Mosireletsi wa setshaba yo a rolang tiro Thuli Madonsela, a re ba tla batlisisa gore a motlhankela mogolo wa pele yo o malebana le tsamaiso wa SABC Hlaudi Motsweneng, o na le dinonofo le ditlhokwa tsa go dira sentle mo maemong a gagwe a mantshwa a Group Executive of Corporate Affairs.
Ba tla batlisisa le lenane le le latetsweng malebana le go thapa Motsweneng mo maemong ao.

Diunivesithi di le pedi di tsibositse gore di ka tshwanelwa ke go phimola paka e e setseng ya dithuto fa ditshupetso tse di tletseng tiriso dikgoka tse di boloditsweng ke baithuti di tswelela.

Leuba le le padimotseng naga le tlile go baka gore ditlhwatlhwa tsa nama e khibidu di ye kwa godimo thata

Hillary Clinton o latofaditse Donald Trump ka bosemorafe, go nyatsa basadi le go tiila lekgetho

Mekgatlho e ka nna 50 some a matlhano ya badiri e solofetswe go inyalanya le letsholo la #FeesMustFall kamoso mo morerong oo ka ga go rebolwa ga thuto ya mahala kwa ditheong tsa thuto e e kgolwane

Mokwaledi wa ANC kwa FS William Bulwane a re ba tlile go seka seka morero wa gore batho ba re ba mabela mme ebile ba tsweletsa bogwenegwene tebang le go tokafatsa tiragatso ya lekoko mo ditlhopong kakaretso tsa 2019

ANC e lopile SABC gore e netefatse gore e ema nokeng lekwalo le katlholo ya kgotlatshekelo kgolo ya Western Cape.
Katlholo eo, e ema kgotlatshekelo kgolo ya boikuelo nokeng, e e fitlhetseng fa go thapiwa ga ga Hlaudi Motshweneng mo maemong a motlhankela mogolo wa leruri wa tsamaiso mo SABC ke tona ya lefapha la ditlhaeletsano Faith Muthambi, go se mo molaong.
Boikuelo ba ANC bo gatelela ba kantoro ya mopresidente, ba gore dikatlholo tsa dikgotlatshekelo di seka tsa tlhaediwa matlho.

Baithuti ba ka nna 400 ba Wits University ba gwantetse kwa setheong sa bongaka sa university eo go tswa kwa khemphaseng ya Braamfontein, tebang le go emisa dithuto.
Dithuto di emisitswe kwa dikhemphaseng tsa Braamfontein le Parktown ka ntlha ya ditshupetso tsa baithuti.

Mopresidente Jacob Zuma o rometse molaetsa wa keleletso masego le tlotlomatso go Winnie Madikizela Mandela mo letsatsing la gagwe la matsalo gompieno.

Mokgatlho wa ditshwanelo tsa baagi Sanco wa re bao ba rweleng maikarabelo a dikhuduego le go kgorelediwa ga dithuto kwa diunivesithi ba tshwanetse go tshwarwa.