اشنا خبري خپرونه - Voice of America

د امریکا غږ، آشنا ټلوېزیون د سې شنبې په خپرونه کې په افغانستان کې د ملګرو ملتونو د فعالیتونو پر برخلیک، د اوکراین پر کانونو دروسي پوځیانو پر کنټرول او په امریکا کې له بې وزلو سره د بډایو خلکو پر مرستو مهم راپورونه او مرکې لرو.

د امریکا غږ آشنا تلویزیون په نننۍ خپرونه کې د طالبانو له خوا د ملګرو ملتونو پر ښځینه کارکوونکو د کار د بندیز د دوام اغیزې سپړو. د پاکستان د دفاع وزیر خواجه اصف سره مو د تي‌تي پي‌او افغان طالبانو پر اړیکو خبرې کړي اود شخصي پوهنتونونو د مسولینو او استادانو اندېښنې هم په یوه بل رپوټ کې وړاندې کیږي خو ددې ترڅنګ نور سیمه اییز او نړیوال مطالب هم تعقیبولای شئ.

د امریکاغږ اشنا د یکشنبې په خبري خپرونه کې دا مطالب وینئ: په بیت المقدس کې د اسرائیل او فلسطینیانو ترمنځ د تاوتریخوالي وروستي جزیات؛ د افغانستان د پخوانیو معلولو پوځیانو اقتصادي ستونزو کې د یو معلول سرتیري ژوند ته کتنه او د ټولنیزو رسنیو له لارې د یوې افغانې سوداګريزې هڅې وینئ چې دودیزې افغاني جامې پلوري.

د امریکاغږ اشنا د شنبې په خبري خپرونه کې د افغانستان څخه د امریکايي ځواکونو پر وتلو د کانګرس د روانو تحقیقاتو تفصیل وړاندی کوو.

د اوکراین د جګړې په اړه د امریکا د دفاع وزارت لخوا د افشا شویو اسنادو جزیات هم وړاندی کیږي. دا اسناد ښیي چې روسیې د اوکراین په جګړه کې د خپلو او اوکرایني عسکرو د مرګ ژوبلې په اړه ناسم تبلیغات کړي. همداشان په بریتانیې کې د هغو افغان کډوالو د سرپناه موندلو ستونزو ته کتنه شوې چې له هوټلونو څخه باید د ښارولۍ کورونو ته کډه شي.

د ملګرو ملتونو سازمان کې د ښځو پر کار بندیز ته ګڼ شمېر شدید او پراخ غبرګونونه ښودل شوي. د ملګرو ملتونو تر څنګ د امریکا د بهرنیو چارو وزیر وایي طالبان باید د ښځو پر کار د بندیز پرېکړه بیرته واخلي. تایوان او امریکا د نویو همکاریو ژمنې کوي خو د چین په تړاو هم ځینې اندېښنې ښیي. او د اقلیمي بدلون پر ناوړه اغېزو د کروند ګرو نظر، دا او نور د امریکا غږ د نن ورځې په خپرونه کې لیدلای شئ.

د امریکا غږ د چهارشنبې په خپرونه کې په افغانستان کې د ملګروملتونو د کار بندیز، د ټرمپ لخوا د بې ګناهۍ اعلان او د ناټو سره دفنلنډ د ملګرتیا په اړه مهم راپورونه او مرکې لرو.

د امریکا غږ آشنا ټلوېزیون د سې شنبې په خپرونه کې د پخواني ولسمشر ډانلډ ټرمپ د محاکمې، د افغانستان د بشري ناورین او فضا ته د امریکایي او کاناډایي ستورمزلو د ماموریت په اړه مهم مطالب خپروو.

د اشنا په خبري خپرونو کې د شنبې څخه تر پنجشنبې پورې د افغانستان، سیمې او نړۍ تازه خبرونه، او د ټولې نړۍ څخه په زړه پورې او معلوماتي رپوټونه، د مسولینو او کارپوهانو مرکې، ستاسې غږ او نور مطالب لیدلی شی.

د امریکاغږ اشنا د یکشنبې اپریل دوهمې په خبري خپرونه کې؛ د افغانستان د بشري حقونو کمېسیون د طالبانو له بنده د مدني فعالانو د خوشي کولو غوښتنه کړې. په بریټانیا کې یوه خیریه مؤسسه وایي طالبانو په افغانستان کې درې بریټانویان بندیان کړي. سیاسي څیړونکي وایي د امریکا پر مخکني جمهور رئیس لګیدلي تورونه په نړیوال ډګر کې د امریکا د ولسواکۍ یو ازمون بلل کیږي او خاتمین الماسي هغه افغانه تکواندو کاره ده چې د طالبانو تر واکمنۍ مخکې يي په افغانستان کې ورزش کاوه، خو اوس په پېښور کې د کډوالۍ ژوند تیروي.

د اشنا د شنبې د ورځې په خبري خپرونه کې چې کوربه یې سید سلیمان اشنا دی دا مطالب لیدلی شئ؛ د امریکا د دفاع وزیر وایي د افغانستان څخه د وتلو د بڼې په هکله هیڅ ډول پښیماني نلري. د امریکا د جمهور رئیس مرستیاله کاملا هریس د تانزانیا له جمهورې رئیسې سره تر لیدنې وروسته ژمنه وکړه چې امریکا به د تانزانیا سره خپلو همکاریو ته دوام ورکړي او په پېښور کې د افغانستان د قالینو سوداګر وايي، د اوکراین جګړې يې د قالینو کاروبار سخت ځپلی دی.