SABC North West

Mokwaledi kakaretso wa Anc Gwede Mantashe o boditse ka ga mokgwa o farologaneng oo mosireletsi wa pele wa sechaba Thuli Madonsela a samaganeng ka ona le pegelo ya CIEX e buang ka Absa gammogo pegelo e e ka ga go tlhotlhelediwa ga ditshweetso tsa puso.

Mmatlisisi wa Forensiki David Klatzow yo batlisisang loso la mokgweetsi wa dingwaga tse some-a-mararo le boraro wa Ford yo tlhokafetseng morago ga gore Ford Kuga ya gagwe e tuke, a re setlamo sa Ford se bua maaka ka ga mokgwa oo Reshall Jimmy a tlhokafetseng ka ona, mo pegelong ya sona ya dipatlisiso.

Team South Africa e e eteletsweng pele ke motlatsa presidente Cyril Ramaphosa kwa World Economic Forum e tlile go tlhagisa tiro e e ntseng e dirwa mo ntlheng ya kgolo ya ikonomi

Balelapa la ga Reshall Jimmy yo o tlhokafetseng morago ga gore sejanaga sa modiro wa Ford Kuga 1.6 se lakailwe ke molelo, ba re ba ikaelela go tsaya dikgato kgatlhanong le Ford.

SACP e ikuela gore go dirwe dipatlisiso tse di tletseng tebang le magatwe a go utswiwa ga matlole a puso ka motsi wa Apartheiti.

The Freedom Front Plus ya re ga go a siama gore go kgaolwa ga motlakase ke Eskom kwa bomasepaleng ba ba kolotang go ama baagi ba ba duetseng ditirelo tsa bona.

Go ne go tshwerwe ditshupetso di le mmalwa kwa Syria e le go ema noleng mmegadikgang wa Afrika Borwa yo o thopilweng ka dikgoka Shiraz Mohamed.

Mosireletsi wa pele wa sechaba Thuli Madonsela a re pegelo ya nakwana e sutlhisitsweng e e ka ga go utswiwa ga madi mo pusong, ka motsi wa Aparteiti, e konoseditswe pele paka ya gagwe e khutlha mo kantorong.

Congrese ya magosi mono Afrika Borwa Contralesa le mekgatlo ya ditshwanelo tsa lefatshe, ba tlhagisitse megopolo e farologaneng ka ga pegelo ya go thopiwa ga lefatshe e rebotsweng ke motlatsa moPresidente Cyril Ramaphosa.

Baithuti ba le bantsi le maloko a mokgatlo wa badiri Nehawu ba boloditse ditshupetso ka fa ntle ga Jhb Central College kwa Alexandra kwa bokone ba Jhb.