SABC North West

Mosireletsi wa sechaba o senotse gore o dirile tshisinyo ya gonna kgatlhanong le kopo ya ga Mopresidente Jacob Zuma ya gore pegelo e e ga go tlhotlhelediwa ga ditshweetso tsa puso, e seka sekiwe seshwa.

Mapodisi a bone setopo sa monna yo go dumelwang a le mo dingwageng tsa boMasome-a-mane mo letamong magareng ga Meadowlands le Fleurhof kwa Soweto.

Lephata le lengwe la lliki ya basha ya ANC le gagamaditse boikuelo ba lone ba gore tona ya matlotlo Pravin Gordhan a leboge tiro.

Moeteledipele wa lekoko kganetso kwa Democratic Republic of Congo Etienne Tshisekedi o tlhokafetse.

Motlatsa mochanselara wa Univesithi ya Johannesburg Prof Ihron Rensburg a re Afrika Borwa e ka bo e sa samagane le ditshupetso tse di ka ga dituelo fa puso e ne e tsere tshweetso e e maleba dingwga di le some a mabedi tse di fetileng.

Bothati ba bosekisi ba bosechaba NPA bo dumetse gore go tlhatlhetswe ngongora kgatlhanong le mosekisi wa pele wa puso Gerrie Nel.

Makoko kganetso kwa palamenteng a tshwenngwa ke go se iponatse ga tona ya lefapha la tlhabololo loago Bathabile Dlamini kwa pegelong ya SASSA e e ka ga g tlhalosa ipaakanyo ya yona ya go diragatsa taelo ya katlholo ya kgotlhatshekelo ya molaotheo e e ka ga dituelo tsa thebolo ya madi a kotlo.

Maemo a ikonomi le go tlhomamisa kgolo ya yona, go akaretsa le go potlakisiwa ga thebolo ya lefatshe ke dintlha dingwe tse di tlileng go nna kwa godimo mo lenaneng la kopano ya kabinete e e tsweletseng kwa Pretoria.

Ombudsman wa lefapha la boitekanelo Malegapuru Makgoba o begile fa balwetse ba le 94 ba tlhokafetse go latela dipatlisiso tse di ka ga dintsho tsa balwetse ba tlhaloganyo kwa Gauteng.

Tonakgolo ya Limpopo Stanley Mathabatha a re go nna kgatlhanong le go tshwaragangwa ga melelwane ya bommasepala kwa kgaolong ya Vuwani go jetse puso diranta di le dimilione milione ka ntlha ya tshenyo ya dithoto.