Besmir Markaj ndan me ne rrugëtimin e jetës së tij dhe se si lutjet e tij morën përgjigje për të patur një Bibël dhe për të gjetur një kishë të mirë. Ai thotë se Krishti është ai që i ka ndryshuar jetën. Besmiri na flet për shpërnguljen nga Kukësi në Tiranë dhe më pas nga Tirana në Gjermani. Koha më e shkëlqyer e jetës së tij mbetet koha e Institutit. Guximi dhe gadishmëria për të shërbyer nga thirrja e parë deri më sot si Peshkop i Lagjes së Köln, Gjermani e bëjnë atë një shembull për të gjithë.

Manushaqe Osmeni pranon të ndajë në Podkastin Shenjtorët e Shqipërisë historinë e jetës së saj. Ajo u lind dhe u rrit ne qytetin e Tiranës në një familje të madhe prej 10 anëtarësh dhe na flet për fëmijërinë e saj dhe më pas për përvojën e saj mes dy kohërave të ndryshme; Komunizmit dhe Demokracisë. Manushaqja na tregon se si ajo po e kërkonte Perëndinë dhe rastësisht takon missionarët. Ajo flet për sfidat e jetës, rritjen dhe edukimin e 3 fëmijëve të saj, gjithashtu edhe rolin që Ungjilli ka patur në jetën e tyre dhe ndryshimet qe jeta e tyre ka pësuar pas pranimit te Ungjillit. Bekimi më i madh në jetën e saj ka qenë rritja e tre fëmijëve të saj në Ungjill dhe që secili prej tyre shërbeu një mision me kohë të plotë.

Arsel Bala është një i ftuar shumë special, sepse në kohën e rregjistrimit të podcastit ai është duke shërbyer një mision me kohë të plotë në Birmingham, Angli. Në këtë episod do njohim jo vetëm misionarin shembullor për të cilin jemi krenar por gjithashtu Arselin që vjen nga lagje e vogël e Tiranës. Arseli na tregon se si babai i tij u njoh me kishën dhe se si rritja ne ungjill e Jezu Krishtit i ndryshoi jetën e tyre. Si po e ndihmon misioni Arselin në lartësimim e tij shpirtëror? Si vendosi ai të shërbente një mision dhe pse është misioni kaq i rëndësishëm për të? Këto e më shumë do mësoni me një nga Shenjtorët që perpiqet të jetë një shembull për besimtarët e jo vetëm.

Rovena Dragoti Biba, vajza nga Durrësi e cila na tregon pë fëmijërinë e saj dhe marrëdhëniet me motrat e saj. Ajo u njoh me Kishën e Jezu Krishtit e Shenjtorëve të Ditëve të Mëvonshme dhe që atëherë ka qëndruar aktive. Rovena na tregon për mrekullitë e sfidat që ajo ka përjetuar duke përfshirë dhe eksperiencën e saj duke shërbyer si misionare me kohë të plotë në Leeds, të Anglisë. Nder këto, Rovena është e bekuar me një familje të bukur, me bashkëshortin i cii është besimtar në një fe ndryshe se ajo e Rovenës por kjo nuk i ka veçuar por i ka mbajtur të bashkuar. Ky episodë do tju tregoj sesi mund të jemi të bashkuar pamvarësisht çfarë na bën të veçantë.

Alex Peterson është një misionar i kthyer nga Amerika, pikërisht nga Salt Lake City, Utah. Ai ka shërbyer një mision me kohë të plotë në Shqipëri dhe ka arritur ta ruajë gjuhën shqipe edhe sot e kësaj dite. Ai flet me mall dhe dashuri për Shqipërinë, shqiptarët dhe gjithashtu për familjen shqiptare. Alex thotë: “Martesa dhe familja ime është gjëja më e mirë që kam bërë”. Alex vazhdon të shkojë dhe të qëndroj aktiv në kishë për shkak se ai e di se sa shumë Zoti e do atë. Edhe pse misioni i tij me kohë të plotë përfundoi para një dekade Alex vazhdon të jetë një misionar gjatë gjithë jetës së tij.

Helena Muka e ftuara jonë e rradhës nga Elbasani, qyteti ku ajo u rrit dhe flet edhe sot me kaq dashuri. Helena është njohur me kishën e Jezu Krishtit të Shenjtorëve të Ditëve të Mëvonshme në moshën 11 vjecare dhe ajo ndan emocionet e saj gjatë rrugëtimit të besimit dhe se si ajo dhe familja e saj iu bashkuan kishës. Ajo u njoh me Endritin gjatë klasave të Institutit kur dalëngadalë kuptuan se nuk donin te ishin thjesht shokë. Sot ata janë të martuar sëbashku dhe janë prindër të dy djemve të mrekullueshëm. Me pozivitetin që e karakterizon vetëm atë, Helena ndan me ne një copëz jete të saj dhe sesi ajo ka kuptuar rëndësinë e të duruarit deri në fund

Denada nga Tirana pranon të ndajë me ne në Podkastin tonë se si ajo u njoh me Ungjillin e Jezu Krishtit në jetën e saj që në moshë të re. Ajo tregon sesi njohuria e Ungjillit dhe plani i Perëndisë për ne e ka ndihmuar atë për t'a pranur më lehtë humbjen e babit të saj.

Anest Isufaj nga qyteti i Vlorës ka pranuar të flasi në podkastin tonë në lidhje me rrugëtimin e jetës së tij brenda dhe jashtë kishës së Jezu Krishtit të Shenjtorëve të Ditëve të Mëvonshme. Pamvarësisht zgjedhjes së tij që të mos qenë një anëtar aktiv, Anesti jeton jetën e tij plot besim në Jezu Krisht dhe përpiqet të jetë një samaritan i mirë duke i shërbyer të tjerëve pa dallim. Anesti aktualisht jeton në New York, të Amerikës por flet me mall për Shqipërinë dhe për eksperiencat e shumta që ai ka pasur si anëtar i kishës dhe tani si një shërbëtor i Perëndisë në rrethana të ndryshme.

Enea Ballxhian një shenjtor nga qyteti i Durrësit na flet për eksperiencën ku jeta e tij ndryshoi totalisht prej ungjillit të Jezu Krishtit. Si Peshkop, bashkëshort dhe baba, Enea përpiqet për të qenë një shembull sa më i mirë i të jetuarit të ungjillit. Ai ndan me ne bekimet që ka marrë si pasojë e të shërbimit dhe dëshirës për të mbështetur anëtarët në lagjen ku ai shërben si Peshkop. Mësoni më shumë sesi ungjilli i Jezu Krishtit ndryshon dhe përmirëson jetën e dikujt.

Arbi, një djalë i ri ambicioz dhe një shenjtor i ditëve të mëvonshme nga Tirana i vendosur në Zvicër. Ai na tregon mbi fëmijërinë e tij, familjen dhe më pas periudhën kur iu desh të emigronte drejt Italisë, sfidat që ai dhe familja tij hasi në ato kohë. Arbi ka një histori shumë interesante se si është njohur me figurën e Krishtit dhe Kishën e Tij. Arbi na flet nga eksperienca e tij sesi ai është përpjekur të jetë gjithmonë një dishepull i Krishtit pamvaresisht sfidave ne jetë.