Í þættinum fræðumst við um þessa tvo hluti sem eru eiginlega ekki hlutir en hafa áhrif á svakalega marga hluti og í rauninni líf okkar allra, alla daga.

Hvað er rafmagn? Hvernig er það búið til? Er það náttúrulegt og hefur það alltaf verið til? Hvað er virkjun og hvernig er hægt að virkja rafmagn? Eru mismunandi leiðir til þess að virkja rafmagn? Hvernig kemst það heim til okkar og inn í húsin og í hlutina sem þurfa á því að halda? Hvernig er þetta eiginlega með kúkinn og rafmagnið?

En hvað með heita vatnið - hvernig kemst það heim til okkar og hvaðan kemur það? Hvernig datt mönnum eiginlega í hug um aldamótin 1900 að leggja heitt vatn í húsin? Hvaða hús var fyrst til að fá hitaveitu?

Sérfræðingur þáttarins er: Eiríkur Hjálmarsson

Í þættinum í dag ætlum við að fræðast um tölvur. Það má með sanni segja að þær séu mikið þarfaþing í daglegu lífi - ekki bara til að leika okkur og skrifa ritgerðir heldur stjórna tölvur hinum ýmsu hlutum sem við gerum okkur kannski ekki grein fyrir. Við fáum að vita hvaða fyrirbæri Internetið er og hvernig það virkar, spjöllum aðeins um gervigreind og vélmenni.

Ferðumst saman inn í forvitnilegan tölvuheim.

Sérfræðingur þáttarins er: Hjálmtýr Hafsteinsson

Við höldum áfram að forvitnast um sögu hluta sem hafa breytt miklu fyrir okkur mannfólkið og nú verður saga bílsins skoðuð. Bíllinn er stómerkilegt fyrirbæri og þurfti að finna upp ansi margt og prófa marga hluti áður en bíllinn, eins og við þekkjum hann í dag, leit dagsins ljós.

Sérfræðingur þáttarins er: Sigurður Hreiðar

Í þættinum í dag ætlum við að fræðast um merkilegan hlut sem á sér langa og merka sögu - það er myndavélin.

Hvernig virkar myndavél og hvernig hefur þessi merki hlutur þróast í gegnum árin? Hvernig framkallar maður myndir? Hvað er góð ljósmynd? Hefur stafræna tæknin gert okkur að betri eða verri ljósmyndurum?

Áhugaverðari vangaveltur í þætti dagsins.

Sérfræðingur þáttarins er: Einar Falur Ingólfsson

Í þættinum ætlum við að fjalla um sögu símans. Síminn er tæki sem allir þekkja og nota reglulega. Hver er saga hans? Hver fann upp símann? Hver var næstur á eftir honum? Hvað er sveitasími? Hvað er að liggja á línunni? Hvað er NMT - farsími og gemsi?

Þetta og margt fleira skemmtilegt, sniðugt og forvitnilegt í þættinum.

Sérfræðingur þáttarins er: Frímann Ingi Helgason.

Í sögu hlutanna í dag æltum við að fræðast um bækur og langa og merka sögu þeirra.

Það eru svo sannarlega margir kostir við það að lesa og við heyrum í lestrarhestum í 5. bekk í Hofsstaðaskóla sem segja okkur skemmtilegar sögur og frá uppáhaldsbókunum sínum.

Sérfræðingar þáttarins eru: Svanhildur Óskarsdóttir og 5. GSP í Hofsstaðaskóla.

Í þættinum ætlum við að fræðast um teiknimyndir og hvernig þær verða til. Það er að mörgu að huga þegar gera á teiknimynd - hvernig er ferlið frá lítilli hugmynd til huggulegrar stundar í bíói? Við heyrum allt um málið í þættinum og það er margt sem kemur á óvart, alla vega tekur ferlið sennilega lengri tíma en þig grunar!

Sérfræðingur þáttarins er: Hilmar Sigurðsson

Nú er árstími rétta og við skelltum okkur í Kirkjufellsrétt í Haukadal, Dalasýslu. Þar hittum við nokkra sérfræðinga sem segja okkur allt um þennan gamla íslenska sið og útskýra hvað eru réttir og hvernig er best að draga kindurnar í dilka.

Sérfræðinga rþáttarins eru: Baldur 7 ára smali og mikill sérfræðingur um réttir, Sigurður Svavarsson og Valberg Sigfússon réttarstjóri.

Í þessum þætti af Sögu hlutanna ætlum við að fara yfir sögu flugvélarinnar. Hvaða ofurhugar flugu fyrstir og hvenær var það? Hefur eitthvað breyst síðan þá? Hvernig var fyrsta vélin sem kom til Íslands? Hvernig lærir maður að fljúga og hver er munurinn á flugstjóra og flugmanni?

Sérfræðingar þáttarins eru: Sigrún Björg Ingvadóttir flugstjóri og Kristján Guðmundsson flugmaður.

Það eru til gríðarlega margar tegundir af flugvélum; listflugvélar sem geta farið í hringi og gert alls konar kúnstir, stórar þotur sem eru notaðar til að fljúga á milli landa, flugvélar með skrúfuþotuhreyfla sem fljúga t.d. innanlands á Íslandi, svifflugur, sem eru stundum ekki einu sinni með neina vél, sjóflugvélar og svo flugvélar með tvöfalda vængi og þannig mætti lengi telja.

Hvernig ætli heimurinn væri án flugvéla?

Kristján er líka að smíða flugvél og við kíkjum til hans í flugskýlið og fáum að vita ýmislegt um flugvélasmíði - hvað má ekki klikka? Getur hver sem er smíðað flugvél?

Myndir þú þora að fljúga fyrst/ur allra í flugvél?

Í þessum þætti af Sögu hlutanna ætlum við að fræðast um Skjaldarmerki - Hver er saga þeirra? Vissir þú að við höfum átt mörg skjaldarmerki í gegnum tíðina? Hvenær þarf að breyta skjaldarmerkjum? Hvernig eignuðumst við þetta sem við eigum núna og hver bjó það til? Þetta og margt fleira forvinilegt og skemmtilegt í þættinum - meira að segja saga um mann sem breytir sér í hval og hittir dreka.