Sedibeng

Hosted by Bradwin Monyamane and Timmy Thomas, Sedibeng focuses on healthy living, book reviews, marriage counseling, how to curb chronic illnesses and parenting to name a few. The show also offers motivational talks and professional advice from doctors, lawyers and marriage councilors.

Re boledisana le monna yo a phelago ka bogolofadi yo elego Chartered Accountant, Jan Mokwana ka nepokgolo ya go matlafatsa motho yo a phelago ka bogolofadi gore a phadimise bokamoso bja gagwe a se bone bogolofadi e le lepheko.

Lehono le re go swaretse kenywa(fruit) yeo e hlaelelwago ka mo Afrika Borwa ya go bitswa Jackfruit. Re boledisana le Dietician Chauke go kwa gore naa mohola wa yona ke eng mo mmeleng wa motho

Bontshi bja dikereke tsa ka mo Afrika Borwa di dumela gore mosadi a nyalane le monna o tee. Re kwele fa ka ga basadi ba kereke ye ngwe ka mo Afrika Borwa ba nyaka kereke e ba dumelela gore ba nyalane le banna ba ba bedi. Go ya ka sengwalwa se ba ngwaletse South African Judicial Council gore le bona ba fiwe maemo a go lekana le a banna. Naa wena maikhutlo a gago ke a fe tabeng ye gona o bona se se tlo re ama bjang ge basadi ba ka dumelelwa go nyalana le banna ba ba bedi

Lehono le mo karolong ya go hlohleletsa batho ba go phela ka bogolofadi gore ba se bone bogolofadi e le lepheko la go ba paledisa go fihlelela ditoro tsa bona/ba se be le bokamoso bja go phadima re boledisana le Tona ya Kgoro ya Toka le tshokollo ya bogolegwa, Michael Masutha go kwa gore naa yena o kgonne bjang go fihla mo a lego gona.

Naa o be o tseba gore bolwetsi bja HIV bo ka iphihla ka gare ga dikarolo/ditho tsa mmele masole a mmele a palelwa ke go ifihlelela? Re na le Dr Mashitiso go kwa gore naa HIV e ka iphihla kae gona e dira eng mo dithong tseo.

Go na le dikereke tse dingwe ge moruti yo elego gore ke yena a hlomilego kereke ge a se no hlokofala morwa wa gagwe e ba moruti, ka nako tse dingwe bana ba gagwe ba lwela boruti. Phuthego ya feletsa e etswa diripa tse pedi ba bangwe ba sepela le yo ba mo thekgago. Potsiso ke gore naa go ba moruti ke pitso(calling) goba lefa(inheritance)?

Re boledisana le kgaogelo Zwane yo elego gore o phologile kankere ya letswelego go kwa ka ga maitemogelo a gagwe.

Naa go ba go hlagile eng ge monna goba mosadi a kopane le molekani wa gagwe a na le ngwana a se rate ngwana wa molekani wa gagwe? E ka ba pele ba nyalana goba ka morago ga lenyalo.

Bjalo ka karolo ya go keteka kgwedi ya basadi re fa basadi sebaka sa go ntsha tseo di ba tshwenyago moyeng wa bona gore ba hwetse Khutso. Re boledisana le Tebogo Moripe yo elego motswasehlabelo wa ditlaiso tsa basadi.