SABC North West

Mokgatlho wa Solidarity wa re tiragalo ya kwa Mpumalanga ya monna wa montsho yo o neng a tsentswe mo lekeseng ke basweu ba le babedi ga e supe maitsholo a maAfrikaner otlhe.

Tokololo ya Save South Africa gape e le mogaka wa ANC Sipho Pityana a re palamente e reteletswe ke go rwesa mopresidente Jacob Zuma maikarabelo.

Tokololo ya Save South Africa gape e le mogaka wa ANC Sipho Pityana o ikuetse go sechaba go rapelela go leboga tiro ga mopresidente Jacob Zuma.

Komiti ya palamente ya tsheka-tsheko seshwa ya melao-potlana, e tshitsintse gore go tlhamiwe komiti potlana eo e tla elangtlhoko gore a ditona di retelelwa ke go araba dipotso kwa kokoano bosetshaba.

Lenaane la go rekela mopresidente Jacob Zuma sefofane se sentshwa le tsweletse.

Puso le lefapha la matlo mo no North West, ba seka seka tshenyo e bakilweng ke pula ya sefako, e e sentseng matlo a le mmalwa kwa dikgaolong tsa masepala wa sedika wa Bojanala le wa selegae wa Matlosana, maabane bosigo.

Baagi ba le bararo ba kwa Malawi ba solofetswe go tlhagelela kwa kgotlatshekelo ya magristrata wa Rustenburg, go lebana le ditatofatso di le 57 tsa kgwebo ka bana.

Monna wa dingwaga di le some a matlhano le bobedi o solofetswe go tlhagelela kwa kgotlatshekelo ya magristrata wa Giyani gompieno morago ga go tshwarwa ka go golaganngwa le go sutlhisa pampiri ya dipotso ya Mathematics dibeke di le pedi tse di fetileng.

Tona ya merero ya Energy ya DA Pieter van Dalen a re ANC e dirisitse bontsi ba maloko a yone kwa komitin e e malebana le Energy go netefatsa fa pegelo ya boruni ya PetroSA e nna khupamarama.

Mokaedi khuduthamaga wa Free Market Foundation Leon Louw a re bao ba ikuelang gore ditlhwtlhwa tsa Data di fokodiwe ba tshwanetse ba tlamela ka mabaka a a utlwagalang e seng magatwe.