Ilse Salzwedel gesels met Madri Victor, ʼn resensent, en Suzette Kotze-Myburgh, die eindredakteur van Chris Karsten se boek ‘N MAN VAN MIN BELANG, oor hierdie belangrike boek. Dit handel oor ʼn onlangse stuk Suid-Afrikaanse geskiedenis en sal byval vind by aanhangers van populêre fiksie en liefhebbers van letterkunde. Corina van der Spoel en prof. Willie Burger gesels oor ʼn bundel opstelle oor die werk van André P. Brink. Biblioteke is van groot belang in ʼn land waar die leeskultuur kwyn, en Ilse gesels met Sam Cooper, ʼn baie toegewyde bibliotekaris, oor hoe die publiek betrokke kan raak. Terrance April se Afrika-skrywer van die week is Malangatana van Mosambiek. Johan Myburg vertel meer oor die kortlys van die Man Bookerprys 2013 en spesifiek oor NoViolet Bulawayo, ʼn Zimbabwiese skrywer wie se debuut WE NEED NEW NAMES, ook op die kortlys is. Die verjaarsdagskrywer van die week is Michael Ondaatje, wat vandeesweek 70 word.

Magdaleen Kruger gesels met Annelie Botes oor Annelie se nuwe boek SWART OP WIT. Ilse Salzwedel gesels met Riana Scheepers in 'n splinternuwe reeks oor die skryfkuns - aspirantskrywers moet dit nie misloop nie! Johan Myburg bring hulde aan Seamus Heany, die Ierse digter wat verlede week oorlede is. Ilse gesels met Nicole Jaekel Strauss, die samesteller van KOSBLIK, ©° bundel kortverhale en essays. Ilse lees ook 'n stukkie voor uit Wilna Adriaanse se kortverhaal in KOSBLIK. Terrance April se Afrika-skrywer vandeesweek is Camara Laye van Guinee.

Is Afrikaanse boeke te duur? Dit is die kern van 'n gesprek met Eloise Wessels, hoof van Media24-Boeke en Izak de Vries van LAPA Uitgewers. Ilse Salzwedel gesels ook met Annemarie van der Walt, wat die hele debat aan die gang gesit het met haar rubriek in Beeld. Corina van der Spoel en prof. Willie Burger gesels oor die Pulitzerpryswenner, The Orphan Master's Son, deur Adam Johnson. Terrance April vertel meer oor Doris Lessing. Johan Myburg vertel meer oor Goethe en Sir John Betjeman wat albei op 28 Augustus gebore is. Prof. Marné Pienaar vertel meer oor die ATKV-tak Vorentoe in Soweto se Afrikaans-projek.

Luister na 'n heruitsending van Ina Strydom se dokumentêr oor C.J. Langenhoven wat vandeesmaand 140 jaar gelede gebore is. Terrance April vertel meer oor Yulisa Amadu Maddy van Sierra Leone en Johan Myburg gesels onder meer oor die skrywers Dorothy Parker, E.L. James en Barbara Cartland. Daar is ook nuus oor 'n Suid-Afrikaanse poësiekompetisie.

Konstantin Sofianos, dosent in Engelse letterkunde aan die Universiteit van Kaapstad, gesels met Karen Jayes oor haar roman FOR THE MERCY OF WATER, wat haar onlangs The CNA/Sunday Times Literary Award for Fiction besorg het. Hulle praat onder meer oor die temas en metafore in die boek. Ilse Salzwedel gesels met Chanette Paul oor haar jongste spanningsroman, SIENDE BLIND. Chanette is ook manuskripontwikkelaar vir LAPA-uitgewers, en praat ook oor die skryfkuns in die algemeen. Terrance April se Afrika-skrywer van die week is JAHMAL MAHJOUB van Somalië.

Ilse Salzwedel gesels met Dana Snyman oor hoe hy sy werk benader. Sy gesels ook met Bettina Wyngaardt oor haar nuwe roman VUILSPEL wat die belangrike tema van korrektiewe verkragting aanraak. Johan Myburg vertel meer oor Tennyson, en ook oor navorsing wat die verband tussen jou leesvoorkeure en sjokolade - van alle dinge - bestudeer het. Terrance April se Afrika-skrywer van die week is Jack Mapanje van Malawi. Gerrit Rautenbach gesels oor sy bundel reisverhale, HARTEPAD. Nathan Trantraal lees drie gedigte voor uit sy bundel, CHOKERS EN SURVIVORS.

Ilse Salzwedel gesels met Ilse Carla Groenewald oor haar super sexy Afrikamasutra. Ilse gesels ook met Verna Vels, wat verlede maand haar tagtigste verjaarsdag gevier het. Leti Kleyn van Tukkies vertel van 'n leeskamerprojek vir behoeftige leerders waarby luisteraars ook kan betrokke raak. Terrance April vertel meer oor die Afrikaskrywer Maya Pearce.

Corina van der Spoel gesels met Boris Gorelik, 'n Russiese joernalis wat 'n boek geskryf het oor ons eie Vladimir Tretchikoff. Ilse Salzwedel gesels met Madeleine Volschenk oor haar debuutroman ELKE DOGTER HET 'N MA, die naaswenner in die debuutafdeling van NB se romanwedstryd 2012. Johan Myburg deel interessante nuus oor internasionale skrywers en hulle boeke, onder meer oor die macho Ernest Hemingway se bakleierige streep. Marion Erskine vertel van sy virtuele leeskring, die Lekkerlees Boekrak. Hierdie Facebookgroep is al in 2009 gestig en het lede van oral in die wêreld. Terrance April se Afrika-skrywer van die week is Thomas Mofolo van Lesotho.

Ilse Salzwedel praat met die Sestiger, Chris Barnard, oor sy loopbaan en gunsteling boeke. Sy praat ook met Deon Meyer, topverkoperskrywer van spanningsverhale, oor nuwe werk uit sy pen, asook oor Die Laaste Tango, die film waarvan hy nie net die draaiboek geskryf het nie, maar ook die regie behartig het. Johan Myburg praat oor die ondersoek na die oorsaak van die dood van die digter Pablo Neruda, asook oor Khaleid Houssini se jongste boek And the mountains echoed. Terwyl die wêreld gons oor die feit dat J.K. Rowling al die tyd die ware skrywer is van The Cuckoo’s Calling, wat in April gepubliseer is onder die naam Robert Galbraith, praat ons bietjie oor skrywers en hulle skuilname. Daar is ook ʼn argiefonderhoud met die skrywer Mikro - sy regte naam was Christoffel Hermanus Kühn - wat vanjaar 110 jaar gelede gebore is. Die opname is sestig jaar gelede gemaak. Vandeesweek stel Terrance April die Afrikaskrywer Morabu Morjele van Lesotho aan ons voor.

n Program oor skrywers en digters en die boeke wat hulle skryf.