Send okkum viðmerking ella eitt hugskot. Tað verða vit glað fyri

Slipsið hjá Williami fekk eina føling av alheiminum, merkti tað óendaliga, men liggur nú trygt undir Varða. Eru eyguni ein sentimetur frá nalvanum ber til at hyggja inn í nalvan og njóta hann, sum hann er skaptur, men til ber eisini at hyggja hinvegin – kanska heilt út í rúmdina – kanska læra av umheiminum.

Samrøða við Philip Róin, sum umvegis Danmarks Radio, setur Asia – og serliga Kina – í frásjón, so vit skulu skilja heimin betur. Og Annika Olsen granskar í sínum nalva.

Skannarin brýggjar seg um frásjónina - bæði ta stóru og okkara egnu evarsku lítlu.

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Hvørji krøv eigur Kringvarpið at seta, tá sendingar verða keyptar inn í húsið? Er nakað sum eitur góðskukrøv ella eru tað minuttirnir sum telja?
Samrøða við Barbaru Samuelsen, leiðara á Mentanardeildini í KvF, um sendingarnar Elianssonur.
Nýggj kanning vísir, at vitlíki dugur at býta føroyskar tíðindagreinar í postivar, negativar ella nevtralar. Kann tað brúkast til nakað?
Og so eigur Norðlýsið at skifta navn til "Bloggurin há Jóhan".

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Duga føroyskir miðlar nóg væl at hava haldgóðan og neyvan journalistikk um kríggj og verju?

Í Skannaranum hesaferð tosa vit við Eyðnu Skaale, retorikara, um orðaval í kríggi, Dánjal Højgaard, fyrrverandi journalist, um eina ávísa KVF-samrøðu við ein varaadmiral í NATO og við Katrina Petersen, tíðindaleiðara, um, hvussu tey á redaktiónini viga journalistikkin, sum tey framleiða um kríggj og hóttanir. 

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Ursula von der Leyen, forkvinna í ES-nevndini vitjaði eina langa løtu í Føroyum ávegis til Grønlands, men - sum tað var sagt av Løgmansskrivstovuni - ynskti ES bara tríggjar spurningar á tíðindafundi, og ES ynskti, at danska TV2 skuldi spyrja ein av teimum.
Sjálvandi átti Løgmansskrivstovan ikki at farið so krúpandi eftir hæli, bara tí ES sigur tríggjar spurningar.

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Altjóða kvinnustríðsdagur, sum allar løgtingskvinnurnar halda í New York, og sjálvandi fellur Facebook-dómstólurin sín dóm – oyðsl og blint samfelagssinni.

Í Kringvarpinum skulu tey næstsu árini eggja til meira javnstøðu millum kynini. Eitt amboð til hetta er at telja, hvussu nógvar kvinnur eru við og hvussu nógvir menn eru við – sum vertir, sum gestir, sum luttakarar yvirhøvur.

Gestir í Skannaranum: Liljan Weihe, løgtingskvinna og Ivan Niclasen, stjóri í Kringvarpinum.

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Í tríggjar tímar viðgjørdi løgtingsfólk nýggja public service-sáttmálan, sum er gjørdur millum Kringvarpið og Mentamálaráðið.
Orðaskiftið fevndi bæði um, hvørjar bygdir Kringvarpið eigur at dekka, og hvussu Kringvarpið skal megna at draga ungdómin at sær.
Fjølmiðlanevndin er kærustovnur hjá fólki, sum kenna seg illa viðfarin av miðlunum. Hóast nevndin fær lutfalsliga eins nógvar kærur sum líknandi nevndir uttanlands, so kundi forkvinnan hugsa sær fleiri, so miðlarnir fingu greiðari mørk.
Gestir: Rógvi Olavson, formaður í Kringvarpsstýrinum og Ingrid Bjarnastein, forkvinna í Fjølmiðlanevndini

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Vitlíki kann hava risastórar fyrimunir og vansar við sær, og fyri miðlarnar er átrokandi at vísa etiskt fyrilit og at hava gjøgnumskygni í nýtsluni av vitlíki.

Regin Berg, fakligur skrivari í Etiska ráðnum sigur, at ráðið fer at koma við tilmælum um vitlíki skjótt.

Vit hoyra eisini, hvat Barbara Holm, ábyrgdarstjóri á Frihedsbrevet.fo, sigur um hetta fyrsta árið, har nýggi miðilin hevur roynt at fóta sær í Føroyum.

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Súsanna Olsen, samfelagsfrøðingur var í kringvarpinum og greinaði støðuna, har privat vinnulívsfólk í Norðoyggjum hava givið Klaksvíkar Sjúkrahúsið ein skannara.

Hetta fekk øði í fleiri klaksvíkingar, tí Súsanna Olsen eisini er býráðslimur í Havn fyri Framsókn.

Ein, sum gjørdist firtin, var Jógvan Skorheim, fyrrverandi borgarstjóri í Klaksvík. Hann er í okkara Skannara saman við Katrini Petersen, tíðindaleiðara í Kringvarpinum.

Og hvat hugsaði politiið, tá tey løgdu mynd út av einum manni, sum hevði brotið ein rút í Listasavninum. Heri Andreasen, leiðari á kriminaldeildini hjá politinum, sigur at tað var álvarsamari enn tað.

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Sjúrður Skaale, fóllkatingslimur, finnst í Skannaranum hvassliga at samrøðu hjá Jón Brian Hvidtfeldt, verti, við Árna Gregersen, viðmerkjara, í Degi og viku um innanhýsis viðurskifti í samgonguni, tá talan er um fiskivinnusamstarvið við Russland. Georg L. Petersen, tíðindaleiðari, svarar í Skannaranum, og hann tekur eisini samanum, nú hann leggur frá sær sum leiðari og fer aftur í vanligt journaliststarv.

Og so reisti Uni Holm Johannesen, tingmaður, spurningin á løgtingi, um Føroyar eisini eiga at biðja tey um umbering, sum undir serforsorgini vórðu flutt av landinum og teirra avvarðandi. 

Viðmerkingar ella hugskot kunnu sendast til [email protected]

Send okkum viðmerking ella eitt hugskot. Tað verða vit glað fyri

Spjaðingin millum fólk tykist bara at vaksa, og pressan er týðandi leikari. Eitt kríggj fyri og annað eftir fær okkum ofta at fara í ein part og halda lítið um ella fordøma hin partin.

Á álvarsemisstiganum liggur tað eitt sindur lægri, men broytingar í strandferðsluprísunum spjaða okkum eisini og spjaðir politikarar. Sjálvur løgmaður mátti upp í leikin og við álvarsorðum bað politikarar halda seg burtur frá miðlunum, tí tað oyðilegði møguleikan at finna eina loysn.

Alfred Petersen, sum var semingsmaður frá 1993 til 2011, hugleiðir um leiklutin hjá miðlunum, tá sáttmálasamráðingar ella verkfall eru. 

Vakrar ætlanir, vøkur lýsingarorð og bjørt CO2 tøl, men er nálareygað á redaksjónunum ov vítt, tá tíðindaskrivini frá fyritøkunum koma sendandi á netinum? Júst journalistikkur um veðurlagsbroytingar sær út til eisini at spjaða – kanska so nógv at miðlar aftra seg at brúka fulla orku á tí økinum – ella kanska eru ov fá sum duga. 

Viðmerkingar ella hugskot kunnu sendast til [email protected]