Słuchatko - stawizny, reportaže, informacije ze Serbow (MDR Serbja)

Chcemy Wam w přichodnych mjeńšinach předstajić serbsku mać, kiž bydli a dźěła w Jessenje pola Wittenberga. Tam, w Magdeburgskim biskopstwje, je wosadna referentka: Andrea Meyerowa.

800 lět Kamjenc - je to město bohatych stawiznow a žiweje kultury. Ale poměrnje mało serbskich stawiznow, kaž je Jakub Wowčer zhonił. Wón rysuje nam wobšěrny wobraz Lessingoweho města.

Stawiznam Chróšćanskeho pomnika, dopomnjenkam časowych swědkow a rezonancy na nowy dokumentarny film je so Monika Gerdesowa wěnowała.

Wón pochadźa z Noweje Wjeski, bydli mjeztym w Drježdźanach, je jako serbski basnik, awtor a publicist znaty – bě mnoho lět šefredaktor Serbskich nowin a je swoje 75ćiny woswjećił: Benedikt Dyrlich.

Skupina JANKAHANKA je była na wopyće w Satkuli - nimale kompletnje. Józef Brězan-Hrjehor, Jan Brězan a Max Schneider Grajcarek su do Budyšina přišli, jenož basist Syman Handrick njeje wčera móhł přinć.

Před 80 lětami je so Druha swětowa wójna skónčiła. Benedikt Cyž z Lejna zaběra so hižo dlěši čas ze stawiznami kónc wójny we Łužicy. Wo tym je so Monika Gerdesowa z nim rozmołwjała.

Na hłownej a wólbnej zhromadźiznje Domowiny sobotu bu Dawid Statnik jako předsyda Domowiny wobkrućeny. 111 delegatkow a delegatow pak njeje jenož gremije Domowiny woliło, ale tež wo aktuaklnych naležnosćach diskutowało.

Nastać ma serija portretow za talkshow “Serbowanje”, kotruž móžeće sej na Youtube wobhladać. Prěni rozmołwny partner njeje ani z Łužicy přijěć dyrbjał. Je to bywši předsyda towarstwa, architekt Hanuš Härtel.

Młodźinu ćehnje do swěta, a to dźeń a husćišo. Smy po socialnych syćach młodych Serbow pytali, kiž su sej w zašłym času na tamny kontinent dolećeli. Tak tež na přikład Daniel Nuk a Verena Suchec.

2022 je Ruska Ukrainu nadpadnyła. Miliony Ukrainjanow ćěkaše do wukraja. Tež pola nas we Łužicy a w Serbach je nětko mnoho ukrainskich ćěkancow žiwe. Monika Gerdesowa dwě swójbje a jich dóńt předstaji.