Grein af ritstjori.is 7. nóvember 2023: Það getur haft afar neikvæð áhrif ef varaformaður Sjálfstæðisflokksins gengur of langt til að ná stjórn á gervigreind.

Alltaf er kominn föstudagur á nýjan leik sem þýðir aðeins eitt fyrir vini ritstjórans: Nýr sneisafullur þáttur af efnismiklum fréttum og málefnalegum persónuárásum. Þriðja vaktin, forréttindapýramídi Reykjavíkurborgar, stríð og rafmyntir.

Samstarfsaðilar ritstjórans eru: Þ. Þorgrímsson, Domino's Pizza og Hringdu.

Hér rifjar Steingrímur J. Sigfússon upp tíma sinn sem fjármálaráðherra, embætti sem hann tók við á stormasömum tíma í febrúar 2009.

Einnig er rætt um stríðið fyrir botni Miðjarðarhafs og vígbúnaðarbrjálæðið sem nú hefur gripið um sig um víða veröld.

Svo að fátt eitt sé nefnt fer Steingrímur einnig yfir nauðsyn þess að Íslendingar búi til sinn eigin mat, standi á eigin fótum sem sjálfstæð þjóð, en ekki sem aðildarþjóð í Evrópusambandinu, rætt er um gamalt sérsvið Steingríms, jarðfræðina, og loks um mál málanna, sjávarútveginn, sem á að borga meira í sameiginlega sjóði að sögn þingforsetans fyrrverandi.

Grein á ritstjori.is 30. október: Menn tala um þriðju heimsstyrjöld og við erum með áhrifalausan forsætisráðherra. Það er mögulega hræðilegt

Fréttir vikunnar: Kvennaverkfallið, þriðja vaktin, klámsýki, íslenski herinn og salan á Íslandsbanka.

Samstarfsaðilar ritstjórans eru: Þ. Þorgrímsson, Domino's Pizza og Hringdu.

Grein 23. október 2023 af ritstjori.is. Kannski væri gott fyrir strákana okkar að stofna íslenskan her.

Raunveruleg upplýsingaóreiða á stríðstímum og síðan ekki endilega svo raunveruleg upplýsingaóreiða á tímum heimsfaraldurs (opinberir starfsmenn eru farnir að tala gegn bólusetningu ungra manna). En helst beinum við athygli okkar í vikunni að hruni í frjósemi á meðal Íslendinga og líka Evrópubúa og förum yfir það hvað hægt er að gera í málinu. Afleiðingar þess að aðhafast ekki hljóta að verða mjög miklar.

Samstarfsaðilar: Þ. Þorgrímsson, Domino's og Hringdu.

Grein 18. október 2023 af ritstjori.is. Það er auðvitað tímabært að ríkið styðji frekar frjósemi en ófrjósemi. En meira þarf til

Grein frá 16. október 2023 á ritstjori.is. Stjórnmálamenn rífast ekkert um mikilvægasta mál okkar kynslóðar. Til hvers eru þeir þá?

Helstu umfjöllunarefni þáttarins í dag eru stórundarlegur stólaleikur ríkisstjórnarinnar – og gífurlega óánægjuleg frammistaða hennar á öðrum sviðum. Þá víkjum við að ræðu Áslaugar Örnu frá því í síðustu viku um Svandísi Svavarsdóttur og loks förum við yfir ritskoðunartilburði Evrópusambandsins. Að auki fjöllum við sérstaklega um nýtt „listaverk“ sem nú gnæfir yfir Ingólfstorgi, þar sem sjá má lunda glíma við ísbjörn á meðan þessar nýju landvættir Íslendinga baða sig í norðurljósum.