Słuchatko - stawizny, reportaže, informacije ze Serbow (MDR Serbja)

Lětsa je zaso tak daloko: cyła wosada přihotuje so na Pasionsku hru. Lětuši tekst je z pjera Marcela Hozy a Pětra Zahrodnika. Premjera budźe 5. septembra. Monika Gerdesowa probu do lěćnych prózdninow wopytała.

Kulowate narodniny je Marko Šiman štwórtk woswjećił. A přeco hišće je aktiwny a wjele po puću. Šiman je hižo z časa měrliweje rewolucije w sakskim krajnym sejmje a je tuž cyłe wuwiće zašłych 35 lět sobu dožiwił.

Zjimanje wusyłanja 04.07.2025: Naš reporter Beno Šołta bě live na městnje we Wojerecach a je tam serbskich sobudźěłaćerjow kliniki zektał.

Podamy so do stawiznow wsy wosrjedź łužiskeje jězoriny, kotraž bě najwjetši dźěl swojeje historije serbska. Kotru rólu hraje serbskosć dźensa hišće abo znowa a kak je so wjes wuwiwała?

Chrósćicy swjeća 800. róčnicu swojeho prěnjeho pisomneho naspomnjenja. Monika Gerdesowa nětko do zašłosće jubilejneje wosady a wsy pohladnje. Při tym je sej pomoc pola třoch Chróšćanow pytała.

Sće hižo raz wo klišeju słyšeli, zo wustupuja Hornjoserbja Delnjoserbam napřećo arogantnje? Haj - ně? Što tči poprawom za tutym klišejom - kak je wón nastał - a je da něšto na tym? To je sej Rahel Zelnakec wobhladała.

Sće hižo raz wo klišeju słyšeli, zo wustupuja Hornjoserbja Delnjoserbam napřećo arogantnje? Haj - ně? Što tči poprawom za tutym klišejom - kak je wón nastał - a je da něšto na tym? To je sej Rahel Zelnakec wobhladała.

Sputnik Springbreak je so swjatki njedaloko Bitterfelda w Saksko-Anhaltskej wotměł, a tam je tež zaso dźesatki Serbow swjećiło. Satkularjo su wězo na městnje byli a su tam zajimawostki zezběrali.

Wo Amišach w Irskej abo USA smy zawěsće hižo słyšeli: wo chětro zastarsce zwoblěkanych ludźoch, kiž wužiwaja jeno konjace zapřahi. Tola wo Menonitach? Tež woni su kruće po wučbje Luthera a Swjateho pisma žiwi.

Što so tuchwilu na polu serbskeho šulstwa stawa ? Tute prašenje je sej Monika Gerdesowa stajiła. A je za wotmołwami pytała pod hesłom: „Serbske šulstwo aktualnje“.