Po dwěmaj tydźenjomaj lěćneje přestawki staj błudnej žwantorje Daniel a Jakub zaso před mikrofonom, zo byštaj zaso raz njewažne temy w tutych kompleksnych časach narěčałoj. Sće wy poprawom hižo raz rasowe wustajeńcy kóčkow wopytali, w Jaworje po motorcrosowej čarje honili abo Lolek a Bolek čitali? Ně - na jenož derje. Da je nowa epizoda Serbskeho Buschfunka bjezdwěla to prawe za was!

Z tróšku zapozdźenjom smy zaso za was tu a to z jubilejom: 10 wudaće našeho podcasta! Juhej! Wuuuhuuu! Dani a Jakub pak móžetaj so runje tak hišće hromadźe brać - a diskutuja zaso wo wšěm wažnym a njewažnym. Cyle bjezsposrědne, jubilejne wusyłanje to je. Tak kaž samaj staj: šikwanaj,  sprawnaj a direktnaj.

Tu so zaso raz pře wjele swari. Daniel a Jakub staj staraj a dyrbitaj so raz tak prawje mjerzać. Ale nalada so zaso polěpši - w Serbach so něšto hiba, smy po kraju wuspěšni a wubědźujemy so. Wšitko budźe zaso w porjadku.

Jakub njeznaje rozdźěl mjez zeleninu a sadom, Daniel dopomina so na flirt-disko we Wodowych Henrichecach a wobaj staj fanaj Měrčina Weclicha a Lózych Hólcow. Přeco hišće bjez intra, ale znajmjeńša z maksimalnej połwědu: nowa epizoda Serbskeho Buschfunka! Hubku na tył a wjele wjesela. :*

Dani ze zwukowymi problemami, Jakub njepřihotowany... Hotowa katastrofa. Ale kak spěwa Józef Dónat w Serbskim rozhłosu? Hišće jónu dźěćo być - tutón són smój sej tróšku spjelniłoj a dopominamoj so na zbožowny čas. Hdyž so bul kula, njejsmoj wězo daloko a tež suchota naju sucheju njewostanje. Jenož derje, zo je to podcast a nic blog - to by była hotowa katastrofa.

Je zlě - horcota a k tomu mamy hejsować. Hač maturanća, folklorisća, nowe aliancy abo dźěći w Róžeńće, wšitcy smy so poćili. Wochłódnjenje skići nowa epizoda Serbskeho Buschfunka.

Mała korektura:
Radworska skupina nabožneho tydźenja njeje z busom na kombinat jěła,  ale na kóncu tola pěši 1,5 kilometra zmištrowała. - He? Wo čim tón rěči? - Poskajće podcast...

EUUUROOOPEEEAAAADAAAA!!!! Haj, prěni měsačny special je won - trónkróć mamoj rjekow EUROPEADY z hosćomaj - Jan Bogusz a Maksimilian Zahrodnik! Kajka to česć - dla toho je měsačny special tež tróšku dlěši. Dajće sej lubić!!!!

Cyle k spočatkej: wodajće techniske problemy. Jakub je wina. Idiot. Ale wot połojcy zaso čisty zwuk, kaž zwučene. Wězo je Europeada tema, runje tak wólby krajneho radu a čehodla by Dani za AfD kandidować chcył. A budu Serbske Nowiny bórze jenož hišće tydźenik? Wulke prašaki w nowym wudaću Serbskeho Buschfunka.

Što so we swěće, našim serbskim swěće, stała? 

Po cyłej Łužicy so swjeći. Jubileje, wjesne swjedźenje a premjery. Wotrow, Budyšin, Korutanska - nowa epizoda was wšudźe tam wjedźe, hdźež njejsće ženi chcyli. Ale ok, něk emt tak je... Waša wina :)

Što so we swěće, našim serbskim swěće, stała? 

Mamy prawy politisko kubłanski konflikt, so poćimy a hudźba so hraje. Nic w našim podcasće, ale zasadnje w sewjeru, kaž tež w juhu Hornjeje Łužicy. A basnje měli zaso wuknyć! Serbski Buschfunk wě, što je so we Łužicy wšitko hibało...