Qilaatersortartuusugut Varna Marianne NIelsen aamma Nuka Alice Lund qilaatersornermut pulajartuaarnerput uani episodemi eqqartorparput.

Ullutsinni Kalaallit Nunaanni qilaatersornermi atugassarititaasut qanoq inissisimappat? Qilaatersornermi ilisimasat suuppat qanorlu atorneqarpat? Suut qilaatersortartut pingaartippaat suullu angorusuppaat? Qilaatersorneq qanoq atorneqarsinnaava qanorlu ineriartortinneqarsinnaava? 

Apeqqutit akissutaat qilaatersortartut Varna aamma Nuka Alicep tusarnaagassiaralugit suliaraat.

Aallakaatitassiortoq aamma nipinik katiterisoq: Nuka Alice Lund

avammut nittarsaatassanik suliarinnittoq: Varna Marianne Nielsen

Suliffeqarfik Siarnaq immiussissutinik pisaarneranut atatillugu Ujarneq Fleischer-p facebookiatigut misiliilluta 10. april liverluta atorpagut. 

Nipaa misilittarparput uanilu livernerup aallartereernerani immiussinissaq toorsimannginnatsigu paasilugu immiunnera uani tusarnaarneqarsinnaavoq.

Sammineqartut assigiingitsuupput. Ulloq ataaseq sioqqullugu Ujarneq facebookikkut, snapchatikkut instagramimilu malinnaasuni aperai podcastiliortuugutta suut sammissanerigut. Uani inuit sammisassatut siunnersuutaat nammineq ilisimasagut aallaavigalugit akisarpagut.

Aajuna linkitaa:

https://www.facebook.com/ujarneq/videos/414314528007076 

Aallakaatitassiami peqataasut:

Ujarneq Feischer

Ole S. Jensen

Nuka Alice Lund