In this Episode – news o a new Centre for Culture planned for the North – Professor Peter Reid tells us aboot his Professorial lecture in Doric at Robert Gordon University. We look at fit books hiv been translated intae Scots – including Lord o the Rings wi Duncan Sneddon – Storyteller, Tim Porteus , gings back tae the roots o his ain story.

We hiv geen intae the land o myths, magic and legend ess month – wir nae feart. We hear aboot ‘Saltire’ the new Scots Supermannie in cosmic comics – wiv news o a spleet new play aboot the Scots Language caad ‘O is for Hoolet’ and wi find the source o the magic and the spring, oot dowsing for water aside Bennachie – Episode 16 Scots Radio.

Wi’r hearin fit’s gaan on in schools in the new edition o Scots Radio – spikkin tae Scots Language Co-ordinator fae Education Scotland, Diane Anderson an Heed teacher Dr Jamie Farbairn fae Banff Academy. It’s fine tae hear that the language is actually being encouraged noo in the classroom! And div ye fancy taakin a canoe roon the Laigh Lans o Morayshire an hearin aboot oor Scottish history forbye? Jim Royan fae Elgin tells us mair aboot the Secrets o Spynie – in Episode 15 o Scots Radio.

Episode 14 o Scots Radio disna hing aboot.

Dr Donald Smith, Director o the Scottish Storytelling Festival tells us fit wye it’s nae that easy to perform or recite ‘Tam O’Shanter’.

And a guid new year tae abidy. An guess fit – 2015 has been designated (bi them that designates things) as the year o ‘Food an Drink’. I think I can spik for the hail team and say we are affa pleased aboot that, an it jist fits richt intae oor barra.

The first Episode o 2015 has oor ain favourite chef o the year, Neil Forbes, fae Café St Honore in Edinburgh, spikkin aboot the auld Scots Recipes – twa o the best crofters fae Orkney an Shetland, Billy Muir and Ronnie Euinson – Professor Gerry Carruthers on the International appeal of Burns and singer and Scots Language Ambassador, Robyn Stapleton tells us aboot her amazing year.

This time last year we wir jist startin to pit oot oor first iver Episode o Scots Radio. It’s hard tae believe that a hail year his geen past -and fit a year it has been. I hope yiv enjoyed bein wi us oer the months and will bide a filey langer. Episode 12 lets ye hear aboot the launch o the new Scots Language Ambassador Scheme fae Education Scotland – an I can noo tell ye that oorsels have been appointed as Ambassadors and prood tae be nominated. Ye’ll see fa else is on the list on oor Facebook page. Wi’ve a report fae the new Scottish Rural Parliament and a blether wi Gordon Hay fa his translated The New Testament intae Doric. Hae a guid Christmas an the een ye wint – enjoy oor 1st Anniversary Episode o Scots Radio

Wi’ve been gaan oor dinger – an prood tae bring ye anither packed programme oot noo in Episode 11 – wi a sorts an soons o the Scots language. We hear hoo bairns are being encouraged tae enjoy the Scots wirds in a their colours, wi the help o Oor Wullie an the launch o a new wabsite for Schools. Dr Alistair Allan, Scotland’s meenister for languages, tells us aboot the importance o this new resource developed by the National Library O Scotland. We fin oot fit the new Scottish Rural Parliament micht offer and hear the voices of Newhaven in the Bow-Tow Festival. Mary Blance sends us anither special report fae Shetland – fu o colour an wunnerfu wirds. And we feenish wi an exclusive reading o a 15th century poem fae Morayshire. A that an mair, wi tracks fae the new TMSA Young Trad Tour 2014 album

The post Episode 11 appeared first on Scots Radio.

The hairst season brings in anither gaitherin o stories and Storytellers. In Episode 10 wir hearing aboot ‘DigIt 20015’ – hoo Archaeology is gaan tae help bairns in schools find stories an Scots Words. We feature oor very first Doric Opera – up the slopes o Bennachie ‘Wi the Legend of the Maiden Stone’ – music by Joe Stollery and Doric words by Huntly poet Catriona Yuile. An wir in the company o storyteller Andy Cannon fa tells us aboot his new project ‘Tales o a Grandson’ and his part in the forthcoming International Story Telling Festival and the Scottish Story Telling Centre.

The post Episode 10 appeared first on Scots Radio.

Episode 9 is ready. We hiv news o the new Scots Language co-ordinators in schools and oor special guest, internationally renowned piper, teacher and writer, Dr Gary West, tells us aboot his music roots an his book ‘Voicing Scotland’.

We also hiv a special tribute to Jean Redpath, Scotland’s singer laureate an the maist influential singer an ambassador for Scotland’s song for oor 50 years.

The post Episode 9 appeared first on Scots Radio.

An wiv geen intae Richie’s studio again to pit the gither anither programme that celebrates athin tae dee wi the Scots Language.

Episode 8 let’s ye hear fit’s happening tae the Book o Deer and the special music that’s been written for a performance in the Scottish Story Telling Centre – internationally renowned traditional singer, Norman Kennedy manages tae fit in a visit and a sang on een o his short breaks fae the USA and we hear fits’s being planned for the future for the Scots Toon o the Year – Keith in Morayshire.

The post Episode 8 appeared first on Scots Radio.