საუბრები ნაპოლეონზე

დღეს გვინდა მოგიყვეთ ერთი საინტერესო ადამიანის შესახებ რომელსაც მართლაც რომ გამორჩეული ბედი ხვდა წილად. საუბარი გვაქვს ერთ ხანს მგზნებარე რევოლუციონერზე, შემდეგ იმპერიის მარშალზე და ბოლოს შვედეთის მეფეზე ჟან ბატისტ ბერნადოტზე. 

ამ ეპიზოდში გამოვიყენეთ ცნობილი ბეარნელი სიმღერის "O mon pais" (ჰოი ჩემო მხარევ) ნაწვეტი.

დღეს გვინდა მოგიყვეთ ერთი საინტერესო ადამიანის შესახებ რომელსაც მართლაც რომ გამორჩეული ბედი ხვდა წილად. საუბარი გვაქვს ერთ ხანს მგზნებარე რევოლუციონერზე, შემდეგ იმპერიის მარშალზე და ბოლოს შვედეთის მეფეზე ჟან ბატისტ ბერნადოტზე. 

ამ ეპიზოდში გამოვიყენეთ ცნობილი ბეარნელი სიმღერის "O mon pais" (ჰოი ჩემო მხარევ) ნაწვეტი.

ფრანსუა ჟერარის ნახატი, "აუსტერლიცის ბრძოლა, 1805 წ. 2 დეკემბერი," (1810 წ.)

ნაპოლეონის ბრძოლებს შორის აუსტერლიცი ერთ-ერთი ყველაზე შესანიშნავია. აქ ჩვენ ვხედავთ მხედართმთავრის ბრწყინვალე ჩანაფიქრს, ადგილმდებარეობის შესანიშნავად გააზრებას და გამოყენებას, დროის საუცხოო შეგრძნებას, კორპუსებზე დაფუძნებული ახალი სისტემის უპირეტესობას, თვით ჯარისკაცების შესანიშნავ გაწვრთნას და დისციპლინას, და ოფიცერთა ჩინებულ მეთაურობას. აუსტერლიცთან ნაპოლეონმა მოახერხა მტრისთვის საკუთარი გეგმის მოხვევა, სასტიკად დაამარცხა იგი და ევროპის ბედი შეცვალა.

ფრანსუა ჟერარის ნახატი, "აუსტერლიცის ბრძოლა, 1805 წ. 2 დეკემბერი," (1810 წ.)

ნაპოლეონის ბრძოლებს შორის აუსტერლიცი ერთ-ერთი ყველაზე შესანიშნავია. აქ ჩვენ ვხედავთ მხედართმთავრის ბრწყინვალე ჩანაფიქრს, ადგილმდებარეობის შესანიშნავად გააზრებას და გამოყენებას, დროის საუცხოო შეგრძნებას, კორპუსებზე დაფუძნებული ახალი სისტემის უპირეტესობას, თვით ჯარისკაცების შესანიშნავ გაწვრთნას და დისციპლინას, და ოფიცერთა ჩინებულ მეთაურობას. აუსტერლიცთან ნაპოლეონმა მოახერხა მტრისთვის საკუთარი გეგმის მოხვევა, სასტიკად დაამარცხა იგი და ევროპის ბედი შეცვალა.

ავსტრიელთა დანებება ულმთან, 1805 წ. 20 ოქტომბერს (რენე ბერთონის ნახატი)

დღეს განვიხილავთ როიალისტების მიერ მოწყობილ კიდევ ერთ შეთქმულებას რომლის საპასუხოდ ნაპოლეონმა ბრძანა ლუი ანტუან ანრი დე ბურბონ-კონდე, ენგიენის ჰერცოგის, დაპატიმრება და გასამართლება. ახალგაზრდა ჰერცოგის დახვრეტა იმპერატორის საბედისწერო გადაწყვეტილება იყო - ფუშეს თქმით, "ეს დანაშაულზე მეტია, ეს შეცდომაა“ - რომლის შედეგად შეირყა საზოგადოებრივი აზრი და დაჩქარდა მესამე ანტიფრანგული კოალიციის ჩამოყალიბება. ამავე დროს როიალისტური შეთქმულებების ნიადაგზე მოხდა საფრანგეთში პირველი იმპერიის გამოცხადება.

"მშვიდობისმყოფელი ნაპოლეონი" (დომინიკ დონკრეს ნახატი)

დღეს საუბარი გვაქვს ნაპოლეონის მიერ, 1801-1803 წწ. წამოწყებულ "დიპლომატიურ შეტევას" რომლის შედეგად მოხდა საფრანგეთსა და ევროპის ქვეყნებს შორის ურთიერთობების აღდგენა და, რაც მთავარია, საფრანგეთის ინტერესების გაძლიერება დასავლეთ და ცენტრალურ ევროპაში.