Lehono le re boledisana le Pharmacist, Theodora Phalane go kwa gore naa yena o kgonne bjang go ba Pharmacist ntle le go bona bogolofadi e le lepheko leo le ka mo paledisago go fihlelela ditoro tsa gagwe.

Kgwedi ya Mosegamanye e lebeletse lephelo la banna (Men’s health). Re boledisana le Dr Ramaboa go kwa gore naa magareng ga basadi le banna ke bo mang bao ba tshabago go dira diteko tsa HIV gona motho a ka ntsha bjang letshogo la go dira diteko tse?

Lehono le go sedibeng re tsebisa motheeletsi yo a kalago go feta 100kg, Ofentse Mabeba yo a nyakago re mo thusa go fokotsa mmele. Re na le Body Weight Specislist and Personal Trainer, Thabo Makola go mo hlahla leetong la gagwe.
Le wena re a go mema gore o ka tsea leeto la go fokotsa mmele kgweding ye.

Go na le bokoko bao ba rego ba paletswe ke go hwetsa mogolo wa bona mo kgweding ye. Re boledisana le Matshidiso Mamabolo yo a eteletsego pele SASSA ka probentsheng ya Limpopo le Mr Khosi go tswa go Post Office.

Ke batho ba mmalwa bao ba phelago ka seemo sa scleroderma kudu ka mo Afrika Borwa. Lehono le re boledisana le mma yo a phelago ka seemo se, Tsakani Tshabalala go kwa gore naa mola sa le re bolesana le bona bophelo bo ba swere bjang le seemo seo ba phelago ka sona. Re boledisana le Dr Mashitiso go kwesisa seemo se.

Kankere ke bolwetsi bjo bo fetago ka maphelo a batho ba bantshi mo nakong ye re phelago go yona. ke ka fao re le hlohleletsago go fela le etela maokelo go dira diteko le go nwa meriana/dihlare ka mo le laetswego ka gona. Re na le Dr Moshokoa go kwa gore kankere ya prostate e ka ama bjang tlhaologanyo/mogopolo wa motho.

O be o tseba gore ke eng seo se jago makhura mo sefatanegeng le gore o ka boloka bjang makhura? Re na le setsebi sa difatanaga, Jimmy Rampaudi.

Re na le monna yo a rego o rekile sefatanaga ka R24 000.00 eupsa ge a fihla lefapeng la balaola sephethephethe gore sefatanaga seo se bitswe ka leina la gagwe gwa utollwa gore sefatanaga seo se utswitswe. Re boledisana le yena le Limpopo Chief Director of Road Traffic and Safety, Jane Mulaudzi go kwa gore naa seemo ge se le ka tsela ye re se rarolla bjang.

Mokgadi Nyuswa o re botša gore mo sehleng sa marega re ka šomiša dilipstick dife.

Lehono le ke letsatsi la lefase ka moka la tikologo. Moeno wa ngwaga wo ke “Beat plastic pollution”. Re na le Sibongile Moloisi go tswa Student Environmental Association ka University of Limpopo go kwa seabe sa dipolasitiki(plastics) go tikologo ya rena.