Lulavai é un grupo musical galego, composto por catro mulleres, que tocan a arpa celta e cantan. As súas integrantes son Paula Oanes, Lorena Reinaldo, Josefa Fernández, Elena Paz. No ano 2010 editaron o seu primeiro disco titulado A Cor das Verbas. Non sería ata o 2015, cando aparecería o seu segundo traballo discográfico Lémbrame un soño. Coñecéronse na Escola de Artes e Oficios de Vigo. Logo formarían parte da orquestra SonDeSeu, dirixidas por Rodrigo Romaní e a partir de ese momento nacería o proxecto de Lulavai unha singular formación feminina na que as arpas e as voces teñen o total protagonismo.

Esa si que é muiñada é o traballo discográfico publicado no ano 2011 por Treixadura que é un dos grupos de referencia da música galega. A historia do grupo escomenza no ano 1990, cando Antón e Xan López (anteriormente nun grupo de gaiteiros chamado Paseniño), Xaquín Xesteira e Xabier Martinez (que estiveran na banda de Gaitas de Vilanova de Arousa) fundan Treixadura Gaiteiros, o que se uniría Ramón Vázquez "O Chirlo" pouco despois, provinte do grupo Os Faíscas de Solobeira. Antes da publicación en 1995 do seu primeiro traballo discográfico co título de "Obrigado", Pablo Nogueira substituía a Xabier Martínez e dariase un pouco máis adiante o grande salto deste grupo coa incorporación de 10 voces masculinas que compoñen o Orfeón de Treixadura.

No ano 2016, e con motivo do seu centanario, a coral de Cantigas da Terra edita o seu disco Espírito. Coa creación das Irmandades da Fala, o primeiro nacionalismo precisa pragmatizar os seus ideais de recuperación da identidade propia, promovendo así o uso público da lingua galega. Con tal fin nace Cántigas da Terra (A Coruña, 28-12-1916). A proposta artística do coro combina as voces cos instrumentos, o baile e o teatro autóctonos, creando unha paisaxe emocional que nos identifica como galegos. Ademais, a entidade traballa na recuperación do espazo que lle é propio dentro do País, no uso normal do noso idioma e na interrelación entre as distintas disciplinas culturais, cumprindo o desexo dos fundadores.

RUMBOIA 71: Cristian Silva – Ego (11:53)

O álbum EGO axudou a Cristian Silva a levar o son das gaitas e a percusión tradicional a un plano diferente, diferente e innovador. Deste xeito, a música tradicional viaxa cara a unha sonoridade indie-pop. Producido na súa totalidade polo propio músico e editado por Inquedanzas Sonoras, Ego inclúe tamén matices de rock, flamenco e música electrónica. E todo interpretado por este músico multi-instrumentista desde unha perspectiva persoal, proporcionando así unha aposta propia caracterizada pola exploración e experimentación. O material principal do disco está formado por obras musicais que mesturan a tradición coa vangarda e que profundan nas novas técnicas interpretativas das gaitas.

Dómine Cabra xurde en Ortigueira e no ano 2001 editan o seu traballo discográfico Luminaria. A partir da música chamada "Celta" ábrense a múltiples e variadas influencias que van desde a música rock á escala árabe. Apostan pola creatividade do pobo sen perder as súas raíces tradicionais. As gaitas, as guitarras eléctricas, as guitarras acústicas, as pandeiretas, os laudes e os asubíos únense para dar vida ás composicións deste grupo que está comprometido cunha música innovadora e moi persoal. Dómine Cabra forma parte daquel chamado “boom” do folk galego de finais dos anos 90, do que xurdiron centos de grupos ao longo de todo o país.

Alustros é un trio formado en Bos Aires no ano 2010 que publicarían o seu traballo discográfico Á Feira !!!. Esta formación nace vencellada aos centros galegos da Arxentina e representa a calidade musical acadada por mozos e mozas que, aínda lonxe de Galiza, teñen a música tradicional como referente. O trio está formado por Santiago Agustín Molina, Ramiro Nicolás Especht Hubczyk, Pablo Martín Rocco Couselo. Alustros ten participado en numeorsos eventos culturais relacionados coa música galega na Arxentina e son referente e entre os seus componentes é de destacar a importante labor didáctica que desenvolven.

O seu primeiro traballo discográfico, Faltriqueira, editouse en 2002. Este disco é para estas cantareiras-pandeireteiras

o resultado dunha intensa traxectoria que comezou na Asociación folklórica e cultural Orballo de

Pontedeume, onde as rapazas se iniciaron no mundo da tradición, e onde acadaron as pautas precisas para

facerse cunha sólida disciplina de grupo. O grupo Faltriqueira componse de voces femininas que tenden pontes

entre a música tradicional galega e a música tradicional portuguesa. Efffecto Faltriqueira é o seu 2º disco, editado

en maio de 2006. O principio básico do grupo é a música tradicional, pero nas case dúas décadas de existencia,

foron moi diversos os proxectos nos que participaron. As catro cantareiras teñen presentes os autores que -ao seu entender- xogaron

un papel importante ao longo da historia musical.

CANDORKA é un trio formado por Brais Monxardín, Vadim Yukhnevich, Miguel Anxo López. Constitúe un proxecto que toma como eixo definitorio a música de raíz e a vontade de expresala desde a experimentación e o inconformismo. FONSAGRADA é o seu primeiro traballo, froito da complementariedade e das inquedanzas de tres músicos que souberon conxugar o repertorio gaitístico e vocal da comarca da Fonsagrada con sonoridades que proceden do jazz europeo, o rock ou a vertente clásica. Trátase dunha proposta contemporánea que abrangue do son máis enérxico até o intimista e que aposta pola modernidade sen renunciar a melodías que aínda conservan a capacidade para definirnos nun mundo cada vez máis global. Tra?tase dunha proposta contempora?nea que abrangue do son ma?is ene?rxico ate? o intimista e que aposta pola modernidade sen renunciar as melodi?as que ai?nda conservan a capacidade para definirnos nun mundo cada vez ma?is global.

Once temas conforman o novo traballo do quinteto Lume publicado no ano 2006 por Zouma Records. “Folk express” é o segundo disco da formación e nel aseguran non perder “o sabor orixinal” do seu concepto musical. Cinco músicos curtidos en grupos como Mutenrohi, Quempallou, Cinnamon Gum, Kerkennai ou tocando con Cristina Pato conforman esta banda, eles son: David González Outumuro na percusión; Roi Maceda, acordeonista; Carlos Campo Seijo no Violín; Diego Fortes a cargo de gaita e frauta e Juan Carlos Fernández Fasero na guitarra acústica.

Cando, sendo unhas nenas, estas artistas de Arteixo comezaron a cantar, non imaxinaban que con Xiradela viaxarían por media Europa e compartirían escenario cos Chieftains, Carlos Núñez ou Dulce Pontes. Pandeireta redonda como o Sol e a Lúa, como o ciclo da vida, como o propio nome de Xiradela.

Mirade se é grande o poder da pandeireta. A receita de Xiradela, voz e percusión, por elemental é absolutamente plena, porque toca directamente nas febras máis fondas do noso ser. Unha receita humilde na que, dalgún xeito, se resume o pulso do Universo todo (texto de Xurxo Souto).