سەربەست سەبری، بەڕێوەبەری ناحیەی کانی ماسێ لەبارەی بۆردوومانەکەی سوپای تورکیاوە لە دەڤەرەکەیان رایدەگەیێنێت کە ئەوە یەکەم جارە سنوورەکەیان بەو چڕییە بۆمبباران بکرێت.

بەکر بایز, قایمقامی قەڵادزێ رایدەگەیێنێت کە بەهۆی نەبوونی خزمەتگوزاری لە سنوورەکەیاندا شەپۆلێکی کۆچی گەنجان دەستی پێکردووە و وابڕوات لە چەند ساڵی ئایندەدا سنوورەکەیان دەبێتە مەملەکەتی پیر و بەساڵاچووان.

د. سامی محەممەد، مامۆستای زانکۆ و پسپۆڕی ژینگەی ئاو بە رادیۆی رووداوی راگەیاند: "تا رادەیەک هەر 10 ساڵ جارێک شەپۆلێکی وشکەساڵی روو لە هەرێمی کوردستان دەکات و دەبێت ئێمە خۆمانی بۆ ئامادە بکەین و ئاو گل بدەینەوە. هەستکردن بە بەرپرسیارێتی بەرامبەر بە ئاو هۆکارە بۆ کەمبوونەوەی بەفیڕۆدانی ئاو."