Esta selmana Inaciu Galán, Jennifer Berrocal, Lluis Fanjul y Raúl Alonso tan preparando too pa dir al LABShop y falen de paxarinos, el tema del cartelu. Amás, vienen con un programa enllenu de propuestes: entamamos col sudu de Pelayo Olai, visítanos Benaset Daseas pa falar del occitanu, analizamos la violencia obstétrica con Jennifer Berrocal en Feminismu pa Dummies, entrevistamos a Xera na so vuelta a la música y vamos de monte al Urriellu con Sara Montero. ¡La semana qu'entra dende'l LABShop!

Esta selmana Inaciu Galán, Jennifer Berrocal, Lluis Fanjul y Raúl Alonso celebren Eurovision, anque unos más qu'otros... Xunto a ello, retomamos Feminismu pa Dummies cola hestoria de Florence Nightingale, Xon de la Campa visítanos pa falanos de Los Estrunfinos, Carmen Nozal afonda nel Alcuentru d'Escritores Iberoamericanos y charramos y echamos sudu con Pelayo Olái y el baloncestu.

Esta selmana Inaciu Galán, Jennifer Berrocal, Lluis Fanjul y Raúl Alonso tán de resaca del Día de les lletres y la so manifestación nun filandón con muncha asturianía. D'otra banda, falamos con Olatz da Silva pa conocer el so manual de recursos didácticos, Aida Iriarte vuelve pa cuntanos más coses de ciencia, Esther Prieto preséntanos el Premiu Muyer de Narraciones Trabe y Pelayo Olai vien pa echar el sudu col equipu de fútbol sala de Rodiles.

Esta selmana Inaciu Galán, Jennifer Berrocal, Lluis Fanjul y Raúl Alonso falen de música y llibros nun filandón qu'estrena la sección de la guah.ería. D'otra banda, conocemos la novela nueva de Pilar Sánchez Vicente, el single nuevu de Mardom, el proyectu d'Andarina Crianza Respetuosa y el conciertu de Baiuca en Asturies.

Esta selmana Inaciu Galán, Jennifer Berrocal, Lluis Fanjul y Raúl Alonso celebren la efeméride de l'aprobación del matrimoniu LGBT nel estáu español y pa ello sienten himnos LGBT. Xunto a ello, Aida Iriarte fálanos de la sidra na química, echamos el sudu con Pelayo Olái y Beatriz Martínez Sordo, falamos de les muyeres y les neñes nes TIC con Jennifer Berrocal y vamos de monte, al picu Fariñentu, con Sara Montero.

Esta selmana Inaciu Galán, Jennifer Berrocal, Lluis Fanjul y Raúl Alonso tan mui amorosiegos porque ye'l Día Internacional del Besu y, cómo non, los cantares van d'eso, de besos. Aida Iriarte vien pa cuntanos delles coses de les armes químiques, echamos el Sudu con Pelayo Olái y el corredor ciegu Alberto Álvarez Laso, entrevistamos a Marta Mori cola so nueva traducción de la Colección Calume, vamos de monte a los Llagos de Cuadonga con Sara Montero y falamos con Adrián Carbayales sobre la novela Asturianada Mortal.

Esta selmana Inaciu Galán, Jennifer Berrocal, Lluis Fanjul y Raúl Alonso tán con señaldá y pónense a falar del tiempo y sentir cantares que falen d'ello, mesmo que de películes. Aida Iriarte visita l'estudiu pa desmontar delles magufaes, echamos el Sudu con Pelayo Olái y Xixon Mariners y vamos de monte al Urriellu con Sara Montero. El programa remata con un homenaxe a Rosa Cunqueira, guardiana de la cultura asturiana, que grabó nel nuesu estudiu pal so llibru'l poema col que rematamos esti capítulu.

Esta selmana Inaciu Galán, Jennifer Berrocal, Lluis Fanjul y Raúl Alonso tan cola Selmana Santa, anque nun falen muncho d'ello y el tema vien con munchos... ¡güevos! Que tamos bien pronto de Pascua. Aida Iriarte vuelve pa cuntanos cómo furrula la química nel arte, Jennifer Berrocal reivindica'l Día Internacional de les Muyeres del Llar en Feminismu pa Dummies, Pelayo Olái trainos al equipu de Rugby Belenos y pesllamos el programa con una noticia murnia, como ye la despidida del grupu moscón Misiva, falando col so cantante, Humber.

Esta selmana colamos pal conceyu Piloña, onde reciben a Inaciu Galán, Jennifer Berrocal, Lluis Fanjul, Raúl Alonso y Saúl Plaza como si fuesen unu más del conceyu. Recíbenos Patricia Ferrero, teniente alcalde pa contanos l'actividá cultural de Piloña. De siguío, falamos con Rodrigo Cuevas sobre La Benéfica y en Feminismu pa Dummies afondamos nel llabor de Carolina Carmona nel Centru Asesor de la Muyer y l'asociación Algame. Falamos con Victor Villar sobre'l llabor de l'Asociación de Conservación d'Asturcones del Sueve y facemos lo propio con Luis Sariego y el Concursu de Sidra Casero. Visitamos tamién El Prial pa conocer el so llabor de la mano d'Ana Fernández. La nota músical llega cola Banda gaites LaKadarma, mientres que l'artística aporta de la mano del Concursu de Fotografía Memorial Maria Luisa. Y tres ello, remata'l programa, ¡pero nós quedamos en Piloña!

Nel programa d'esta selmana tamos arrodiaos de Guinness y celebrando una fecha bien irlandesa: San Patriciu. Pa ello, Inaciu Galán, Jennifer Berrocal, Lluis Fanjul y Raúl Alonso entonen cantares sobre Irlanda. Feminismu pa Dummies vuelve con una hestoria de la irlandesa Elisabeth O'Farrell y Aida Iriarte nos cuenta cómo funciona la ciencia nes películes. A lo último, visítanos Miguina Selektah pa presentar el III Alcuentru Reggae Radio Xixón.