حوسێن گردەچاڵی، پێشنوێژ و گوتارخوێن بە رادیۆی رووداوی گوت: "پێغەمبەری ئیسلام دەفەرمووێت: 'من غش فلیس منا.' واتە ئەوەی فێڵ بکات لە ئێمە نییە. کاتێک بازرگانێک فێڵ دەکات لە فرۆشتنەکەی و خەڵک تووشی زیانی تەندروستی دەکات، ئەو پارەیەی پەیدای دەکات حەرامە. هەرکەس خواردنی خراپ بە خەڵک بدات، دۆعا و رۆژووی قبووڵ نییە. شتێک بە حەرام پەیدای بکەیت و بە حەرام بیفرۆشیتەوە خوا قبووڵی ناکات."

عەبدولواحید محەممەد، جێگری سەرۆکی یەکێتیی مامۆستایانی کوردستان بە رادیۆی رووداوی راگەیاند: "راوەستانی پرۆسەی پەروەردە واتە راوەستانی پرۆسەی ژیان. بڕیار دراوە خوێندن بە ئەلیکترۆنی بێت، بەڵام ئەمە لە وڵاتی ئێمەدا شتێکی زۆر تازەیە، بەو هۆیەیشەوە کۆسپ و لەمپەری زۆری دێتە پێش. ئێمە لەگەڵ ئەوەدا بووین کە پرۆسەی خوێندن بەردەوام بێت و بە گرتنەبەری رێکارەکانی خۆپارێزی بێت. خوێندنی ئەلیکترۆنی واتە تەنیا فێرکردن، ئەویش بە نیوەچڵی. پرۆسەی پەروەردە دەبێت لەگەڵ خوێندندا هاوتەریب بێت."

هەوار محەممەد، ئەندامی دەزگای هەڵبژاردنی پارتی دیموکراتی کوردستان بە رادیۆی رووداوی راگەیاند: "دوای ئەوەی لەوە بێئومێد بووین لەسەر ئاستی هەرێمی کوردستان هاوپەیمانێتی پێکبهێنرێت، لە لایەن چەند لایەنێکی عێراقییەوە، وەک رەوتی حیکمە و رەوتی سەدر، دەستپێشخەریمان پێگەیشت. ستراتیجی پارتی وایە کە ئەم جارە لایەنێکی وا ئەزموون بکرێت کە حیزبێکی وا نەبێت پێشتر ئەزموونی شکستخواردوومان لەگەڵیدا هەبێت. ئەوەیش بۆ ئەوەی بە جۆرێک بێت کە ئەنجامی باشتری لێبکەوێتەوە. کاتێک سەدرییەکان داواکاریی هاوپەیانێتییان پێشکەش کرد، ئێمە لە سەرکردایەتیی پارتی ئەو بابەتەمان تاوتوێ کردووە و تاوەکو ئێستا لەنێوان هەردوو لادا گفتوگۆی زۆری لەسەر کراوە."

لە هەرێمی کوردستان رۆژانە رووداوی هاتووچۆ روو دەدەن و بەو هۆیەوە دەیان کەس دەمرن و بریندار دەبن. شارەزایان و چاودێرانیش زیادبوونی ژمارەی ئۆتۆمبێلەکان و نەبوونی هۆشیاریی هاتووچۆ لای هاونیشتمانییان بە هۆکاری سەرەکیی ئەو رووداوانە دەزانن و پێیانوایە سەپاندنی یاسا و زیادکردنی کامێراکانی چاودێری دەتوانن ببنە هۆی کەمبوونەوەیان.

لە چوار رۆژی سەرەتای رەمەزاندا لە شاری هەولێر زیاتر لە 10 تۆن و لە سلێمانییش زیاتر لە 30 تۆن خورمای بەسەرچوو دەستی بەسەردا گیراوە و چەندین فرۆشەگە و کۆگەیش سزا دراون.

شێروان میرزا، ئەندامی لیژنەی دارایی لە پەرلەمانی عێراق رایدەگەیێنێت، یاسای بودجەی ساڵی 2021ـی عێراق هیچ ماددەیەکی تێدا نییە حکومەت بتوانێت لە مووچەی فەرمانبەران ببڕێت و نووسراوی وەزارەتی دارایی بۆ لێبڕینی مووچە پشتی بە ماددەیەکی هەڵە بەستووە.

بۆچی هێرشە مووشەکیەکانی ئەم هەفتەیە دەرئەنجامی جیاواز و درێژخایەنی دەبێت؟

د. بژار مووسا، گوتەبێژی تەندروستیی هەولێر رایدەگەیێنێت، لە هەولێر هاووڵاتییان بە جۆشوخرۆشەوە سەردانی بنکەکانی کوتان بە ڤاکسینی کۆرۆنا دەکەن و مایەی دەستخۆشییە و لە کوتان بە ڤاکسین هیچ جیاوازییەکمین لە لێدانی جۆرەکاندا لەنێوان خەڵکدا نەکردووە.