Tomás Ó Domhnaill ó Oileán Acla ag seanchas agus ag ceol do Chiarán MacMathúna ar an oileán sa bhliain 1957

1. Tomás Ó Domhnaill, OIleán Acla, ag seanchas ón bhliain 1957. 2. Scéim na gcoiníní ag Gael-Linn 1961. 3. Pádraig MacSuibhne, An Suibhneach Meann ag caint 1973. 4. Peadar Ó Beirn, Teileann, Co Dhún na nGall, ón bhliain 1949. 5. Pádraig Ua Maoileoin ag caint faoi naomhóga sa bhliain 1970.

Bunaíodh an nuachtán cailiúil Inniu sa bhliain 1943 agus sa bhliain 1948 rinne Proinsias Ó Conluain gné-chlár ghairid faoin nuachtán, ceann de na chéad chláracha faisnéise atá sa chartlann, agus stairiúil de thairbhe sin. Beidh roinnt den chlár sin le cluinstin ar Siúlach Scéalach inniu agus fosta daoine mór le rá a bhí páirteach in obair Inniu ag déanamh cur síos air sa bhliain 1968. Ina measc tá Ciarán Ó Nualláin (an chéad eagarthóir), Proinsias Mac an Bheatha, Anraí Ó Liatháin, Tarlach Ó hUid agus beirt de bhuaiteoirí Gradam Inniu, agus a mbeidh aithne ag éisteoirí RnaG orthu, Aogán Ó Muircheartaigh agus Seosamh Ó Cuaig.

Míreanna as an tsraith "Fadhbanna Gaeilge" a craoladh ar Radio Éireann sa bhliain 1969. páirteach tá Tomás de Bhaldraithe mar chathaoirleach, Mairtín Ó Cadhain, Niall Ó Dónaill, Donncha Ó Cróinín agus Caitlín Maude

An scéalaí agus seanchaí Tom Phaidí MacDiarmada ag caint le Proinsias Ó Conluain sa bhliain 1970 fá chúrsaí oibre ar an talamh agus ar an chladach.

Seán Ó Gallchóir ag cur síos ar scéim uisce do Chloich Chionnaola agus Seán MacFhionnlaoich ag cur síos ar chúrsaí iascaireachta i nGaoth Dobhair.

Sean-fhear, nach bhfuil a ainm tugtha, ag cur síos ar chúrsaí feirmeoireachta agus curadóireachta san áit agus mar a chaitheann sé an geimhreadh.

Muiris Ó Ceallaigh iascaire as Heilbhic ag cur síos ar chúrsaí iascaireachta sa cheantar.

Micheál Ó Domhnaill, bainisteoir Choláiste na Rinne ag cur síos ar thionchar an choláiste ar an cheantar agus an Béarla ag teacht chun cinn.

Liam Breathnach ón Rinn ag cur síos ar an tsean-saol sa cheantar nuair nach raibh Béarla ar bith á labhairt, cúrsai iascaireachta, Coláiste na Rinne