Bajame Topalli ka përjetuar një jetë jo të lehtë, me fëmijërinë e saj në fillore dhe sfidat e shumta që ka hasur në jetë. Një nga arritjet e saj më të mëdha ka qenë të gjej besimin e saj në Jezu Krisht dhe të bashkohej kishës së Tij të rivendosur. Bajame është e lumtur për jetën që ajo ka krijuar dhe një gjë që i ka ofruar paqe e siguri është muzika e ëmbël e ungjillit. Ajo ka një talent të fuqishëm në muzikë dhe Bajame ka përcuar emocionet e jetës nëpërmjet këngës shëlbuese të ungjillit. Mësoni më shumë rreth fuqisë së muzikës dhe luftës për një jetë më të mirë.

Ky është episodi i parë i një serish episodeve të veçanta ku do të kemi një bashkëbisedim midis drejtuesve të emisionit, Xhoni dhe Enida. Ata shpjegojnë mbi proçesin e podcast-it gjatë këtyre 20 episodeve të fundit duke filluar që nga ftesat dhe deri tek publikimi i tyre në kanalet Youtube, Spotify dhe Apple Podcasts. Do dëgjoni mbi impaktin që podcast-i ka pasur te ta, sfidat dhe bekimet e ndryshme. Qëndroni deri në fund pasi përveç përditësimeve kemi një njoftim të rendësishëm që nuk duhet ta humbisni.

E ftuara e këtij episodi është Ejona Zogaj, një infermiere anesteziste e devotshme nga qyteti i Beratit. Ejona gjatë këtij episodi na tregon për besimin e saj, si është njohur me bashkëshortin dhe për jetesën e tyre në shtetin gjerman. Edhe pse është nëna e dy djemve të vegjël, Ejona zgjedh të shërbej në tempull çdo muaj dhe është e apasionuar pas historisë familjare dhe të mësuarit e gjërave të reja.

Elona Markaj ka lindur dhe është rritur në një fshat të Kukësit deri në moshën 10-vjeçare. Më pas, familja e saj u zhvendos në kryeqytetin plot me gjallëri të Shqipërisë, Tiranë. Me tre motra dhe tre vëllezër, Elona është një nga shtatë fëmijët e kësaj familjeje të mrekullueshme.

Klaudia Tengu ka përjetuar shumë sfida në jetën e saj por momentin kur ajo u njoh dhe u bashkua me Kishën e Jezu Krishtit të Shenjtorëve të Ditëve të Mëvonshme i ndryshoi jetën përgjithmonë. Klaudia është një shenjtore nga qyteti i bukur i Durrësit dhe aty ajo punon dhe jeton jetën e saj. Ajo na flet për eksperiencat e saj kur ajo shërbeu një mision me kohë të plotë në Shqipëri, për bekimet e shumta që ajo ka marrë nga kisha, dhe për sfidat e saj fizike dhe shpirtërore ku përulësia e saj e ka fuqizuar atë. Frymëzohuni duke dëgjuar historinë e plotë të Klaudias.

Anita Kollcaku, një 26-vjeçare plot gjallëri nga Berati, nisi aventurën e saj në Tiranë për të studiuar kimi industriale dhe mjedisore. Gjatë vitit të parë në universitet, një kthesë e papritur e çoi drejt Kishës së J.K.SH.D.M., ku u pagëzua më 13 gusht 2016. Tre vite më vonë, ajo fluturoi për në Birmingham, Angli, për një mision frymëzues. Në tetor 2020, u kthye në Shqipëri dhe nisi punën si stjuardesë, duke përmbushur dëshirën për të udhëtuar. Së fundmi, ajo u zhvendos në Angli dhe tani jeton në Luton me të fejuarin e saj. Anitës i pëlqen të eksplorojë botën, të njohë njerëz të rinj dhe të zhytet në kultura të ndryshme.

Juliana Konstandini Hoxha, me origjinë nga Vlora, u bashkua me Kishën e Jezu Krishtit të Shenjtorve të Ditëve të Mëvonshme moshën 19-vjeçare. Më vonë pati mundësi te ndiqte studimet në BYU ku dhe u diplomua ne kontabilitet. Një nga kujtimet më të bukura për Julin është martesa e saj në Tempullin e Solt-Lejkut. Me dy fëmijë dhe një dashuri të madhe për Shqipërinë, familja Hoxha u kthye në Shqipëri në 2016 për të ndërtuar ëndrrën e tyre. Juliana ka shërbyer me zell si koordinatore e Seminarit dhe Institutit dhe tani si drejtoreshë kombëtare e komunikimit për Kishën. Juliana Hoxha, një udhëheqëse që ndriçon rrugën për të gjithë!

Adelajda Gjikaj Ashe, një vajzë vlonjate që filloi një udhëtim emocionues pas ceremonisë së pagëzimit në vitin 2007. Disa vite më vonë, ajo pati bekimin e madh për të vulosur në Frankfurt, Gjermani, një moment që e forcoi edhe më shumë lidhjen me familjen e saj. Adelajda gjithashtu shërbeu në një mision të plotë në Leeds, Angli, dhe pas përfundimit të misionit, ndoqi studimet në Amerikë. Ada u diplomua nga Brigham Young University of Idaho dhe tani punon si Trajnuese Personale dhe Trajnere e Mirëqenies. Më 28 Maj 2022, Adelajda u martua me dashurin e jetës së saj, William, duke festuar një dasmë tradicionale shqiptare. Tani jetojnë së bashku në Kaliforni, duke vazhduar aventurat e tyre në jetë.

Alesia Bakalli Rozenkenkevic është një e re Shqiptare që ka lindur ne qytetin e Elbasanit dhe në moshën 18-vjecare emigroi në Gjermani për një mundësi edukimi më të mirë. Ajo arriti qëllimit të saj së afërmi kur u diplomua në Shkenca Sociale. Alesia punon si asistente për fëmijë me aftësi të kufizuar. Një nga bekimet e jetës së saj përfshin njohjen me bashkëshortin e saj Jared, ku jetojnë së bashku në Gjermani. Eksperienca e shkolles, së bashku me aftësitë e saj, si njohuria e 5 gjuhëve i ka dhënë mundësi Alesias të shërbej në mënyra të ndryshme. Shembulli i saj rreth shërbimit do ju frymëzojë edhe juve.