Spikara sa kokoano bosechaba Baleka Mbete o tlhomamisitse fa a amogetse lekwalo go tswa go tona ya lefapha la ditlhaeletsano Faith Muthambi, le le begelang palamente ka ga maikaelelo a gagwe a go isa pegelo ya dipatlisiso tse di ka ga merero ya SABC kwa kgotlatsekelo.

Se fetwe ke Itlhabe Botlhale ka Lamatlhatso, 13h00-14h00.

Monnasetilo wa Boto ya Passenger Rail Agency Popo Molefe a re o tlile go gweetlha kwa kgotlatshekelo tshweetso ya Tona ya lefapha la Dipalangwa Dipuo Peters ya go phatlhalatsa Boto ya setheo seo.

ANC mo kokoano peo molao ya profense ya North West, e tshisintse gore go tshwarwe ngangisano e e ka ga go tlhatlosiwa ga tlhwatlhwa ya Ranta ka bokhukhuntshwane ke dibanka dingwe tse dikgolo.

Federeishene e ntshwa ya badiri e tlileng go gaisana le Cosatu e seka sekile merero e mmalwa e akaretsang go ikuela gore Tona Bathabile Dlamini a leboge tiro.

Kopo ya semmuso ya baili ya mmelaelwa wa polao wa dingwaga tse some-a-mabedi le bobedi e rulaganyeditswe beke e tlang ka Labotlhano ke kgotlatshekelo ya Magistrata wa Potchefstroom mo profenseng ya North west.

Kantoro ya Poso ya re e teng go ka thusa fa Kontraka ya Cash Paymaster Services e khutlha kgwedi eno e le malatsi a le some-a-mararo le bongwe.

Lefapha la merero ya metsi le kgelelo leswe la re diheke tse di thibelang metsi mo matamong a Bloemhof le Vaal di tlile gonna di butswe.

Tona ya pele ya matlotlo Nhlanhla Nene o boleletse Association of Black Securities and Investment Professionals (ABSIP) gore o rapela gore mopresidente Jacob Zuma a seka a ntsha tona ya matlotlo Pravin Gordhan mo maemong a gagwe.

Mokhuduthamaga wa boitekanelo kwa Gauteng Gwen Ramokgopa a re bookelo ba Charlotte Maxeke kwa Johannesburg bo tla nama bo butswe, lefa dithulelo di letse di phutlhame mme ga gobala batho ba le batlhano le go baka tshenyo ya diranta di le dimillione mo lefelong la kamogelo.