Xa podes escoitar o capítulo 67 de Sempre queda o Rock. Grabado dende a casa da Triga na praza maior de Ponteareas. Unha edición extra-punky do programa no que entrevistamos a Serxio, o responsable da Triga, falamos cos Solfabirras que están a piques de presentar novo disco e recibimos a Monchone e aos Pukies.

A noite mais Suave do Rock in Río Tea

Aquí vos deixamos a gravación do programa especial con Los Suaves. Despois dun emotivo acto no parque da Feira Vella onde Charly e Tino descubriron a pedra dedicada á súa banda no paseo do Rock and Roll, volvemos a sacar os micrófonos de Sempre Queda o Rock para gravar un dos programas mais especiais dos 66 que levamos ás costas. Seguro que non vos fai falta escoitalo para saber da grandeza desta banda que leva 35 anos no mais alto, pero se o facedes descubriredes a inmensa calidade humana de Charly e Tino, o que sen dúbida explica o porqué do seu éxito. Os ourensáns Derroche puxeron a guinda interpretando tres cancións en acústico conseguindo emocionar ao numerosísimo público empezando por Charly e Tino, quen trala finalización do programa nos deron outra lección atendendo a todo o mundo que se quería acercar a eles para que lles firmasen un disco ou simplemente para darlles un abrazo, aínda que hoxe madrugaban para saír cara a Londres, onde seguirán coa súa xira de despedida. Oxalá as bandas novas tomen nota. Isto é actitude. Isto é Rock&Roll.

Os que facemos o programa Sempre Queda o Rock non temos palabras para describir o vivido este Sábado no mesón Txistu de Madrid. Mais de 40 persoas cruzamos a meseta acudindo á chamada do noso amigo Jose Portas, para presentar as actividades da nosa asociación en Madrid. Xa a idea en si era atractiva, pero todos quedamos coa boca aberta segundo se ían sentando na mesa do programa os amigos de Portas, que amablemente nos regalaron un pouco do seu tempo libre para acompañarnos e darnos palabras de ánimo. Un auténtico pracer escoitar a xente tan grande como Fernando Romay (non vai con segundas), Alberto Granados, Ramoncín, Juan Pablo Ordúñez "el Pirata", Vicente Mariskal Romero, Juan Echanove, Josep Pedrerol, Paco Buyo, Iñaki Cano ou Raul Gomez. Case dúas horas dun programa inesquecible, dirixido e presentado con mestría por Sergio Santiso que nos pasaron voando hipnotizados polo carisma e magnetismo dos invitados a os que por suposto, invitamos a Ponteareas para a cuarta edición do Rock in Río Tea en 2016. Moitas grazas ó Mesón Txistu por deixarnos montar o noso "chiringuito" no seu local, a todos os amigos que percorreron os 580 kilómetros, aos invitados ilustres que sacrificaron parte do seu tempo de descanso para estar con nós, e sobre todo a Jose Portas con quen estaremos sempre en débeda.

E o Mércores cos Suaves na cafetería Monet. O Rock non para !!!!

Programa 64 de Sempre Queda o Rock. Grabado dende a cervexería Distrito Apache. Ás portas dunha semana que será moi intensa, falamos cos Pretty Shirts do album que acaban de grabar. Julio chegou cargado de Blues cos Alvin Brothers, e Pepe regresou para contarnos unha anécdota sobre o mítico Hotel California.

Novo episodio de Sempre queda o Rock. Hoxe dende a Cafetería d'Peyo. Falamos con Peyo, o seu responsable, un auténtico loco dos Dire Straits e un novo amigo do Rock in Río Tea. Falamos con Gonzalo Arca da inclusión de dúas cancións de "Alone att the crossroad" na película "El desconocido", protagonizada por Luis Tosar. Julio nos presentou o último traballo de Keith Richards (esperemos que sexa a lo menos o penúltimo), e Rafa conversou con Alen, batería dos Aphonnic de... bueno, cousas de bateras.

Programa 62 de Sempre queda o Rock. Falamos dende o Tunel Tapas sobre a Oktober fest mas rockeira. Falamos con Pablo, organizador do evento, e cos compoñentes de Bakintaun, Cool Funeral e Miguel Iglesias, que nos deleitou con dúas cancións en directo.

Noite inesquecible cos Immaculate Fools cos que abrimos a terceira tempada de Sempre Queda o Rock. Dende o pub JJ disfrutamos co direcrto da mítica banda británica, e transportámonos ós anos 80 cando nese mesmo lugar es escoitaban os seus discos unha e outra vez.

E rematamos esta segunda tempada de Sempre Queda o Rock no Pub AD Delio. A poucas horas de que chegue o festival Rock in Río Tea 2015 falamos con Aurora García de Aurora & the Betrayers, e tivemos con nos a La Banda de Mazinguer. E para rematar a sorpresa máis esperada. Mínima Son nos regalou un adianto de 3 cancións das que soarán este Sabado no Parque da Concordia ás 21:00h. Moitas grazas a todos os amigos que nos seguíchedes este ano, a todos os establecementos que como Delio esta noite nos acolleron na súa casa para pasar un momento de Radio e Rock and Roll. A Soul Jacket, Eladio, Uka e os seus seres queridos, a Oscar "Pelda" Avendaño, ó cafre de Antonio, a Indy Tumbita, a Aereolineas Federales a David e Juanma de Cool Funeral, e a Marola e Gabriel de Mínima Son. Eles nos deron o ingrediente principal de esta tempada. A música en directo. O ano que ven... máis !!!!

No programa 59 de Sempre queda o Rock tivemos a inmensa sorte de ter con nos a Cool Funeral na terraza da Cafetería Pub La Clave. Disfrutamos como nenos co seu "Unchained Acustic" rompendo cordas da guitarra e todo. Nos presentaron o seu proxecto que podedes (e debedes) apoiar en Verkami. Que podemos dicir... somos moi de Cool Funeral.

Capítulo 58 de Sempre Queda o Rock. Dende a Vinoteca Eiravella, falamos con Andrés, que nos presentou o seu negocio. Falamos con The Soul Jacket, que estarán no festival do día 4 de Xullo, e con Fortuitos, que estarán este Sábado no Rock na Rúa. Tamén se pasou polos micrófonos do programa "The Repunant" que iniciou a súa sección disposto a non deixar títere con cabeza. Presentado e dirixido por Sergio Santiso