Słuchatko - stawizny, reportaže, informacije ze Serbow (MDR Serbja)

60 lět zwjazuje wjacore generacije rejowarjow a rejowarkow te samsne - lubosć, so po hudźbje hibać a dobru zhromadnosć hajić. Betina Wenderothowa wozmje nas sobu - do stawiznow 60-lětneho serbskeho rejowanskeho ćelesa.

Lětuše lawreatki su Regina Šołćina z Konjec, Sonja Hrjehorjowa ze Sulšec pola Kulowa, Lucija Handrikowa ze Smjerdźaceje a lawreat dr. Michał Hajdan z Drjowka. Myto Domowiny za dorost dósta lětsa skupina Holaski.

W 1990tych lětach bu towarstwo załožene. Lětsa woswjeći swoje 30-lětne wobstaće. Zaměr PAWKa je, splećenje syće mjez młodostnymi – Serbami, Němcami, ale tež młodymi ludźimi z cyłeje Europy. Clemens Šmit z bilancu.

Wjetšinu serbskich knihow wudawa Ludowe nakładnistwo Domowina. Tola techniske móžnosće zmóžnja dźensa tež jednotliwcam wudawanje knihow. Tak je to tež při nakładnistwje Veles, za kotrymž steji Lubina Hajduk-Veljkovićowa.

Njedźelniše wusyłanje 29.09.2024: Ze Šěrachowa pochadźaca žona je biografiski roman napisała. To wosebite: pradźěd awtorki bě ewangelski Serb z Bóšic. Dźe wo čas mjez 1839 a předwječorom Prěnjeje swětoweje wójny.

Filmowy team je přewodźał bydlensku zhromadnosć, kiž je wo wšelakich nabožinach diskutowała. W njej bydlachu wěriwi wjacorych nabožinow. Mjez nimi bě tež katolska křesćanka – Gloria Lanzyna, pochadźaca z Róžanta.

W žiwjenju žonow hraja hormony wulku rólu – wosebje w zrališich lětach. Zwjetša su z tym problemy zwjazane. Kotre – a kak móža z tym derje wobchadźeć – wo tym je so Monika Gerdesowa we studiju z ekspertku rozmołwjała.

Njedźelniše wusyłanje 31.08.2024: Reporter Beno Šołta je w juliju a awgusće wopytał wšelke zawody, hdźež Serbja dźěłaja – přeco rano a přeco live. Wjerški z tutych reportažow smy za Was hišće raz zjimali.

Naš słuchomobil je smalił přez saksku stolicu do zawoda Alfix w Großschirmje. Tam produkuja róšty. Kak pak so tute produkuja, što čini tajka firma dokładnje a dokal swoje róšty wšudźe wuwožuje? To zhoniće tule.

Njedźelniše wusyłanje 18.08.2024: Wólby do Sakskeho krajneho sejma so z wulkimi kročelemi bliža. Janek Wowčer je so sydom kandidatkow a kandidatow k serbskim temam naprašował. Tu su wuslědki jeho rešeršow.