Diarmaid Ó Muirithe ag stiúradh díospóireachta fá chearta sibhialta do mhuintir na Gaeltachta le Séamus Ó Néill, Risteard Ó Glaisne agus Micheál Davitt.

Éigse Chonamara 1971. Páirteach ann - Peadar Mac an Iomaire, Tomás Ó Concheanainn, Aodh MacDhubháin, Tom Sailí agus Johnny Chóil Mhaidhc le hagallamh beirte, Seosamh Ó Coisdealbha agus Brenda Ní Shúilleabháin. Cur i láthair, Seán MacRéamoinn.

Liam Ó Flaithearta ag caint le Máirtín Dempsey sa bhliain 1946. Leagan de “An Beo” á léamh ag Liam Ó Flaithearta sa bhliain 1946. Breandán Ó hEithir ag cur síos ar chúrsaí oileáin Árann sa bhliain 1970 do Phroinsias Ó Conluain. Máirtin Ó Direáin ag cur síos ar a shaol agus a chuid filíochta do Phroinsias Ó Conluain sa bhliain 1971.

Andreas Ó Gallchóir ag caint le roinnt Gaeilgeoirí i gCo an Chláir sa bhliain 1958 ina measc tá Micheál Mac an Airchinnigh (Coillte) a bhí ar dhuine acu sin a shabháil foireann An Leon XIII sa bhliain 1906. Máire Ní Dhonnabháin - Paidir agus rann; Pádraig ó hAodha Lios Ceannúir - scéal fá argóint idir cabáiste agus fata. Seán Óg Diollúin Ó Chill Seannaigh - scéal "Madra Bán na nOchtA gCos". Éamon MacMathúna - "Aithrí Sheáin de hÓra. Seán Ó Briain Dúlainn ag cur síos ar thuras go hÁrainn. Jack Carley - scéal fá fhear ag iarraidh mná le spéicéir (matchmaker).

Séamus Ennis ag caint le Bríd Uí Choisdealbha i gCill Bheathach, Peadar Ó Lochlainn i mBaile Uí Mhocháin i dtuaisceart an chondae, Pat "Cuckoo" O Brien agus An "Baser" Conlon i Sráid na nIascairí sa bhliain 1949.

Cainteoirí ó dhúchas Gaeilge ó Cho an Chláir a thaifead Séamus Ennis sa bhliain 1949 agus Andreas Ó Gallchóir sa bhliain 1958.

Éamonn MacAoidh ó Dhún Ibhir, Oileán Acla le rann fá "Oíche na Gaoithe Móire" agus cúpla amhrán.

Alphonsus Mac a' Bhaird as Teileann i nGaeltacht Dhún na nGall ag caint le Proinsias Ó Conluain sa bhliain 1969 fá bhochtanas ina óige agus a dhearcadh ar scoláirí óga a linne.

1. Alphonsus Mac a' Bhaird, Teileann, Co Dhun na nGall ag caint sa bhliain 1969. 2. Éamonn Mac Aoidh Oileán Acla ag caint sa bhliain 1957. 3. Comóradh 50 bliain ar "An Cathalán Gaelach" d'Arm na hÉireann sa bhliain 1974.

Tuairisc ar an chomóradh ar 50 bliain den "Cathalán Gaelach" d'Arm na hÉireann a bhí ar siúl i nGaillimh sa bhliain 1974. Tuairisc le Pádraic Dolan