اشنا خبري خپرونه - Voice of America

د امریکاغږ اشنا د یکشنبې په خبري خپرونه کې؛ په افغانستان کې د داعش ډلې په همغږۍ او قوت موندنې په هکله د امریکا د دفاع وزارت ارزونه، ترکیه کې د جمهوري ریاست د ټاکنو په درشل کې د آزادو رسنیو پرضد اقدامات او د افغانستان د بریالیو ورزشکارانو د مبارزې او د کډوالۍ ژوند په اړه رپوټونه لرو.

د اشنا د شنبې ورځې په خبري خپرونه کې دا مطالب ځای ګورئ او اورئ: د نړیوالو مؤسسو په کارونو کې د طالبانو مداخله او لدې کبله د ملګروملتونو اندېښنې، د چین د اټومي پروګرام سره د روسیې په همکارۍ د امریکایي سیاستوالو او چارواکو اندېښنې او د کالیفورنیا ایالت په سکرمنټو ښار کې د افغانانو ژوند.

په ملګرو ملتونو کې د طالبانو د رسمیت پېژندلو پر څرنګوالي د بحث وروستي غبرګونونه راسپړو. په بهر کې د افغانستان یو شمېر سفیرانو او پخوانیو چارواکو نیوکې در اوروو. د متحده ایالاتو او سویډن د دفاع د وزیرانو غونډه تعقیبوو چې ویل کیږي د ناټو سره د سویډن د یوځای کیدو دپاره د واشنګټن د ملاتړ نښه ده او له پښتونخوا نه به د افغانو نجونو سره د پیوستون پیغامونه هم درسره شریک کړو چې د اختر په درشل کې یی له طالبانوغوښتي چې د افغانو نجونو پر مخ دې د زده کړو دروازې پرانیزي.

د امریکا غږ اشنا ټلوېزیون د چهارشنبې په خپرونه کې د طالبانو د رسمیت پېژندنې لپاره د ملګرو ملتونو پر غونډې، د سوډان پر جګړو او په امریکا کې د مسلمانانو پر مذهبي آزادیو خبرونه او مرکې خپرېږي.

د امریکا غږ اشنا ټلوېزیون د سه شنبې په خپرونه کې د افغان سیاستوالو سره د امریکا د ځانګړي استازي د غونډو، د افغانستان څخه د ملګرو ملتونو د وتلو پر احتمال او په خیبر کې د غره د ښویېدو له کبله د اوښتو زیانونو په اړه خبرونه او مرکې خپروو

د افغانستان لپاره د ملګروملتونو د بشري مرستو د همغږۍ اداره، اوچا وایي، افغانستان ښايې له یوې داسې قحطۍ سره مخامخ شی چې ساری یې په تېرو ۲۵ کالو کې ندی لیدل شوی. د جي اووه یا اوو بډایو هیوادونو د بهرنیو چارو وزیرانو غونډه تعقیبوو چې په لومړۍ ورځ پر افغانستان هم پکې بحث شوی دی. او د کار وبار د رونق دپاره په کابل کې د افغانو ښځينه جامو د یو شمېر شرکتونه پر وروستیو نویو لارو چارو باندې هم په زړه پورې رپوټ لرو چې وایي اوس یې کاروبار په آنلاین بڼه تر پخوا ډېر ښه شوی دی.

د امریکا غږ اشنا د یکشنبې په خبري خپرونه کې دا مطالب ګورئ او اورئ: د افغانستان د سیاسي حل لارې موندلو په موخه د امریکا د ځانګړي استازي ټام ویست د سفرونو او غونډو پر وړاندې غبرګونونه، په سودان کې جګړه، او د بد اقتصادي وضعیت له کبله په پېښور کې د افغان سوداګرو اندېښنې.

د امریکا غږ اشنا د شنبې په خبري خپرونه کې دا مطالب ګورئ او اورئ: په سمرقند او ترکیه کې د افغانستان د وضعیت په اړه د غونډو پایلې، د اوکراین او روسیې په جګړه کې د چین د بی طرفۍ پر ادعا ارزونه او په امریکا کې د میشتو افغانانو لخوا د روژې په میاشت خیریه خدمنونه.

د اشنا تلویزویون د پنجشنبې(اپریل ۱۳) خپرونه کې د افغانستان په اړه د ګاونډیو هیوادونو غونډه راسپړو چې پکې د ازبکستان، چین، روسیې، ایران، پاکستان، تاجکستان او ترکمنستان د بهرنیو چارو وزیران ګډون کوي. طالبانو هم ویلي‌چې پلاوی یې ازبکستان ته رسیدلی دی. د امریکا د متحدو ایالتونو ولسمشر جو بایډن نن ایرلنډ ته رسیدلی دی. د هغه د سفر مهم ټکي او په پاکستان کې د نویو پوځي عملیاتو په تړاود پښتنو ملتپالو اندېښنې هم درسره شریکوو. خو په اخر کې به په امریکا کې د بیلو مذهبونو تر منځ د همکارۍ پر څرنګوالي رڼا واچوو.

د امریکا غږ د آشنا ټلوېزیون د چهارشنبې په خبرونه کې د ښځو د کار پر مخنیوي د طالبانو تازه دریځ، ایرلنډ ته د امریکا د ولسمشر پرسفر او د امریکا د دیني مدرسو په اړه مهمې مرکې او راپورونه لرو.