهمه كيش يسمعها لخطرش مشي بزاف يعرفو كيش يسمعو البودكاست

زكي رائد أعمال مُتعدد الشغف، حنا نقولو عشاق ملال بصح زكي عشاق مشي ملال وحكالي على تجربته كيفاش ينظم الخدمة على 5 مشاريع 

حكالي على محاولاته في تطوير التعليم وتواصله مع الوزارة ومديرية التربية 

وهدرنا على الرياضة وكيفاش يشوفها تحطم قيم الأجيال

إذا عجبك البودكاست رسله لكاش واحد من صحابك وفهمه كيش يحمل تطبيق البودكاست كونط سامط معاه شويه وزيد سقسيه إذا سمع، وديرله تقييم باش يخرج للغاشي لي ميعرفوهش

مع صبرينة بن هبري حكاتلي على 3 كتب شابين قراتهم وكان أولها كتاب حليب أسود لي حكات فيه إليف شافاق على معاناتها في الحياة من وجهة نظر كاتبة وتحدياتها مع الأمومة، وهدرنا على كتاب ميلاد مجتمع وكيفاش الفكرة تؤثر على عالم الأشياء ووينتا الحضارة تنزل؟ وعلاقة ذلك بالترابط الاجتماعي والفردانية وهل كاين حضارة حاليا راها تطيح قدام عينينا؟ كيما حكينا على رواية ثلاثية غرناطة لي تحكي على آخر أيام الأندلس وفي الختام عطاتني المؤلفة صبرينة نبذة على كتابيها الي كتبتهم

إذا راك تخمم باش تدير إعلان في بودكاست رشقة لمشروعك وعمرك لا درت إعلان من قبل؟ كتبلي في هاد الرابط معلوماتك باش نتواصل معك ونعطيك تفاصيل أكثر

https://docs.google.com/forms/d/1V0ChY8dbKm0NetU3Qmofe2VbFJB2Y6aLfnrBnjdzZK0/edit

نجيب بنادم لي كي تهدر معه على الفيلمات وتشوف شغفه في عالم السينما يعطيك وحد الاحساس بلي خص تجتهد كتر فالمجال لي راك فيه، وهدرت معه على بزاف صوالح منها وضع الأفلام في الجزائر وشخص نديرو باش تتنشط الدعوه أكثر وشايصرا كون هوليود يحبسو، وكي يهدرو علينا بأسلوب مرنك كيفاش نواجهو هاد العفسه؟ هدرنا تاني على تجربته في مهرجان أفلام فرنسي وعلى الفرق بين تنظيم فالجزاير وتماك وختمنا بإقتراحات تع أفلام جزايرية واجنبيه نصحني باش نتفرجها..

تقدرو تبعو بزاف تفاصيل على محتواه هنايا 

https://www.instagram.com/cilimastation/

وعنده بودكاست تاني يناقش مع صحابه فيلمات تفرجوهم هنا

https://podcasts.google.com/feed/aHR0cHM6Ly9hbmNob3IuZm0vcy8zMTAyNzYyNC9wb2RjYXN0L3Jzcw

راك مهتم نديرلك إعلان في بودكاست رشقة؟ كتبلي في هاد الرابط معلوماتك باش نتواصل معك ونعطيك تفاصيل أكثر

https://docs.google.com/forms/d/1V0ChY8dbKm0NetU3Qmofe2VbFJB2Y6aLfnrBnjdzZK0/edit

مع أمينة حكينا على خبرتها في الصحافة وسقسيتها كيفاش خصني ننتبه لمحتوى الصحافة وأجندتها وحكاتلي شويه على تحديات لي واجهتها خلال هجرتها لفرنسا وهولندا كيما حكينا على 

الثقة وأثرها على علاقتها مع والديها والبلدين الأجنبيين لي عاشت فيهم، وزدنا حكينا على المرأة الي يتخوف الرجال من  الزواج بها وبزاف صوالح قصرنا عليهم

إذا راك مهتم نديرلك إعلان في بودكاست رشقة ومتعرفش المصاريف شعال تجيك؟ كتبلي في هاد الرابط معلوماتك باش نتواصل معك ونعطيك تفاصيل أكثر

https://docs.google.com/forms/d/1V0ChY8dbKm0NetU3Qmofe2VbFJB2Y6aLfnrBnjdzZK0/edit

تخيل غي تخيل زوج ترباو في إسرائيل أيا وبغاو يديرو بودكاست ويهدرو على فلسطين العدو، شايقولو؟  هكذا بدا حواري مع إيهاب ولي حاولت نفهم منه شكون هوما اليهود والفلسطينين والصهاينة وبنو إسرائيل من وجهة نظر  الديانات ووجهة نظر الإسرائيلي والفلسطيني

إذا راك مهتم نديرلك إعلان في بودكاست رشقة ومتعرفش المصاريف شعال تجيك؟ كتبلي في هاد الرابط معلوماتك باش نتواصل معك ونعطيك تفاصيل أكثر

https://docs.google.com/forms/d/1V0ChY8dbKm0NetU3Qmofe2VbFJB2Y6aLfnrBnjdzZK0/edit