Tirelo ya diphofo ya Afrika Borwa SAA e e mo mathateng a matlole, e tlile go nna le boto entshwa.
Puso e konosetsa lenaane la maina a bontlhopeng ba ba tlileng go akarediwa mo botong entshwa eo.

Mokhanselara wa ANC o tlhokafetse morago ga go wa kwa kopanogn ya tlhomo ya masepala o montshwa wa Jhb.
Mosadi yoo o ne a kubugelwa ke bolwetse ka nako ya kopano ya go tlhopa setlhopa se sentshwa sa bomeyara.

Kopano ya tlhomo ya masepala o montshwa wa JHB e emisitswe nakwana, morago ga gore mokhanseklara wa ANC a idibale.
O tlhokometswe ke badiri ba kalafi.

Kgotla toropo ya Johannesburg Metro e solofetswe go tshwarwa kopano e tla go tla tlhopiwa meyara, spikara le seme segolo sa kgotla toropo le go ikanisiwa ga balekgotla mo nakong e e sa fediseng pelo.

Ditherisano magareng ga botsamaise ba Telkom le baemedi ba mokgatlho wa badiri ba ditlhaeletsano CWU di solofetswe go tswelela gompieno.

Modulasetilo wa ANC kwa Johannesburg Parks Tau o kaile go tlhoka tsepamo ga ga jaana mo boeteledipeleng ba ANC kwa toropong eo go bakilwe ke dipholo tsa ditlhopo tsa dipuso selegae tsa seshweng jaana.

Mokgatlho wa baagi wa "My Vote Counts" o ikgolagantse le kgotlatshekelo kgolo kwa Cape Town go lopa gore o gweeletse Promotion of Access to Information Act e se mo molaong le gore ga e tsamaelane le molaotheo.

CASAC ya re e solofela gore palamente e tla sala morago motlhala ka go dira dipotsolotso tsa tiro ya maemo a komishene ya ditshwanelo tsa botho mo phatlhalatseng fela jaaka go dirilwe ka maemo a mosireletsi wa setshaba.

Meyara khuduthamaga yo o sa tswang go thapiwa wa Tshwane Solly Msimang a re botsamaisi ba gagwe bo tiile mooko gore bo tlile go samagana le go ikabela lefatshe go se mo molaong kwa Mamelodi le Ga-Rankuwa kwa bokone ba Pretoria.

Lekoko la DA Le rometse tsibugo ya lona ya afidafiti kwa kgotlatshekelo kgolo ya boikuelo kgatlhanong le kopo ya ga mopresidente Jacob Zuma, ya go ikuela kgatlhanong le katlholo ya kgotlatshekelo kgolo e e ka ga kgetsi ya se go tweng ke ditheipi tsa sephiri, e e akaretsang ditatofatso tsa bonweenwee kgatlhano nae..