رشقة مع يوسف | Rech9a

مع وهيبو حكينا كيفاش اهتمامه برياضة كمال الأجسام خلاه يهتم بعلم الاجتماع وسلوكيات المجتمعات فالعالم وكيفاش تتطور.. بودكاست لطيف وفيه افكار زوينة بزاف..

https://www.instagram.com/wahibo_prdm/

حكيت على قاعدة (ثلاثة تساوي ثمانية) التي تشرح مثالا عن متى تكون المهارة الايجابية ذات أثر سلبي عندما تكون في التوقيت الخاطئ وكيف نستطيع معرفة التوقيت غير المناسب لتطبيق المهارات الجيدة لتفادي أضرارها..

منيش عارف اذا نسميها قاعدة ولا ملاحظة ولا ... الموهييم.. سمعوها وردولي لخبر

مروان لاعب محترف في رياضة الهوكي، ويلعب في المنتخب الوطني الجزائري تع الهوكي، سقسيته أسئلة وكانت أجوبته مباشرة وتعلمت منه أثر البيئة حولك في ممارسة أشياء حتى لو لم تكون مشهورة في مجتمعك، والتجربة والخطوات تع نشر الوعي حول حاجة ميعرفهاش المجتمع الجزائري .. وأيضا فكرة الهوية في قضية أن شخص يولد في ويكبر في فرنسا ويمثل الجزائر لأن أصله منها ولم يترعرع فيها، فهمت شعال عفوية وسلسة عند - بعض - الناس كيما مروان والمشاهد الخارجي احيانا يتساءل ويبني ويهدم وحده ويحكم على هوية الناس بلا ميفهمهم لأنه لم يعش مشاعرهم وأوضاعهم أبدا .. الحوار كان قصير بزاف وأخدت الهوكي كنموذج تع مشروع غير مقبول في مجتمع ما، وقادر يفيدكم كون تحاولو تديرو إسقاط تع مسيرته على مشاريعكم المجنونة التي تبدو بعيدة عن أنها تَُــتَـــبنى من طرف الجزايريين.

https://www.instagram.com/hockey_algeria/

حميد هو أحد الاشخاص الواقعيين جدا الي استشيرهم في قضايا تحيرني، وراني درت معه 4 إتصالات في 4 ساعات وحكيت معه على أربعة مواضيع كانت محيرتني ولي هي التفكير في المستقبل بعد القرايا لي هدرلي فيها على صوالح حتى لي راه عارف شاغادي يدير وتفيده.. واستشرته في كيفاش نولي بنادم مثقف وكيفاش نكون واعي لشاراه يصرا حولي في بيئتي باش نعرف كيش راني نتأثر بيه وكيش راه يأثر عليا وامور كانت محيرتني في الجنس تاني.. أربعة إتصالات هاتفي جمعتهم في رشقة واحدة وبدينا بسؤال وتفرعنا لبزاف مواضيع مختلفه تصب في نفس السؤال الأساسي، والحيرة لي كانت عندي زادت على عكس ما توقعت، بصح الصورة أصبحت أوضح..

عبد الحليم حكالي على ثلاث محطات في حياته المهنية وين كان موظف في شركة يسير، منبعد انتقل يخدم في شركة استثمارية كويتيه وومنبعد أطلق شركة طبق فيها بزاف من شا تعلمه من المحطتين السابقتين.

https://www.linkedin.com/in/lagridabdelhalim

هاد الخطرة بشرى حكاتلي على 3 كتب عجبوها ولي هوما الإنسان يبحث عن معنى، فقه الإستدراك والسيرة للصوياني، إستمتعوا ورسلو الحلقة لصحابكم باش تحمسوهم يقرو أحد هاد الكتب.

في هاد البودكاست الي هو ضمن سلسلة لي استضيف فيها بودكاستر جاب ضيوف ونخير حلقات دارهم ونسقسيه باش يحكيلي شا استفاد من الضيف وهي فرصة أننا نتعرفو على البودكاست ومولاه وضيوفه

وهاد الخطرة عرضت زبير أحد مؤسسي بودكاست قصرة وهدرنا على مليار حلقة، الفروقات بين المرأة والرجل، التطور التنكنولوجي، الإبل والتمر، الهجرة خارج الجزاير وكيفاش تفيد بلادك،  اللغة العربية ياودي مخلطة وصايي

https://open.spotify.com/show/35KGisFJPhB21929hqw3UI

سي عبد الجليل البشوش النشيط وقاع شاكاين حكالي عل ثلاثة كتب قراهم وعجبوه ومازال باغي يعاود يقراهم وهي: الرحيق المختوم تع السيرة النبوية والكتاب الفكري الاسلام بين الشرق والغرب وكتاب تع أعمال القلب التحفة العراقية

خولة حكاتلكم في هاد البودكاست على كيفاش حتى زدمت فالسياسية، وواقع المرأة في السياسة بالجزائر

شرحتلي الدعوه كي تدور فالبرلمان وكيفاش الشعب ولا يشوفها بعد ما نالت مقعد في البرلمان

وكيفاش يقدر البرلماني يساهم في جعل الجزائر للأفضل

https://www.facebook.com/profile.php?id=100068167012045

سي عبد المنعم حكالي على تجربته ودروس لي تعلمهم في شركته وحكينا شويه عل دور الحكومة في تنشيط بيئة ريادة الأعمال وقصرنا على تجربته في الترشح للبرلمان.

https://www.facebook.com/yomonaam

متنساش تدير تقييم البودكاست وترسلي أفكارك فالإنستغرام حول هاد الرشقة ولا لي فاتو