社群咧衝啥

社群咧衝啥

By 亞特,RtiComedySociety & CultureComedy InterviewsRelationships
Download on the App Store

社群咧衝啥 episodes

  • 嘉義咧衝啥？在地好食好𨑨迌，那耍那聽非洲鼓 ft.江鳥╱嬉班子樂團團長
    這幾年嘉義好食好耍愈來愈時行，文化發展是閣較奢颺，這回邀請在地人，同時是非洲鼓樂團嬉班子的團長江鳥，來介紹予逐家較無了解的「新港」食食，猶有逐家傳說中的「涼麵+白醋」、「橋仔蜜+豆油+薑」的神奇組合，江鳥甚至講出外埔頭綜合果汁竟然無咧摻○○，原來綜合果汁猶有這款精差？
    同時咱嘛𤆬聽友做伙來熟似嬉班子這个真特殊的在地鼓樂團，非洲鼓配台語聽起來是啥物感覺？這个團行過二十冬，又閣是按怎堅持落去？後回欲去嘉義𨑨迌，沿路會使那放嬉班子的歌來聽，穩當有無仝款的趣味。
    30 min
  • 死語咧衝啥？(三)四書五經讀透透，不識黿鼇龜鼊竈 ft.黃震南╱藏書家
    「真‧台語怪物」來啦！對應前一陣仔的Youtube時事話題「中文怪物」佮threads頂頭的「死語運動」，人(就是伊家己)稱藏書界的「竹野內 豐」黃震南老師佇網路頂開出二張「台語怪物」網路試題，考倒一片台語高手，這回亞特聯手震南老師，推出攏總三集「台語怪物全破解」，毋但解說答案，猶有各種補充佮對照，予你三集聽了，台語Level Up Up Up↑
    本集解題：
    ✪清氣小姑碗崁屎
    ✪海瑞兵，會食袂相舂
    ✪牡丹的寫批，慘的加落寡
    ✪催命鬼，看做註生娘娘
    ✪袂輸魏延咧
    ✪袂輸呂蒙正
    ✪城隍爺的頭殼，你也敢挲
    ✪孔子公毋敢收人隔暝帖
    ✪蔡牽造炮炸家己
    ✪阿媽袂認得阿祥
    ✪文王拖車
    ✪食碗內，說碗外
    ✪俄羅兵，德國銃
    ✪程咬金三日皇帝
    ✪羅漢請觀音
    ✪呂洞賓，顧喙無顧身
    30 min
  • 死語咧衝啥？(二)四書五經讀透透，不識黿鼇龜鼊竈 ft.黃震南╱藏書家
    「真‧台語怪物」來啦！對應前一陣仔的Youtube時事話題「中文怪物」佮threads頂頭的「死語運動」，人(就是伊家己)稱藏書界的「竹野內 豐」黃震南老師佇網路頂開出二張「台語怪物」網路試題，考倒一片台語高手，這回亞特聯手震南老師，推出攏總三集「台語怪物全破解」，毋但解說答案，猶有各種補充佮對照，予你三集聽了，台語Level Up Up Up↑
    本集解題：
    ✪趙子龍欠馬
    ✪食竹仔枝炒肉絲、食大封、食膨餅
    ✪驚死芋莖
    ✪毋通戇戇綴人去培墓
    ✪使用人
    ✪欶田螺
    ✪內條筋
    ✪共伊撈(hôo)起來滴水
    ✪一支跤毛管七个鬼
    ✪可憐的梅仔餅
    ✪䆀䆀仔仕相俥
    ✪佮孔子公諍字
    ✪海口仙
    ✪陳三磨鏡
    ✪菜礤姆仔
    30 min
  • 死語咧衝啥？(一)四書五經讀透透，不識黿鼇龜鼊竈 ft.黃震南╱藏書家
    「真‧台語怪物」來啦！對應前一陣仔的Youtube時事話題「中文怪物」佮threads頂頭的「死語運動」，人(就是伊家己)稱藏書界的「竹野內 豐」黃震南老師佇網路頂開出二張「台語怪物」網路試題，考倒一片台語高手，這回亞特聯手震南老師，推出攏總三集「台語怪物全破解」，毋但解說答案，猶有各種補充佮對照，予你三集聽了，台語Level Up Up Up↑
    本集解題：
    ✪摃狗毋出門
    ✪六跤長鬚
    ✪你曷毋是林本源
    ✪這馬是咧陳三磨鏡，抑是英台哭兄？
    ✪硩貓岫
    ✪peh-jiáu-ue
    ✪咱人
    ✪頭毛有臭雞酒味
    ✪飽水
    ✪七里香，盤出牆
    ✪束樹奶--ê
    ✪斷半仙
    ✪坐(tshē)毋著
    30 min
  • 廟公咧衝啥？(二)雲遊環島帶任務，欲解因果大小事 ft.楊庭俊╱少年廟公
    少年廟公繼續環台濟世！頂一集咱講起少年廟公按怎看待修行，猶閣有按怎做一个「自由廟公」了後，這集咱正港欲來環島修行濟世途矣，聽廟公講，伊的環島時常是神明旨意欲解因果，毋過這幾逝環島修行路，伊解了啥物因果？又閣拄著啥款怪事？有時廟公替神明做領隊，有時好親像就會當摸飛(moo-hui)？這集亞特專工請少年廟公推薦平常時真值得去行行兼拜拜的廟宇，趕緊來聽伊會介紹啥物廟！
    30 min
  • 廟公咧衝啥？神明旨意修行路，少年廟公濟世途(一) ft.楊庭俊╱少年廟公
    少年廟公來央廣濟世矣～！佮過去刻板印象認為廟公攏是有歲人無仝，少年廟公楊庭俊猶真少年就咧廟內服務，離開了後竟然閣變成「自由廟公」？！這个「自由」是按怎來的？無固定服務的廟敢會用得講是「廟公」？行上環島濟世步步修行之路的廟公，沿途會搪著啥物代誌？出冊了後讀者有回饋，想袂到神明嘛會有交代？是講廟宇界的「愛哭團」佮神明界的「支持團體」到底是怎樣一回事……？
    30 min
  • 認證咧衝啥？烏鴉啉水投石落瓶，台語來講伊索寓言 ft.魏俊陽╱台語教師
    節目播出的隔工11/29就是成大「全民台語認證」的考試日囉！毋知聽友敢有人去赴考咧？亞特先祝福有去考試的聽友，逐家攏提著心目中的好成績。
    是講無論是教育部的抑是成大的台語認證考試，對你來講上困難的是佗一款題型咧？聽講有真濟人佇「口說」方面有較食虧，因為口說考試的型式是看圖講故事，對猶無遐爾慣勢以台語思考的朋友來講，欲雄雄就講出故事無重耽，確實是無簡單。今仔日這集介紹一本會使當做考試工具冊，嘛會使當然日常訓練、以「伊索寓言」做主題的冊，其實若是以亞特來看，這本冊嘛會使當做是練習台語家庭的家長講故事予囡仔聽的基礎訓練冊喔！
    是講，亞特佇節目內底有分享一个應對台語口說考試的鋩角，只是……敢若無蓋實用……？
    30 min
  • 畫本咧衝啥？台語學藝術，「構圖」、「透視法」你敢講會出？
    紅色、藍色、青色你會曉講，毋過「薰衣草紫」、「青蘋果綠」、「天空藍」台語欲按怎講？畫圖的工夫像「構圖」、「透視法」又閣按怎用台語表達？市面上現此時出現一本主打「用台語學藝術」的繪本《哎呦喂啊！愛用畫的》，圖面是今上時行的「台灣感性」風格，也是在地日常風景，聽講繪本閣有種種機關，幫助囡仔看繪本學藝術閣練台語？這集邀請發起繪本計畫的「畸零地工作室」成員孟榆佮以臻，來開拆這本台語繪本機關何在。
    30 min
  • 海產咧衝啥？凊彩食入腹肚底，台灣的魚仔你捌幾尾？ ft.黃之晹╱海洋大學副教授
    這幾年時行講「台灣干焦海產文化，無海洋文化」，毋過你敢誠實了解「海產」？無論是掠的抑是養殖，咱常在是「食魚煞毋捌魚」，這集邀請海洋大學水產養殖系副教授、《好好吃魚》作者黃之晹來分享全台各地的海產特色，台灣定看的魚仔，你聽過幾款？閣食過幾款咧？這集聽了，揣機會行入市仔的魚擔，來熟似一下仔家己生活當中捷看著的魚仔啥款？
    30 min
  • 動畫咧衝啥？動畫開喙講台語，配音幼路有玄機 ft.葉又菁╱配音員
    這幾年愈來愈濟出名動畫配做台語版，而且風評攏真好，《派對咖孔明》的台語版拄出來的時，甚至閣引起網路頂真大的討論，這集邀請著台華雙語配音員葉又菁來分享伊的台語配音經驗，猶有台語配音的現場指導又閣是咧創啥？你敢有看過佗一齣台語動畫？咱做伙來聽看覓，台語配音啥款鋩鋩角角？
    30 min

About 社群咧衝啥

From the publisher's feed

使用台語談論社群時事，第一個遇到的問題就是「這個詞台語怎麼說？」，許多人自認的「台語很好」其實僅侷限於低限度的簡易日常生活用語；然而當代社會資訊爆炸，每天都有新事物出現、即使是兒童的生活用語，也已過去大不相同，台語需要在這樣的快速變動中，迅速趕上，除了專家學者訂定的新詞辭庫，更需要在網路上、生活中、媒體內容裡都被不斷被使用，才有機會補足「台語沒人這樣說」的刻板印象。《社群咧衝啥》給你網路爆紅話題、有趣的人事物或社群流行趨勢解析，「社群咧衝啥，台語綴時行！」