Dibi Breytenbach gesels oor haar nuwe roman HEKS. Johan Myburg praat oor die langlys vir die Britse Baillie Gifford-prys, en EDENGLASSIE, die wenner van die Queensland-letterkundeprys. Antjie Krog is verlede week vereer met ‘n ere-doktorsgraad, en prof. Willie Burger van die UP vertel hoekom sy departement haar genomineer het.

SARIE se boekeredakteur, Phyllis Green, gesels oor die volgende boeke: Die onsigbare deur PJO Jonker; As klippe kon praat deur Connie Luyt; Foto’s en fairylights deur AnMari do Carmio;  Kinderlê deur Lynthia Julius; Prune like a pro deur Anton Roux en SAPPI Tree spotting-reeks; Prescription: Ice Cream deur Allister McAlpine; Wake up, this is Joburg deur Tanya Zack en Mark Lewis; Wat sê Bettina? deur Bettina Wyngaardt. AJ Opperman vertel van Wilma Stockenström, wat in Augustus 91 jaar oud geword het. In Johan Myburg se insetsels uit die internasionale boekewêreld kan meer uitvind oor vier nuwe oudioboeke, Peggy, ‘n roman geskoei op die lewe van Marguerite Guggenheim, en Salley Rooney se nuwe roman Intermezzo. Jy kan ook uitvind wie vanjaar se ATKV-Woordveertjiefinaliste is. In die bonusdeel van hierdie potgooi kan jy luister na ‘n dokumentêr wat Ina Strydom saamgestel het vir Wilma Stockenström se 85e verjaarsdag.

Die skrywer, Abraham (Braam) de Vries, is op 23 Augustus 2024oorlede. Prof. Willie Burger praat oor Braam die mens en skrywer. Jy kan ook luister na ‘n uittreksel uit ‘n 1997-onderhoud wat Daniel Hugo met Braam gevoer het. Die resensent. Jonathan Amid, gesels oor ‘n klompie gunstelingboeke: Rudie van Rensburg se GEBOOIE, Ingrid Winterbach se ONRUS OP STEYNSRUS, Elizabeth Wasserman se DIE NEGE LEWENS VAN MEVROU SMIT en Jaco Strydom se DAKA. Jonathan vertel ook meer oor die boekbekendstellings en ander boeklekkertes wat by die Oude Leeskamer in Stellenbosch aangebied word. BONUSINHOUD: Luister na ‘n 2020-onderhoud waarin Ilse Salzwedel met prof. Willie Burger gesels oor Abraham de Vries se bydrae tot die Sestigers.

Hoor hoe groot Karel Schoeman se bydrae tot die Afrikaanse en Suid-Afrikaanse boekewêreld was, wanneer prof. Willie Burger gesels oor STILTES EN STEMME, ‘n huldigingsbundel oor die werk van Schoeman. Johan Myburg gesels oor ‘n interessante toekomsbiblioteekprojek waarby die skrywer, Tommy Orange, ook nou betrek is, die kortlys van die Dayton Vredesprys en ‘n hernieude belangstelling in liefdesverhale onder lesers wêreldwyd. Ons onthou ook die digter en liriekskrywer, Stephan Bouwer. Hy sou vandeesmaand 76 jaar oud gewees het, maar is in 1999 reeds oorlede.

Deborah Steinmair, Vrye Weekblad se boekeredakteur, gesels oor vier boeke wat sy baie geniet het: GEBOOIE (Rudie van Rensburg), ONRUS OP STEYNSHOOP (Ingrid Winterbach), A SHORT LIFE (Nicky Greenwall) en WEGKRUIPER (Christelle Wessels). AJ Opperman vertel van Annesu de Vos, wat onlangs 60 geword het, en jy kan luister na ‘n kort onderhoud met haar uit 1980. In Johan Myburg se internasionale insetsel vertel hy hoe die herrie rondom ‘n Mej. SA-finalis van Nigeriese afkoms na die boekewêreld uitgekring het, en watter 13 boeke in die deelstaat, Utah, in die VSA verbied is. Hy het ook nuus oor die Turkse skrywer, Elif Shafak, se nuwe roman, THERE ARE RIVERS IN THE SKY. Jy kan ook meer uitvind oor die Kaapsehoop Boekefees, en die NG-gemeente Welgemoed in Kaapstad se Koek en Boek-viering.

Luister na ‘n heruitsending van Ina Stydom se 2018-dokumentêr, ‘N GELEEFDE LEWE, ter viering van John Miles se 86e verjaarsdag. Daar is nuus oor die finaliste vir die 2024 kykNET-Rapport-boekpryse, Booker-langlys en die wenner van Australië se Miles Franklinprys. Johan Myburg bring ook hulde aan die Ierse skrywer, Edna O’Brien, wat verlede week oorlede is.

Francois Bekker, ‘n resensent, bespreek Dana Snyman se outobiografiese boek, SEUN; Albert Blake se JOPIE FOURIE: ‘N BESINNING; en Riëtte Rust se DIE GESKENK. Ilse Salzwedel gesels met Madelein Rust oor haar roman, BESSIE SE HANGKASBIBLIOTEEK. Johan Myburg gesels oor drie nuwe internasionale romans (IN THE BLINK OF AN EYE deur Jo Callaghan, Martin MacInnes se IN ASCENSION en Claire Messud se THIS STRANGE EVENTFUL HISTORY). Suzette Myburg vertel van vanjaar se Woordfeesbundel.

Tydens die onlangse Vrystaat Kunstefees het die skrywer, Fanie Viljoen, gesels oor sy besonderse vriendskap met die kluisenaarskrywer, Karel Schoeman. In Skrywers en Boeke van 24 Julie 2024 is ‘n gedeelte van die gesprek uitgesaai, maar na versoeke van verskeie luisteraars het Fanie ingestem dat die res van sy gesprek oor Karel Schoeman ook beskikbaar gestel mag word. Hierdie is die volledige gesprek. Die deel wat voorheen nie uitgesaai is nie, begin by ongeveer 21:25 en duur tot 53:30. Met dank aan Fanie Viljoen vir die opname.

Wie was Karel Schoeman werklik? In ‘n geredigeerde gedeelte van sy aanbieding, AANKOMS, AFSKEID en VERTREK: MY VRIENDSKAP MET KAREL SCHOEMAN, belig die skrywer Fanie Viljoen ‘n ander kant van Schoeman. Johan Myburg vertel meer oor Irvin Welsh se nuwe roman RESOLUTION, en gesels oor Christopher Marlowe, ‘n Engelse digter wat in dieselfde jaar as William Shakespeare gebore is. Johan het ook nuus oor nuwe lekkerleesboeke uit die internasionale boekewêreld. AJ Opperman onthou die skrywer, Chris Barnard, wat op 15 Julie sy 85e verjaarsdag sou gevier het.

Die skrywer, Audrey Blignaut, is op 6 Julie 1916 gebore. Ons stap terug op haar spore. Jy kan luister na ‘n argiefopname van Bettie Kemp se program, DAAR'S INK IN ONS ARE, oor Blignaut en haar dogter Marie Heese. Die joernalis, AJ Opperman, vertel ook meer oor Audrey en haar groot bydrae tot die Afrikaanse boekwêreld.