ئەکرەم محەممەد، بەڕێوەبەری بەنداو و کۆگەکانی ئاو لە هەرێمی کوردستان رایدەگەیێنێت، ئەمساڵ رێژەی بارانبارین لە هەرێمی کوردستاندا 50٪ لە پار کەمترە، بەڵام  ناهێڵین کەمبارانی کاریگەری لەسەر ئاوی خواردنەوە دابنێت و هەوڵ دەدەین ئاوی خواردنەوە دابین بکەین.

33 ساڵ بەسەر شاڵاوی ئەنفالی گەرمیاندا تێدەپەڕێت کە زیاتر لە 182 هەزار کورد ئەنفال کران و، عادل مەلا ساڵح، گوتەبێژی وەزارەتی شەهیدان و ئەنفالکراوانیش دەڵێت کە تاوەکو ئێستا نزیکەی  3737 روفاتی ئەنفالکراوان هێنراونەتەوە.

رێژین سدیق، بەڕێوەبەری بەرهەمهێنان و پەسەندکردنی بنە تۆو لە وەزارەتی کشتوکاڵ رایدەگەیێنێت، ئەمساڵ بێبارانی کاریگەریی لەسەر کەمبوونەوەی بەرهەمی گەنم بووە و پێیوایە بەرهەم ناگاتە ئاستی نیوەی پار.

زەردەشت رەفیق، بەرپرسی راگەیاندنی سەرۆکایەتیی شارەوانیی سلێمانی رایدەگەیێنێت، قەیرانی دارایی هۆکار بووە کە نەتوانن پرۆژە بۆ چەند گەڕەکێک جێبەجێ بکەن و ئەگەر حکومەت بودجەیان بۆ دابین بکات کارەکانیان بۆ دەکەن.