Słuchatko - stawizny, reportaže, informacije ze Serbow (MDR Serbja)

Jan Čěpic z Kulowa, kiž je nimale pjeć lětdźesatkow w brunicy dźěłał, je wjele změnow a dalewuwićow dožiwił. Kak hlada wón na swoje dźěło, tež do přichoda, to zajimowaše Bena Šołtu. Tak je sej jeho rozmołwu přeprosył.

Štwórty a z tym posledni dźěl našeje dyrdomdejskeje stawizny "Polarne sony". Mały Jurij, polarna liška Lola, lapska holca Sanna a lumik Taavi pytaja za polarnym swětłom

Njedźelniše wusyłanje 15.12.2024: Jěwa-Marja Čornakec je tekstarka, dramaturgowka, spisowaćelka, redaktorka a dramatikarka. Měrćin Wjenk je so z njej na nadrobnu rozmołwu wo jeje žiwjenju a tworjenju zetkał.

třeći dźěl našeje dyrdomdejskeje stawizny Lubiny Hajduk-Veljkovićoweje: Polarne sony. Mały Jurij je z Łužicy do Finskeje přećahnył, dokelž je jeho nan polarny slědźer. A kak dźe dale? To słyšiće tule.

Jurij bydli w sewjernej Finskej. Jemu je so časćišo wo polarnej lišce dźało, doniž njesteješe wona nadobo woprawdźe před nim a z nim rěčeše. Haj, Jurij je z polarnej lišku rěčał a jej samo mjeno dał - Lola. Kak dale dźe?

Dajće sebi lubić.

Pohladajće sami a dajće sebi lubić. Jenož doprědka hladać njemóžeće, wšako wěsće, rumpodich sej wšitko pisa. Za was słuchohra Lubiny Hajduk-Veljkovićoweje „Polarne sony”(prěni dźěl)

Schadźowanka – što wona raz bě a što wona dźensa je? Je to jedna z temow tutoho wusyłanja. 150. róčnica Schadźowanki je něhdźe 500 studowacych a něhdyšich maturantow na zeńdźenje přiwabiła. Matej Cyž wjedźe po wusyłanju.

Kak wosobinsce ze smjerću a žarowanjom wobchadźamy? Monika Gerdesowa je so rozmołwjała z třomi ludźimi – dwaj přewodźujetaj ćežko chorych a mrějacych – a jedna powěda, kak je swójba njesła posledni žiwjenski čas maćerje.

Njedźelniše wusyłanje 10.11.2024: Drježdźansko-Mišnjanski biskop rozsudźi bórze wo přichodźe serbskich wosadow. Za to su jemu w nalěću zastupjerjo Serbskeho pastoralneho ruma swój koncept přepodali, wě Monika Gerdesowa.